ماڵپەری بەهەشت

بەشە سەرەکیەکان
پرسیار و وەڵامی شەرعی
ئاماری ماڵپەڕ




ڕێکلام
ئاگاداركردنەوە لە دەرخستنى جوانی و ڕازاوەیی ئافرەت

خواى گەورە دەفەرموێ:: [ يَا أَيُّهَا النَّبِيُّ قُلْ لأَزْوَاجِكَ وَبَنَاتِكَ وَنِسَاءِ الْمُؤْمِنِينَ يُدْنِينَ عَلَيْهِنَّ مِنْ جَلابِيبِهِنَّ ذَلِكَ أَدْنَى أَنْ يُعْرَفْنَ فَلا يُؤْذَيْنَ] .الأحزاب:59
واتە: ئەی پێغەمبەر بە خێزانەكانت و كچەكانت و بە ئافرەتە باوەڕ دارەكان بڵێ، با عەباكانیان بە سەر خۆیاندا بێننە خوارەوە،(1) ئەمە بۆ ئەوان چاكترە بۆ ئەوەی بناسرێن و ئازار نەدرێن.(2)
هەروا دەفەرموێ: [يَا بَنِي آدَمَ لا يَفْتِنَنَّكُمْ الشَّيْطَانُ كَمَا أَخْرَجَ أَبَوَيْكُمْ مِنْ الْجَنَّةِ يَنزِعُ عَنْهُمَا لِبَاسَهُمَا لِيُرِيَهُمَا سَوْآتِهِمَا] الأعراف: 27
واتە: ئەی نەوەكانی ئادەم، با شەیتان نەتانخاتە ناو بەڵاو ناڕەحەتی، وەك باوك و دایكتانی لە بەهەشت دەرهێنا، لەبەهەشت دەری كردن بە جۆرێ كە پۆشاكەكەیانی لێ داكەندن و بو بە هۆی ئەوەی عەیب و عەورەتەكەیان دەرخات و نیشانیان بدات.
دەفەرموێ: [ وَقُلْ لِلْمُؤْمِنَاتِ يَغْضُضْنَ مِنْ أَبْصَارِهِنَّ وَيَحْفَظْنَ فُرُوجَهُنَّ وَلا يُبْدِينَ زِينَتَهُنَّ إِلاَّ مَا ظَهَرَ مِنْهَا وَلْيَضْرِبْنَ بِخُمُرِهِنَّ عَلَى جُيُوبِهِنَّ وَلا يُبْدِينَ زِينَتَهُنَّ إِلاَّ لِبُعُولَتِهِنَّ أَوْ آبَائِهِنَّ أَوْ آبَاءِ بُعُولَتِهِنَّ أَوْ أَبْنَائِهِنَّ أَوْ أَبْنَاءِ بُعُولَتِهِنَّ أَوْ إِخْوَانِهِنَّ أَوْ بَنِي إِخْوَانِهِنَّ أَوْ بَنِي أَخَوَاتِهِنَّ أَوْ نِسَائِهِنَّ أَوْ مَا مَلَكَتْ أَيْمَانُهُنَّ أَوْ التَّابِعِينَ غَيْرِ أُوْلِي الإِرْبَةِ مِنْ الرِّجَالِ أَوْ الطِّفْلِ الَّذِينَ لَمْ يَظْهَرُوا عَلَى عَوْرَاتِ النِّسَاءِ وَلا يَضْرِبْنَ بِأَرْجُلِهِنَّ لِيُعْلَمَ مَا يُخْفِينَ مِنْ زِينَتِهِنَّ وَتُوبُوا إِلَى اللَّهِ جَمِيعاً أَيُّهَا الْمُؤْمِنُونَ لَعَلَّكُمْ تُفْلِحُونَ] النور: 31
