ماڵپەری بەهەشت

بەشە سەرەکیەکان
پرسیار و وەڵامی شەرعی
ئاماری ماڵپەڕ




ڕێکلام
پێغەمبەر صلى الله عليه وسلم هاوسەری بەوەفایە

خاتو عائیشە دەگێڕێتەوە كە پیرەژنێك هاتە لای پێغەمبەر صلى الله عليه وسلم و پێی فەرمو: تۆ كێی؟ گوتی: جثامەی موزنی. پێغەمبەر فەرموی: تۆ حەسانەی! ئێوە چۆنن؟ ئەحواڵتان چۆنە؟ پاش ئێمە ئێوە ئەحواڵتان چۆن بو؟ گوتی: دایك و باوكم قوربانت بێ، باشین!
كاتێك رۆیشت خاتو عائیشە فەرموی: ئەی پێغەمبەری خوا! ئەوە چۆنە بەم جۆرە پێشوازى یە پێشوازیت لەم پیرەژنە كرد؟! فەرموی: لەسەردەمی خەدیجەدا هاموشۆی دەكردین!
باش بەجێهێنانی عەهد و پەیمان لە بڕواوەیە. رواه الحاكم وصححه ووافقه الذهبـي.
خاتو عائیشە گوتویەتی: ((ما غرت على أحد من نساء النبي صلى الله عليه وسلم ما غرت من خديجة، وما رأيتها قط! ولكن كان الرسول يكثر ذكرها وربما ذبح شاة ثم يقطعها أعضاء، ثم يبعثها الى صدائق خديجة! وربما قلت له: كأن لم يكن في الدنيا أمرأة إلا خديجة! فيقول: إن كانت وكانت، وكان لي منها ولد! "خير نسائها مريم بنت عمران، وخير نسائها خديجة" وأشار الى السماء والأرض)). رواه البخاري و مسلم و الترمذي.
واتە: غیرەم بەرامبەر هیچ خێزانێكی پێغەمبەر نەبوە وەك ئەوەندەی بەرامبەر بە خەدیجەم هەبوە كە هەرگیز نەم بینیوە! بەڵام پێغەمبەر زۆر باسی دەكرد كاتى مەڕی سەردەبڕی و لەت لەتی دەكرد بۆ هاوڕێكانی خەدیجەی دەنارد!
بە پێغەمبەرم گوت: وەك بڵێی لە دنیا كەسی تێدا نەبوبێ تەنهاخەدیجە نەبێت!
ئەویش فەرموى: كەوا بێ هەر ئاواشە چونكە منداڵم لێی هەبوە! وە بە پەنجەی ئاماژەی بۆ ئاسمان و زەوی كرد كە باشترین ئافرەت مەریەمی كچی عومرانە و باشترین ئافرەتی زەوی خەدیجەیە.
گوتویەتی:((ما غرت على امرأة قط ما غرت على خديجة من كثرة ذكر النبي صلى الله عليه وسلم إياها، ولقد ذكرها يوماً فقلت: ما تصنع بعجوز حمراء الشدقين؟! قد أبدلك الله خيراً منها؟! فقال والله ما أبدلني الله خيراً(1) منها آمنت بي حين كفر الناس، وصدقتني إذ كذبني الناس، وواستني بمالها إذ حرمني الناس، ورزقني منها الله الولد دون غيرها من النساء)). رواه البخاري مختصراً و أحمد و الطبراني كما أشار اليه ابن حجر في (الفتح).
واتە: غیرەم بەرامبەر هیچ ئافرەتێك نەبوە وەك ئەو غیرەیەی بەرامبەر خەدیجەم هەبوە ئەمەش لەبەر زۆر باس كردنی پێغەمبەر صلى الله عليه وسلم، رۆژێك باسی كرد منیش گوتم: ئەرێ ئەوە چ ئیشت بەو پیرەژنە لوت لالفاوە سورە ددان لەدەما نەماوەیە، هێندە باسی دەكەیت! خوای گەورە بە یەكێكی باشتری بۆ گۆڕىیەوە؟!
پێغەمبەر فەرموی: بە خوا بە باشتری بۆ نەگۆڕیمەتەوە، ئەو بڕوای پێ هێنام لە كاتێك خەڵك بێ بڕوا بون، بەڕاستگۆی دانام كە خەڵك بە درۆیان دەخستمەوە، بە ماڵ و سامانەكەی یارمەتی دام كە خەڵك بێ بەشیان كردم، خوای گەورە تەنها لەو منداڵی پێ بەخشیم نەك لە ژنەكانی تر.
