تەمەن دەڕوات
بەروار: 2014/01/21سەردارن: 3544

الحمد لله وحده، و الصلاة والسلام على من لا نبي بعده....
برا و خوشكانی بەڕێزم : ئێمە لەم دونیایەدا ڕێبوارین ‏و سەفەرێكی دوور و درێژمان لە پێشە ، و تەمەنی ‏هەموو یەكێك لە ئێمە دەڕوات و تەواو دەبێت و ئەبێت ‏تاڵاوی مردن بچێژین، و بەرەو ئەو ژیانە هەتا هەتایە ‏بەڕێ بكەوین ‏[كُلُّ نَفْسٍ ذَائِقَةُ الْمَوْتِ].‏
خۆشەویستان :‏
هەموومان باش باش دەزانین كە ئەمڕۆ نا سبەی ‏تەمەنمان كۆتایی دێت و دەمرین ودەخرێینە ناو ‏قەبرێكی تەنگ و تاریكەوە ، و پاشان زیندوو ‏دەكرێنەوە و پرسیارمان لێ دەكرێت .‏
ئەوەی كەوا زەمانی وەڵامدانەوەمانە بە شێوەیەكی ‏تەواو و دروست بۆ ئەو دوو فریشە بەڕێزە بریتی یە لە ‏كردەوە چاكەكانی ئەمڕۆمان ، جا پێم خۆشە بوو لەم ‏بابەتە كورتەدا هەندێك لەو كردەوە چاكانەی كەوا (( ڕۆژانە و هەفتانە و مانگانە و ساڵانە))یە باس بكەم ‏بە ئومێدی ئەوەی من و تۆش سوودی لێ ببینین و ‏بتوانین بە پێی توانا جێ بە جێ یان بكەین بەڵكو ببێتە ‏هۆی ڕوناكی و فراوانی قەبرەكەمان ، و لە ڕۆژی ‏دوایشدا بە بەهەشتی بەرین شاد ببین .‏
یەكەم : ئەو كردەوە چاكانەی كەوا ڕۆژانەیە(الأعمال اليومية)‏
‏1-‏ نوێژەكان بە جەماعەت لە مزگەوت .‏
‏2-‏ نوێژە سونەتەكان (پاش و پێش نوێژە فەرزەكان ، ‏شەو نوێژ لەگەڵ وتر ،و چێشتەنگا ...) . ‏
‏3-‏ زیكرەكانی بەیانیان و ئێواران و دوای نوێژە ‏فەرزەكان و پێش خەوتن و لەخەوهەستان ...‏
‏4-‏ خوێندنی قورئان جوزئێك یان كەمتر . ‏
‏5-‏ وەڵامدانەوەی بانگبێژ .‏
‏6-‏ دوعا و پاڕانەوە .‏
دووەم : ئەو كردەوە چاكانەی كەوا هەفتانەیە (الأعمال الأسبوعية)
‏1-‏ خوێندنی سورەتی (الكهف) لە ڕۆژانی هەینی .‏
‏2-‏ ئامادە بوون و زوو ڕۆشتن بۆ نوێژی هەینی . ‏
‏3-‏ ڕۆژوو گرتنی دوو شەممان و پێنج شەممان.‏
‏4-‏ سەردانی كردنی نەخۆشێك.‏
‏5-‏ دانانی كاتێك بۆ موحاسەبە كردنی نەفست .‏
سێ یەم : ئەو كردەوە چاكانەی كەوا مانگانەیە (الأعمال الشهرية) ‏
‏1-‏ ڕۆژوو گرتنی (أيام البيض) واتە : (13 و 14و 15) ی ‏مانگی كۆچی .‏
‏2-‏ بەجێ گەیاندنی سیلەی ڕەحم و سەردانی كردنی ‏كەسە نزیكەكانت .‏
‏3-‏ صەدەقە كردن بە بەخشینی هەندێك پارە بە ‏فەقیر.‏
‏4-‏ سەردان كردنی گۆڕستان و بیركردنەوە لە مردن .‏
‏5-‏ بڵاوكردنەوەی كتێب یان نامیلكە بەسەر هاوڕێ و ‏خزم و كەسە نزیكەكانی خۆتدا .‏
چوارەم : ئەو كردەوە چاكانەی كەوا ساڵانەیە (الأعمال السنوية) ‏
‏1-‏ ڕۆژوو گرتنی (9 و 10) ی موحەڕڕەم .‏
