ماڵپەری بەهەشت

بەشە سەرەکیەکان
پرسیار و وەڵامی شەرعی
ئاماری ماڵپەڕ




ڕێکلام
ئیسلام بەپەروەردەی بەهێز ئافرەت پەروەردە دەكات

لە سیرەی ئیبن هشام هاتوە، ئوم سەعدی كچی سەعدی كوڕی رەبیع گوتویەتی: ئوم عمارە هاتە لام و پێم گوت: پورێ باسی حاڵی خۆتم لەجەنگی ئوحود بۆ بكە.
ئەویش گوتی: لە بەیانیەوە دەرچوم كوندە ئاوێكم پێ بو دەمڕوانیە پیاوان جەنگیان دەكرد، جا چومە لای پێغەمبەرصلى الله عليه وسلم كە لە ناو هاوەڵەكانی بو، ئەو كاتە هێز و سەركەوتن بەدەست مسوڵمانان بو، كاتێك كە مسوڵمانان بەزین، پاڵم دا بەلای پێغەمبەر خوا و دەستم كرد بە جەنگ كردن، شمشێرم لەسەر پێغەمبەر لا دەدا، تیرم دەهاویشت هەتا ئەو كاتەی كە بریندار بوم.
ئوم سەعد گوتی: برینێكی وشكم لەسەر شانی بینی، گوتم كێ برینداری كردی؟
گوتی: ابن قمئە، خوای گەورە زەبونی بكات. لەو كاتەی كە خەڵك پشتیان لە پێغەمبەری خوا كرد هاتە پێشەوە دەیگوت: محمدم پیشان بدەن لە كوێیە، رزگار نەبم گەر رزگاری ببێ، من و موصعەبی كوڕی عومەیر و چەند كەسێكی تر كە لەگەڵ پێغەمبەری خوا صلى الله عليه وسلم بوین بەرەنگاری بوینەوە، جا لێی دام، منیش چەند جارێكم لێ دا بەڵام ئەم دوژمنی خوایە دو كراسی ئاسنینی لەبەر بو.
((ئەبو موسای ئەشعەرى-هاوەڵی بەڕێزی پێغەمبەر- فەرمانی بە كچەكانی كرد كە بە دەستی خۆیان قوربانی سەر ببڕن و قاچیان بخەنە سەر قوربانیەكە و الله أكبر و بسم الله بڵێن)).أخرجه ابن رزين وعلقه البخاري.
ئیبن هشام گوتویەتی: ابن اسحاق گوتویەتی.. صه فیەی كچی عبدالمطلب لە ناو قەڵای حەسانی كوڕی سابت بو كاتێ حەسان نەخۆش كەوت- صه فیە گوتی: پیاوێكی جولەكە بە دەوری قەڵاكە دەسوڕایەوە، ئەو كاتە بەنو قورەيظة جەنگیان لەگەڵ پێغەمبەر هەبو، پێغەمبەر و هاوەڵەكانی لە ئێمە دور بون كەسێك نەبو كە بێت لێمان لادات چونكە ئەوان سەرقاڵی دوژمن بون و بواری هاتنیان نەبو بۆ لامان بێن.
دەڵێ گوتم: ئەی حەسان ! دەبینی ئەو جولەكەیە دەوری قەڵاكە دەدات، بە خوا دڵنیا نیم و ئەمین نیم لێی لە دواوە جولەكە بێنێت و بمانگرن، ئەوە پێغەمبەری خوا صلى الله عليه وسلم و هاوەڵەكانی سەرقاڵن بڕۆ بیكوژە! حەسانیش عوزری هێنایەوە بەوەى كە نەخۆشە. پاشان صه فیە گوتی: جا كاتێك ئەمەی گوت خۆم توند كرد و شیشەیەكى ئاسنم هەڵگرت، پاشان لە قەڵاكەوە بۆی دابەزیم و بە شیشەكە لێیم داو كوشتم!... (بە كورتی وكەمێك دەسكاریەوە تەواو بو).

www.ba8.org

بینێرە بۆ هاوڕێکەت
چاپکردن
ستایڵ
  • قەبارەی فۆنت
    • گەورەکردن:
    • zoomin
    • بچوک کردنەوە:
    • zoomout
  • جۆری فۆنت
    • ههەڵبژاردن:
  • ڕەنگی فۆنت
    • هەڵبژاردن:
  • بنەڕەتی کردنەوە
    • بنەرەتی
ڕێکلام