=======================
دكتۆر نظمی لۆقای مەسیحی لەمەڕ وەفای پێغەمبەری خوا صلى الله عليه وسلم لە رسالەكەی (محمد في حياته الخاصة‌) لاپەڕە 55-54 دەڵێ: ((ئەمە چ كردەوەیەكە وا لە پیاو دەكات دواى مردنی هاوسەرەكەی بە چەندەها ساڵ بە وەفا بێت بۆى و بە دڵ نەرمى و بەبەزەیى و ستایش كردنەوە باسى دەكات.
ئایا مرۆڤی بە ویژدان ئەوە لە بیر دەكات كە لە جەنگی (بەدر)دا ڕویدا، كە (عاص بن ربیع) مێردی زەینەبی كچی پێغەمبەر بە دیل گیرا، كە ئەو كاتە لەسەر ئاینی باوكی بو بێ بڕوا بو، داوا لە ئەبو العاص كرا فدیە بدات، جا زەینەبی خێزانی عاص هات، ملوانكەیەكی دایكی پێ بو، هی خەدیجەی كچی خوەیلید، وەك بڵێی بۆ ئەوەی هێنا تا چاكەی خەدیجەی بهێنێتەوە بەر چاو كە چەند لەسەر ئەوە شیوەنی بەركەوتوە، چەند نیعمەتی حەسانەوەی پێ بەخشراوە لە ناخۆشى یەكانی جیهاد و كولەمەرگی و بانگەوازی، كە توشی توندی و زەحمەت و ناخۆشی دەبێت.
جا پێغەمبەر ئاوڕی دایەوە بەلای هاوەڵەكانی و داوای لێ كردن كە ملوانكەكە بگەڕێننەوە بۆ زەینەب و مێردە دیلەكەی ئازاد بكەن لەبەر رێزی ئەو بیرەوەرى یە خۆشە..
ئەبو العاص كوڕی ربیع كێ یە؟ ئایا كوڕی خوشكی خەدیجە نەبو؟ كە خەدیجە وەك كوڕی خۆی دادەنا و بە مێردەكەی گوت زەینەب بدات پێی، پێش ئەوەی ببێت بە پێغەمبەر. ئەم ئیعجابە گەورەیەی پێغەمبەری خواصلى الله عليه وسلم بەرامبەر بە خەدیجە بەڵگەی جوامێری و خانەدانی و رەوشت بەرزییەتی و، رێز گرتنى یەتی بۆ عەقڵی راست و نەفس مەردی خەدیجە وێڕای گەورەیی تەمەنی كە لە تەمەنی چل ساڵی دا بوە و پێغەمبەریش لە تەمەنی بیست و پێنج ساڵی، جا جوانی و شارەزایی عائیشە هەمو ئەوانەی لە بیر نەبردەوە كە بە درێژایی تەمەنی بەوەفایی مایەوە، وێڕای تەمەن گەورەییشی ژنی بەسەر نەهێنا، تا ئەو كاتەی گیانی سپارد.
دكتۆر نظمي لە هەمان كتێب دا لاپەڕە 56 دەڵێ: پاش ئەم كێشەیە عائیشە نەیوێرا باسی خەدیجە بە زمانی دابێت، لە كاتێكدا عائیشە ژنێكی گەنج و جحێل بوە و خاوەن بەش و بەختدار بوە.
كێ وەك محمد صلى الله عليه وسلم دەتوانێ ئەم كردەوەیە بنوێنێ، ئاوا بەم جۆرە وەفایى یە بەرامبەر خەدیجە بەوەفا بێت، جا حەق وایە پێغەمبەر بكرێتە نمونەی پیاو(مێرد) و نمونەی پێ بهێنرێتەوە بە پیاو و ئافرەتەوە! دەبینی ئەو ڕەفتارەى بۆ ئەو كەسە نواند، كە مردوە، ئەو كەسەش كە لەگەڵی دەژیێ و خۆشی دەوێ، توڕە دەكات؟!
سەبارەت بەم بەوەفایى یە چ دەگوترێ، كە دنیا پڕە لە نمونەی دڵ ئازاردەرو سپڵەیى و ناپاكی كردنى پەیمان؟!

www.ba8.org

بینێرە بۆ هاوڕێکەت
چاپکردن
ستایڵ
  • قەبارەی فۆنت
    • گەورەکردن:
    • zoomin
    • بچوک کردنەوە:
    • zoomout
  • جۆری فۆنت
    • ههەڵبژاردن:
  • ڕەنگی فۆنت
    • هەڵبژاردن:
  • بنەڕەتی کردنەوە
    • بنەرەتی
ڕێکلام