بەشی دووەم: شوێنەوارە نادیارەكانی‏
‏ ئەمانەش ئەو زیانانەن كە لە ماوەیەكی كەمدا هەستیان پێ ‏ناكرێت یان هەستیان پێ دەكرێت بەڵام نازانرێت دەرئەنجامی ‏ئەم خووە خراپەن ، وە واقیع و لێكۆڵینەوەكان دەیسەلمێنن ‏ئەم خووە دەبێتە هۆی ئەم شوێنەوارانەی خوارەوە:‏
‏1. خراپ كردنی شانەكانی مۆخ و زاكیرە :-‏
كەسێك كە ئەم كارە ئەنجام دەدات لە خۆوە نایكات چەند ‏سەرچاوە و بزوێنەر و هۆكارێك وایان لێكردووە ئەو كارە ‏بكات ...‏
لەوانەش:-‏
‏(أ) سەرچاوەی دەرەكی : ئەمەش بریتی یە لە وێنە و فیلم و ‏دیمەنە ڕاستەقینە ئارەزوو جوڵینەرەكان .‏
‏(ب) سەرچاوەی ناوخۆیی : ئەمەش عەقڵی ئەنجامدەری ئەم ‏خووەیە كە خەیاڵی جینسی وێنە دەكات كە دەبێتە هۆی ‏جووڵاندنی شەهوەت ئەم خەیاڵەش یان لەگەڵ كەسانێكی ‏ڕاستەقینەدا دەبێت كە بوونیان هەیە یان خەیاڵێكی وەهمی و ‏ناڕاستەقینەیە، تایبەتمەندی ئەم خەیاڵانەش ئەوەیە كە لە ‏ئاستێكدا ناوەستێت و بە تەنها چیرۆكێكی دووبارەوە خۆی ‏كورت هەڵناهێنێت چونكە ئەگەر وابێت توانای لە سەر ‏جووڵاندنی شەهوەت و گەشتن بە ئاوهێنانەوەی كەم دەبێتەوە ‏بەڵكو خەیاڵەكە خەیاڵێكی تازە و گۆڕاوە و ڕۆژ لە دوای ڕۆژ ‏چیرۆكەكانی تێدا دەگۆڕێت تاوەكو لە ڕووی جنسیەوە ‏بتوانێت خۆی تێر بكات بۆ نمونە ئە گە ر بڵێین خانەكانی ‏هۆش(خلايا الذاكرة) بریتین لە كتێبخانەیەك بۆ كاسێتی ڤیدیۆ ‏بیربكەرەوە كە قەبارەی ئەو كاسێتانە (خانانە) چە ند دەبن كە ‏بۆ خەیاڵی جنسی تەرخان كراون بەراورد بەو خانانەی كە بۆ ‏زانیاریەكانی خوێندن تەرخان كراوە یان جگە لەوە لە ‏زانیارییە بەسوودەكان و بێ سوودەكان ؟
‏ وەڵام / ئەگەر بتوانین بەڕاستی قیاسی ئەو ژمارە كاسێتە زۆرە ‏بكەین و بەراوردێك بكەین ئەوا دەبینین ئە و خانانەی تایبەت ‏بە خەیاڵی جنسین زۆر لەوانەی تر زیاترن.‏
هۆیەكەیشی زۆر بە سادەیی ئەوەیە كە خەیاڵی جنسی ‏كارێكی نوێبووەوە و دوبارەیە لە كات و شوێندا بە پێچەوانەی ‏جۆرەكانی تری زانیارییەوە كە كات و شوێنیان دیاریكراوە.‏
بۆیە زانیاریە جنسیەكان بەردەوام و بە شێوەیەكی ترسناك لە ‏زیاد بووندایە لە كاتێكدا زانیارییەكانی تر بە هۆی ‏كەمتەرخەمی و بەردەوام بە كارنەهێنانیەوە كەم دەبێتەوە ‏گومانی تێدا نیە كە ئەنجامدەرەكەی لە تەمەنێكی كەمی ‏تەمەنیدا هەست بەم بەراوردە ناكات چونكە هێشتا هەردوو ‏جۆری زانیاری بەسوود و بێ‌ سوود بە دەست دەهێنێت.‏