‏2-‏ ڕۆژوو گرتنی مانگی ڕەمەزان و زیندوو ‏كردنەوەی دەشەوی كۆتایی .‏
‏3-‏ ڕۆژوو گرتنی شەش ڕۆژ لە مانگی شەوال ‏‏(شەشەڵان) .‏
‏4-‏ عومرە كرن .‏
‏5-‏ بە ڕۆژوو بوونی ڕۆژی عەرەفە .‏
‏6-‏ كردەوەی چاكە زۆر كردن لە دە ڕۆژی یەكەمی ‏مانگی حاجیان .‏
پێنجەم : كۆمەڵە كردەوەیەكی هەمەجۆر و گشتی : ‏
وەكو : نەرم و نیانی و ڕووخۆشی و خواردنەوەی ڕق ‏و كینە و چاوداگرتن لە ئاستی نامەحرەم و ‏بڵاوكردنەوەی سەلام و چاكە كردن لە گەڵ دایك و باوك ‏و دراوسێ و پاراستی زمان لە غەیبەت و سیواك بە ‏كارهێنان و فەرمان بە چاكە و ڕێگری لە خراپە بە ‏گوێرەی توانای خۆت و نوێژكردن لەسەر جەنازە و ‏شوێنكەوتنی بۆ قەبرستان... ‏
لە كۆتایدا : خوشك و برای بەڕێزم: بزانە كە هەموو ‏ڕۆژێك لە تەمەنمان دەڕوات و ڕۆژ بە ڕۆژ لە مردن نزیك ‏دەبینەوە جا ئەو ساتە بهێنە پێش چاوی خۆت كە تۆ ‏لەسەر جێگا ڕاكشاویت و لەسەرەمەرگی و چاوەڕێی ‏فریشتەی گیان كێشانی و دوای چەند ساتێكی تر ‏ڕوحەكەت لەلاشەت جیادەبێتەوەو دەردەچێ‌ و ‏ماڵئاوایی هەتاهەتایی لەدونیا دەكەیت, ماڵئاوایی ‏لەخزم و كەس و كارو هاوڕێكانت دەكەیت وەپاشان ‏پاك دەتشۆنەوە دواجار بەكفنی سپی بەرگت بۆ ‏دەدوورن و پاش چەند خولەكێك نوێژت لەسەر دەكەن ‏و بەرەو گۆڕ بەڕێت دەخەن و لەدوایی ناشتنت ‏ماڵئاواییت لێ‌ دەكەن و بەتەنها خۆت و كردەوەكانت ‏دەبنە میوانی گۆڕ, تەنها خۆت و كردەوەكانت و بەس ‏كەست لەگەڵ نامێنێ‌ نە باوك و نەدایك و نەخێزان و ‏نەمنداڵ و نەبراو نەخوشك ..هتد
ئێستا كەتۆ لەناو گۆڕیت بەتەنها لەمەنزڵگای غەریبانی ‏ئەگەر چاكەخواز بیت ئەوە بێ‌ گومان گۆڕەكەت پڕ ‏دەبێت لەنازو نیعمەتی خوایی بەڵام بەپێچەوانەوە ‏‏((خوا پەنامان بدات)) ئەگەر لەكۆمەڵی خراپەكاران بیت ئەوە گۆڕەكەت دەبێتە شێوێك لەشێوەكانی دۆزەخ.‏
موسڵمانانی خۆشەویست: چەندەها ساڵت لەژیانی ئەم ‏دونیایە لەدەست چووە لەخوداپەرستی و خواناسی, ‏بیربكەرەوە چەندەها نوێژت لەكیس چووە, چەندەها ‏ڕۆژووت نەگرتووە, چەندەها چاكەت لەدەست ‏چووە,...‏
ئێستا تۆ لەناو ئەم گۆڕەدا ئاهی پەشیمانی ‏هەڵئەكێشی بەڵام تازە بێ‌ سوودە..‏
گۆڕیش یان دەبێتە ڕایەخەی بەهەشت یان ڕایەخەی ‏دۆزەخ.‏
بۆیە بڕیار بەدەستی خۆتە ئەگەر ئەتەوێت قەبرەكەت ‏ببێـە باخێك لە باخەكانی بەهەشت, دەی كردەوەی ‏چاك ئەنجام, وەئەگەر نا ((دۆزەخ))ی پڕ ئازاری ‏كوشندە چاوەڕێتە.‏
داواكارم لە خوای پەروەردگار هیدایەتمان بدات بۆ ‏سەر ڕێگەی ڕاست و ئیستیقامەمان پێ ببەخشێت و لە ‏هەڵە و كەموكورتیمان ببورێت .‏
وآخر دعوانا أن الحمد لله رب العالمين