واتە: ئەی پێغەمبەر، بە ئافرەتە بڕوادارەكان بڵێ با لە ئاست پیاوی بێگانە چاویان نزم كەن و، داوێنی خۆیان لە خراپەكاری بپارێزن و، جوانى و ڕازاوەیی خۆیان بۆ پیاوی بێگانە بەدەر نەخەن، تەنها ئەوە نەبێ كە بەدەردەكەوێ، كە ڕوخسار و هەردو دەست دەگرێتەوە. با سەرپۆشەكانیان بەسەر سەر و سینگیان بێننە خوار و دایپۆشێ، با جوانی خۆیان بەدیار نەخەن، جگە لە مێردەكانیان و منداڵی مێردەكانیان، یان برایەكانیان، یان منداڵی برایەكانیان، یان منداڵی خوشكەكانیان، یان ئەو ئافرەتانەی خزمەتكاریانن و ئەو ئافرەتانەی كە هاوڕێیەتیان دەكەن، یان ئەو پیاوە خزمەتچى یانەی، كە لە پیاوەتی كەوتون و توانای جیماعیان نىیە، یان بۆ ئەو منداڵانەی ئیحتلامیان نەبوە و نەگەیشتونەتە ڕادەی ئارەزو كردنی ئافرەتان.. با بە پێیەكانیان لە زەوی نەدەن، كە لەم قاچ لە زەوی دانە دەنگی لێ دەردەچێ و، بەو دەنگە ئەو جوانى یەی شاردویەتیانەوە بزانرێ و سەرنجی پێ ڕابكێشرێ.(3)
هەروا دەفەرموێ: [ يَا نِسَاءَ النَّبِيِّ لَسْتُنَّ كَأَحَدٍ مِنْ النِّسَاءِ إِنْ اتَّقَيْتُنَّ فَلا تَخْضَعْنَ بِالْقَوْلِ فَيَطْمَعَ الَّذِي فِي قَلْبِهِ مَرَضٌ وَقُلْنَ قَوْلاً مَعْرُوفاً (32) وَقَرْنَ فِي بُيُوتِكُنَّ وَلا تَبَرَّجْنَ تَبَرُّجَ الْجَاهِلِيَّةِ الأُولَى وَأَقِمْنَ الصَّلاةَ وَآتِينَ الزَّكَاةَ وَأَطِعْنَ اللَّهَ وَرَسُولَهُ] الأحزاب/32-33
واتە: ئەی ئافرەتانی پێغەمبەر، یەكێك لە ئێوە وەكو یەكێك لە ئافرەتەكانی تر نىیە، لەبەر نزیكی ئێوە لە پێغەمبەر، ئەگەر ئێوە لە خوا بترسن، ئێوە قیاس ناكرێن بە ئافرەتەكانی تر لەبارەی گەورەبونتان، بە نەرمى و ناسكی قسە لەگەڵ پیاوان مەكەن، نەبادا ئەو كەسە نیفاقی لە دڵی هەبێت، قسە بە گوێرەی شەرعی خوا بكەن و ملكەچ بن، ئارام بگرن لە خانوەكانتان و ئۆقرە بگرن و جوانى و ڕازاوەیی خۆتان بەدەر مەخەن،(4) وەك ئەو جوانى و ڕازاوەیىیەی لەسەردەمی نەفامی یەكەم بەدەریان دەخست، نوێژەكان ئەنجام بدەن و زەكات بدەن و گوێڕایەڵی خوای گەورەو پێغەمبەرەكەی بن.
خاتو عائیشە ڕەزای خوای لێ بێ گوتویەتی: ((إن أسماء بنت أبي بكر رضي الله عنهما، دخلت على رسول اللهr وعليها ثياب رقاق، فأعرض عنها رسول اللهr وقال لها: يا أسماء! إن المرأة إذا بلغت المحيض، لم يصلح أن يُرى منها إلا هذا وهذا (وأشار الى وجهه وكفيه).)). لهذا الحديث طرق يقوي بها الى درجة الحسن.
واتە: ئەسمای كچی ئەبو بەكر هاتە خزمەت پێغەمبەرصلى الله عليه وسلم، پۆشاكێكی تەنكی لەبەر بو،(5) پێغەمبەریش ڕوی لێ وەرگێڕاو پێی فەرمو: ئەسماء! ئافرەت كە توشى خوێنى بێنوێژى بو، بۆی نى یە و دروست نى یە هیچ شوێنێكی ببینرێ جگە لە ڕوى و دەستەكانی.