بۆیە بە تەواوبوونی دەست كەوتنی زانیاری خوێندنی تێبینی ‏ئەوە دەكرێت كە هەموو شتێك دەپێكێتەوە.‏
بەشێوەیە كە خانەكانی بەدەستهێنانی زانست دەوەستێت ‏‏(دەیبەستێت) و وەكو كاسێتی ڤیدیۆیی كۆنی لێ‌ دێت كە ‏خاوەنەكەی دەیسڕێتەوە بۆ ئەوەی فیلمێكی تازەتری بخاتە ‏سەر بۆ پڕكردنەوەی خانە بەكارنە هاتووەكانی مۆخ (ئەمەش ‏ڕوودەدات بە بێ‌ ئەوەی بیەوێ‌ یان تێبینی بكات) و بەرە بەرە ‏زانیاری بە سوود لەو خانانەدا نامێنێت و هە مووی جنس و ‏شتی پڕِوپوچ دەیگرێت ، پاش دەركردنی ئەو شتانەی بە ‏سوودن لە زانستە دینی و دونیاییەكان .‏
بۆ سەلماندنی ئەم ڕاستیە دەتوانین پرسیار لە هەر لاوێكی ‏ڕاهاتوو لە سەر خووی نهێنی بكەین كە ئایا پاش دەرچوونی ‏لە زانكۆ یان ناوەندی خوێندن بە تەنها سێ ساڵ هیچی لە بیر ‏ماوە ، لەوانەیە كاتەكە هەندێك جار زۆر لەوەش كەمتر بێت. ‏
‏2. لەدەستدانی بنەما و بەهاكان( چۆن خەیاڵ دەگۆڕێت بۆ واقیع ):‏
هە ندێك لە ئەنجام دەرانی خووی نهێنی بیرۆكە و بۆچوونێكی ‏زۆر هەڵەیان هەیە ئەویش ئەوەیە كە دەڵێن : ئێمە لە ‏سەردەمێكدا دەژین كە فیتنە و شتە فریودەرەكان تیایدا زۆرن ‏، و بۆ ئەوەی كچ و كوڕی گەنج خۆی لە زینا و فاحیشە ‏بپارێزێت دەبێ‌ ئەم عادەتە ئەنجام بدات بۆ كوژاندنەوەی ‏ئاگری شەهوەت و بەدەستهێنانی توانا بۆ بەرەنگاربوونەوەی ‏ئەم فیتنانە!!!‏
بەڵام حەقیقەت بە تەواوی پێچەوانەی ئەوەیە ، و چیرۆكە ‏واقیعیەكان و ڕاشكاوی هەندێك لە ئەنجامدەرانی ئەم خووە ‏ئەوە دەسەلمێنن كە زۆرێك لەو كەسانەی لە ژینگەیەكی بە ‏ڕەوشت و دینداردا پە روەردە بوون و پاشان لایانداوە و ‏كێشەی ئەخلاقیان تووش بووە ، هۆكاری ئەو لادان و ‏گومڕابوونانە كاریگەری شەهوەتە جنسیەكان بووە ، كە ‏گرنگترین ئامرازەكانیشی خووی نهێنیە .‏
دەبینیت ئەنجامدەری ئەم خووە لە سەرەتادا كەسێكی بە ‏ڕەوشت و دیندار بووە بەڵام پلە پلە ئارەزووە جنسیەكانی ‏زیاددەكەن و خەیاڵی جنسی پێویستی بە نوێكردنەوە و ‏وروژاندنی زیاتر و گەورەتر دەبن، ڕۆژ لە دوای ڕۆژ دیارە ئەم ‏خەیاڵە جنسیانەشی بە دووبارە بوونەوەی دیمەن و ‏چیرۆكەكان و بەردەوام خەیاڵ كردن لە كەسانێكی وەهمی ‏بەدی نایەت .‏
