ماڵپەری بەهەشت

بەشە سەرەکیەکان
پرسیار و وەڵامی شەرعی
ئاماری ماڵپەڕ




ڕێکلام
مەبەستەكانی ژن هێنان لە بارەی سیاسی و عەسكەرى یەوە

خوای گەورە دەفەرموێ: [وَأَعِدُّوا لَهُمْ مَا اسْتَطَعْتُمْ مِنْ قُوَّةٍ] الأنفال:60، واتە: ئەوەندەی هێز و تواناتان هەیە، بۆ دوژمنانتان ئامادەی بكەن.
پێغەمبەرصلى الله عليه وسلم دەفەرموێ:((تزوجوا الولود الودود، فإني مكاثر بكم الأمم)). رواه أبو داود والنسائي وابن حبان (حديث صحيح).
واتە: ئافرەتی وا بخوازن كە منداڵی ببێ و خۆشەویست بێ، چونكە من بە زۆریتان شانازی دەكەم لە ناو ئوممەتەكانی تر.
((جاءت أمرأة الى النبي صلى الله عليه وسلم فقالت: يا رسول الله ذهب الرجال بحديثك، فاجعل لنا من نفسك يوماً نأتيك. قد تعلمنا مما علمك الله، قال النبي صلى الله عليه وسلم: إجتمعن يوم كذا وكذا في موضع كذا وكذا. فاجتمعن فأتاهن فعلمهن مما علمه الله، ثم قال: (ما منكن من امرأة ثلاثة من الولد إلا كانوا لها حجاباً من النار!) فقالت إمرأة: وإثنين؟ قال رسول الله صلى الله عليه وسلم وإثنتين!)). رواه البخاري و مسلم.
واتە: ژنێك هاتە لای پێغەمبەری خوا و گوتی: ئەی پێغەمبەری خوا پیاوان فەرمودەی تۆیان گوێ لێ بو رۆیشتن، تۆش رۆژێكمان بۆ دیاری كە، تا ئەوەی خوای گەورە فێری كردویت فێرمان بكەیت.
پێغەمبەر فەرموی: فڵانە رۆژ كۆببنەوە لە فڵانە شوێن.
جا ئافرەتەكان كۆبونەوە و پێغەمبەر چوە لایان و ئەوەی خوای گەورە فێری كردبو فێری كردن.
پاشان فەرموی: هەر ئافرەتێك لە ئێوە سێ منداڵی بمرێت ئەوا منداڵەكان بۆی دەبن بە پەردە لە ئاگری دۆزەخ.
ئافرەتێك گوتی: ئەدی گەر دو منداڵ بێت؟
پێغەمبەری خوا فەرموی: گەر دوانیش بێت.
لە راستىدا بەرزی و عیزەتی میللەتان و نەتەوە لەسەر زۆری دانیشتوانی و چەكداری كردنیان بە هێزی ماددی و مەعنەوی وەستاوە. ئیسلام هانی هەمو ئەوانەی داوە و هانی زۆر كردنی وەچەی داوە. چونكە زۆریى دانیشتوان بەو هێزە دادەنرێ كە خوای گەورە فەرمانی بە ئامادە كردنیانى كردوە بۆ ترساندنی دوژمنان كە لە ئایەتەكەی سەرەوە ئاماژەی بۆ كرا.
پێغەمبەری خوا صلى الله عليه وسلم هەڕەشە لەو كەسانە دەكات كە نەخشە دادەنێن تا ژن نەهێنن وەك دەفەرموێ: ((من رغب عن سنتي فليس مني!)). واتە: هەر كەسێك واز لە رێ و رێباز و شوێن كەوتنم بێنێ لە من نىیە.
هەروەها ئیسلام هانی ئەوەی داوە كە ئوممەت خۆی بە باوەڕ بە خوا و بە ئارام گری و خۆ راگری و ئازایەتی و دەست گرتن بە رەوشتە بەرزەكان بڕازێنێتەوە تا میللەت و نەتەوە نەوە(جیل)ێكی بەهێزی بۆ بەدەست بهێنرێ كە سیفەتەكانی چەندی و چۆنیەتی تیابێ بەیەكەوە. چونكە زۆریی(الكثرة‌) بە بێ باوەڕی راست و دروست و رەوشتی بەرز هیچ سود و ئاكامێكی نابێت. لە فەرمودەی (صحيح)دا هاتوە كە باسی خراپی و ناشیرینی زۆریی و گەرەلاوژەیی دەكات كە لە هێزی مەعنەوی داماڵراوە وەك خۆشەویستی مردن و بایەخ نەدانە بە خۆشی و رابواردنی دنیا وەك دەفەرموێ:
((يوشك ان تداعى عليكم الأمم من كل جانب تداعي الأكلة على قصعتها. قالوا: أو من قلة نحن يومئذ يا رسول الله؟
قال لا ولكنكم غثاء كغثاء السيل ولينزعن الله من صدور عدوكم المهابة منكم وليقذفن في قلوبكم الوهن. قال قائل:
يا رسول الله! وما الوهن؟ قال: حب الدنيا وكراهية الموت)). رواه أبو داود و البيهقي وهو صحيح.
واتە: هێندەی نەماوە كە ئوممەتەكان لە هەمو لایەكەوە بۆتان بێن وەك چۆن چەند كەسانێك لە یەك قاپ خواردن كۆ دەبنەوە و لە هەمو ڵایەكەوە دەستی بۆ ئەبەن بۆ خواردنی.
گوتیان: ئەی پێغەمبەری خوا ئایا ئەو رۆژە ئێمە لەبەر كەمی ئاوامان لێ دێ؟
فەرموی: نەخێر: بەڵكو ئێوە زۆرن وەك كەفی سەر دەریا! خوای گەورە سام و هەیبەتی ئێوە لە دڵی دوژمنان ناهێڵێ و دای دەماڵێ و (وەهن) دەخاتە دڵی ئێوە.
یەكێك گوتی: ئەی پێغەمبەری خوا: (وەهن) چى یە؟
ئەویش فەرموی: وەهن بریتى یە لە خۆشەویستی دنیا و رق بونەوە لە مردن.

www.ba8.org

بینێرە بۆ هاوڕێکەت
چاپکردن
ستایڵ
  • قەبارەی فۆنت
    • گەورەکردن:
    • zoomin
    • بچوک کردنەوە:
    • zoomout
  • جۆری فۆنت
    • ههەڵبژاردن:
  • ڕەنگی فۆنت
    • هەڵبژاردن:
  • بنەڕەتی کردنەوە
    • بنەرەتی
ڕێکلام