ماڵپەری بەهەشت

بەشە سەرەکیەکان
پرسیار و وەڵامی شەرعی
ئاماری ماڵپەڕ




ڕێکلام
ڕاسپاردە سەبارت بە ئافرەت

((من خطبة النبي صلى الله عليه وسلم في حجة الوداع:.. ألا واستوصوا بالنساء خيراً!
اتقوا الله في النساء! فإنكم أخذتموهن بأمان الله واستحللتم فروجهن بكلمة الله ولكم عليهن أن لا يوطئن فرشكم
أحداً تكرهونه، فإن فعلن ذلك فاضربوهن ضرباً غير مبرح ولهن عليكم رزقهن وكسوتهن بالمعروف. وقد تركت فيكم
ما لن تضلوا بعده إن اعتصمتم به: كتاب الله: وأنتم تسألون عني، فما أنتم قائلون؟!
قالوا: نشهد أنك قد بلغت وأديت ونصحت.
فأشار بأصبعه السبابة يرفعها الى السماء وينكبها الى الناس ويقول: اللهم اشهد! اللهم اشهد ثلاث مرات.)). رواه مسلم.
واتە: لە حەجی ماڵ ئاوایی پێغەمبەر صلى الله عليه وسلم لە وتارەكەی ئەوەی فەرمو:
((... پێتان رادەسپێرم كە لەگەڵ ئافرەتان بە چاكە رەفتاریان لەگەڵ دا بكەن!
دەرهەق ئافرەتان لە خوا بترسن (زوڵمیان لێ نەكەن)! چونكە ئافرەتان ئەمانەتی خوان لەلای ئێوە و بە هۆی دین و وشەی خوای گەورە فەرجیان بۆتان حەڵاڵ كراوە. ئێوەش مافتان لەسەریان ئەوەیە كەكەس نەیەتە ماڵتانەوە و لە شوێنی خۆتان دابنیشێ كە خۆتان پێتان ناخۆشە بێن بۆ ماڵتان. گەر بەفەرمانیان نەكردن ئەو كاتە بە لێدانێكی سوك لێیان بدەن ئەوەش پاش ئامۆژگاری كردنیان بە گوتەی شیرین یان سەرجێیی نەكردن، ژنەكانیشتان مافیان لەسەرتان هەیە كە رۆزیان بۆ پەیدا بكەن و بە باشی پۆشتەیان بكەن. كیتابی خوا كە قورئانە بۆم بەجێ هێشتون گەر دەستی پێوە بگرن هیچ كاتێك گومڕاو سەرلێشێواو نابن، ئێوەش دەربارەم دەپرسن، ئێوە چی دەڵێن؟!
ئەوانەی لەوێ ئامادەی وتارەكە بون گوتیان: گەواهی و شایەتی دەدەین ئەوەی كە لەسەرت بو گەیاندت و بەجێت هێنا و ئامۆژگاریشت كرد لەو بارەیەوە.
جا پەنجەی شایەتمانی بەرز كردەوە بەرەو ئاسمان و بەلای خەڵكەكەی لادەدا و دەیفەرمو: خوایە شایەت بە، خوایە شایەت بە سێ جار ئەمەی فەرمو.
لەبارەی حەز نەكردنی پیاو بە دانیشتنی یەكێكی تر لە شوێنەكەی ئەو دكتۆر نظمى لۆقا لە كتێبەكەیدا لاپەڕە 36 دا دەڵێ كە ئەمە كورتەكەیەتی:
(...مێژو هەرگیز ئەوەی لە بیر ناچێتەوە كە ئەبو سوفیانی سەرۆكی قوڕەیش چوە لای ئوم حەبیبەی كچی كە خێزانی پێغەمبەر بو، بە نهێنىیەوە چوە لای تا لە خەشم و توڕەیی پێغەمبەر بیپارێزێ لە كاتی فەتحی مەككەدا، ئەبو سفیان لەبەر لوت بەرزی چاوەڕوانی ئیزنی كچەكەی نەكرد و یەكسەر چوە سەر جێگە و شوێنی دانیشتنی پێغەمبەر تا لەوێ دابنیشێ و قسە لەگەڵ كچەكەی بكات وەكو قسەكردنی باوكێكی خۆ بەزل زان و لوت بەرز.
ئوم حەبیبە كە بۆ ماوەی چەند ساڵێك بو باوكی نەبینیبو هیچ نەرمی بۆ نەنواند، بەڵكو یەكسەر ئەو فەرشەی كە پێغەمبەر لەسەری دادەنیشت لەبەر دەستی لای دا تا لەسەری دانەنیشێ. جا ئەبو سوفیان پێی گوت: ئەمە لەبەر من فەرشەكەت لادا، یان لەبەر فەرشەكەت بو؟
ئوم حەبیبە وەڵامێكی توندی دایەوە و گوتی: ئەمە فەرشی پێغەمبەری خوایە لەسەری دادەنیشێ و تۆش پیاوێكی هاوبەش پەرستى! نامەوێ لەسەری دابنیشی!)
خوێنەری خۆشەویست: دەبینی پەیوەندی ئیمان چەند بەرزە كە لە سەروی هەمو پەیوەندىیەكانەوەیە و لە سەروی سۆز و عاتیفەیە. كردەوەكەی ئوم حەبیبە ئەم راستىیە دەسەلمێنێ و راستىیەتی ئەم فەرمودەیەش دەسەلمێنێ:
((لايؤمن أحدكم حتى أكون أحب إليه من ولده ووالده، والناس اجمعين)).
واتە: ئیمانی هیچ كەسێكتان تەواو نابێ تا منی لە منداڵ و دایك و باوكی خۆشتر نەوێ، هەروەها لە هەمو خەڵكیش.

www.ba8.org

بینێرە بۆ هاوڕێکەت
چاپکردن
ستایڵ
  • قەبارەی فۆنت
    • گەورەکردن:
    • zoomin
    • بچوک کردنەوە:
    • zoomout
  • جۆری فۆنت
    • ههەڵبژاردن:
  • ڕەنگی فۆنت
    • هەڵبژاردن:
  • بنەڕەتی کردنەوە
    • بنەرەتی
ڕێکلام