بۆیە لێرەوە كەسەكە بیردەكاتەوە لە دروستكردنی ‏پەیوەندیەكی ڕاستەقینە لەگەڵ دەوروبەرەكەی یان گەشت ‏كردن یان زۆر ڕێگای تر كە خاوەنەكانیان دەیزانن .‏
لەوانەیە لەسەرەتاوە نەیەوێت یان نەوێرێت خەیاڵە ‏جنسیەكانی لە واقیعدا جێبەجێ‌ بكات چونكە هێشتا خاوەن ‏ڕەوشت ودینە ، بەڵام دوای ماوەیەك و پاش ڕۆچوون لە ‏خەیاڵە جنسیەكان لە لایەك و بینینی فیلم و وەسیلەكانی تر ‏كە بزوێنەری جنسین لەلایەكی ترەوە (كە هەموویان وەسیلەی ‏تەنها بەرجەستەكردنی پەیوەندیەكی ئاژەڵیانەیە) ، تاوەكو ‏بیروباوەڕی ئەو كەسە هەژارانە پلە پلە ڕوو لە داڕمان دەكات ‏تاوایان لێ‌ دێت دەبنە خەڵكانێك بە مەفهومی ئاژەڵان كە گوێ‌ ‏بە ئایین و ڕەوشت و ئاكارە بەرزەكان نادەن .‏
ئەم عادەتە لە بری ئەوەی لاوان بپارێزێت لە كەوتنە تاوانەوە ‏كەچی بە ڕاهاتن لە سەری دەبێتە هۆكارێك بۆ كۆتایی وپاشە ‏ڕۆژێكی بە ئێش و ئازار كە بەسەر زۆر لە ئەنجامدەرانی ئەم ‏خووەدا هاتووە و بووەتە هۆی ڕاهاتن لەسەر زینا ونێربازی كە ‏بە هۆی ئەم دوو تاوانە قێزەونەشەوە تووشی نەخۆشی ‏كووشندەی وەكو ئایدز بوون یان تووشی سزای دونیایی وەكو ‏سجن و تەعزیر یان تووشی تەڵاق دان یان ئابڕووچوونی لای ‏خزم وكەسو كار و جگە لەوانەش بوون كە دەیانبیستین ‏ودەیانبینین یان تووشی ئاخر شەڕی دەبن لەسەر حاڵەتێك لەو ‏حاڵەتانەی كەباسمان كرد، داوا لە خوای گەورە دەكەین لە ‏خراپەی دەرونمان بمان پارێزێت و خراپە و خراپەكاریمان لێ‌ ‏لا بدات وهەموومان بپارێزێت.‏
‏3. نەمانی شەرم وداوێنپاكی :-‏
زۆر ڕۆچوون لە ئەنجام دانی خووی نهێنیدا بەشێوەی پلەپلە ‏دەبێتە هۆی نەهێشتنی نیشانەكانی شەرم وداوێن پاكی ‏وڕووخاندنی بەربەستەكانی دین وڕەوشت، ئەگەر ئەمە ‏بەنیسبەت كوڕانەوە ڕوون وئاشكرا بێت ئەوا بەنیسبەت ‏ئافرەتانەوە زۆر ڕوونترە ، بۆیە لات سەیر نەبێت كە ئەو ‏گەنجەی تا دوێنێ‌ زۆر بەڕەوشت بووە و نەیوێراوە سەیری ‏شەرەف و نامووسی خەڵكی دەورووبەری لە دراوسێ‌ ‏وخزمەكانی هەتاوەكو خەڵكی سەر جادەش بكات ئەمڕۆ وای ‏لێ‌ هاتووە دوای شەرەف و نامووسی خەڵكی كەوتووە و ‏دەستی كردووە (بەڕاوە كچ یان ڕاوە كوڕ) وە سەیر نییە ‏ئەوەی كە تا دوێنێ‌ چاوی لە شوێنی پێیەكانی خۆی ‏بەرزنەدەكردەوە ئەمڕۆ وای لێ‌ هاتووە سەیری ئەم لاو ئەولا ‏دەكات لە بازاڕ و (ترافیك لایتەكان )دا هەتا وای لێ‌ هاتووە ‏ئەوەندە سەیری پیاو دەكات پیاوەكە شەرم دەكات ‏وسەردەكاتە خوار ، وە دەیبینیت دوای سەیارەی جوان ‏دەكەوێت وسەیری خەڵكی ناوی دەكات و سەیری فیلمی ‏خۆشەویستی ودڵداری دەكات لە تەلەفیزیۆن و كەناڵەكاندا، وە ‏سەیر نەبێت ئەوكەسەی كە تادوێنێ‌ خەیاڵی پاك وخاوێنی ‏هەبوو ئەمڕۆ خەیاڵ و بیرۆكەی خۆی لە هەموو بوارێك ‏لەبوارەكانی جنس وشەهوەتدا دەجوڵێنێت، دەتوانین ئەم ‏شتانەی كە باسمانكردن لەو شوێنە گشتیانەدا ببینێت كە ‏هەردوو ڕەگەزی نێرومێ‌ی تێدایە وەكو بازاڕ وسەیرانگاكان ‏وەكو بەڵگەیەك لەسەر نەمانی حەیاوشەرم (تەنها لای ئەو ‏كەسانە نەبێت كە خوا ڕەحمی پێ‌ كردوون) بۆیە لەبەر نەمانی ‏ئەو شتانە ئێستا پەیوەندی حەرام وئەنجام دانی تاوانە ‏گەورەكانی تر زۆر ئاسان بووە ، خوا ئێمە وئێوەشی لێ‌ ‏بپارێزێت ...‏
‏4. زۆربوونی تەڵاق وخراپەكاری:-‏
‏ ژنی ئەوكەسەی كە ڕاهاتووە لەسەر (خووی نهێنی ) لەوانەیە ‏نەتوانێت بەو شێوەیە پیاوەكە بوروژێنێت ولایەنی جینسی ‏تێربكات هەروەكو ئافرەتە بەدڕەوشت و خراپەكارەكان لە ‏تەلەفزیۆن و كەناڵەكاندا دەیكەن (هەرچەندە ژنەكە جوانیش ‏بێت)، بۆیە ئەم ئافرەتە ناتوانێت مێردەكەی قایل بكات و ‏كێشە دەكەوێتە نێوانیانەوە ، و پیاوەكەی وادەزانێن ئافرەتی ‏تر دەتوانێن ئەم ئارەزووەی بۆ بەدی بهێنێت، بۆیە دەچێت ‏ژنی یەكەم تەڵاق دەدات و ژنێكی تر دەهێنێت بۆ ئەوەی ‏غەریزەی جنسی بۆ تێر بكات ، بەڵام دوای ئەوەش ‏هەركێشەكە وەكو خۆی دەمێنێتەوە یان ژنی یەكەم تەڵاق ‏نادات و دەیهێڵێتەوە لەگەڵ ئەوەشدا دەست دەكات بەئەنجام ‏دانی كارە خراپەكان ، بۆیە داماوە وای لێ دێت لەناو ‏بازنەیەكی ونبووی كارە حەرامەكاندا دەبێت بەهیوای گەشتن ‏بەئامانجەكان، بەڵام خۆزگە ئەو كەسە هەر لەسەرەتاوە ‏بیزانیایە هۆكاری ئەم كێشەیە (خووی نهێنی)یە، بەڵگەش ‏لەسەر ئەم قسەیە ئەوەیە ئەو كەسانەی ئەم كارە ئەنجام نادەن ‏پێوستیان بەو هەموو هیلاكیە نیە بۆ گەشتن بەتێربوونی ‏جنسی ، بەڵكو كەمترین حەڵاڵی بەسە بۆ جوڵاندنی شەهوەتی ‏و ئاوهاتنەوە وچێژ وەرگرتن لەخێزانەكەی ، ئەم كارەش ‏بەسەر ئافرەتاندا جێبەجێ‌ دەبێت بەڵام ئافرەت ئەم ڕاستیە ‏دەشارێتەوە و ئارام دەگرێت ئەگەر ئەوەندە باوەڕی هەبێت كە ‏بتوانێت و یارمەتی بدا لەسەر ئەوە ئەگینا بە هەمان شێوەی ‏پیاو ئەویش هەوڵی قەرەبووكردنەوە دەدات بەیەكێك لەڕێگا ‏حەرام كراوەكان .‏