پێغەمبەرصلى الله عليه وسلم فەرمویەتی: ((من جرَّ ثوبه خيلاء لم ينظر الله إليه يوم القيامة، فقالت أم سلمة: كيف تصنع النساء بذيولهن؟! قال: يرخين شبراً، قالت: إذاً تنكَشف أقدامهن! قال: فيرخين ذراعاً، ولا يزدن عليه.)). (أخرجه أصحاب السنن وهذا لفظ الترمذي)
واتە: هەر كەسێك پۆشاكەكەی لەبەر لوت بەرزی لە دوای خۆی بخشێنێ، واتە درێژ بێت، خوای گەورە تەماشای ناكات، ئوم سەلەمە گوتی: ئەی ئافرەتان چی لە دامەنیان بكەن؟!
فەرموی: با بستێكی بهێڵنەوە.
گوتی: كەواتە قاچیان بە دیار دەكەوێت.
فەرموی: با یەك گەز بهێڵنەوە و لە سەری زیاد نەكەن.
دەفەرموێ: ((ثلاثة لا تسأل عنهم؛ رجلٌ فارق الجماعة، وعصى إمامه، ومات عاصياً. وأمة أو عبد أبق فمات. وامرأة غاب عنها زوجها، قد كفاها مؤنة الدنيا فتبرجت بعده، فلا تسأل عنهم)). رواه أحمد في المسند والبخاري في الأدب المفرد والحاكم وصححه وأقره الذهبـي وهو كما قالا.
واتە: سێ چین پرسیار دەربارەیان مەكەن؛ پیاوێك كە لە جەماعەت جیا بوبێتەوە و لە پێشەواكەی یاخی بوبێت و بە یاخی بویی بمرێ، ئافرەتێكی كۆیلە یان پیاوێكی كۆیلە لە گەورەكەی هەڵاتبێ، ئافرەتێك مێردەكەی لەلای نەبێت و مێردەكەی پێداویستی دنیای بۆ دابین كردبێ، بەڵام دوای ئەو جوانى و ڕازاوەیی خۆی پیشانی پیاوی بێگانە دابێ، ئەوا لێ یان مەپرسن.
دەفەرموێ:((صنفان من أهل النار لم أرهما: قوم معهم سياطٌ كأذناب البقر، يضربون بها الناس! ونساءٌ كاسياتٌ عارياتٌ، مائيلاتٌ مميلاتٌ، رؤوسهن كأسنمة البخت، لا يدخلن الجنة ولا يرحن ريحها، وإن ريحها لتوجد من مسيرة كذا وكذا)). رواه مسلم
واتە: دو پۆل هەن ئەهلی ئاگرن، نەمدیون: كۆمەڵێك قامچى یان بەدەستە پێی لە خەڵكی دەدەن! ئافرەتانێك پۆشتەن و ڕوتیشن، بە لار و لەنجە دەڕۆن و سەرنجی پیاو بۆ خۆیان ڕادەكێشن، قژیان لەسەر سەریان كۆدەكەنەوە وەك كۆپانەى حوشتر، ئەوانە نە دەچنە بەهەشت و نە بۆنی بەهەشت دەكەن، كە بۆنەكەی لە ماوەی ئەوەندە و ئەوەندە بۆنی دەكرێ.
===================================
(1) لە كتێبی (الإسلام و الحياة الجنسية‌) هاتوە: ئەم چارەسەرە قورئانى یە، كە داوای خۆ داپۆشین دەكات، سودەكەی تەنها لەسەر ئەو بارە دەرونىیەی لە پێشەوە باس كرا كورت هەڵ نەهاتوە، بەڵكو سودێكی كۆمەڵایەتی تێدایە، كە چارەسەر كردنی قەیرانە!!! قەیرانی هاوسەر گرتن(الزواج)ـە.
لە بنەماكانی ئەم قەیرانە ئەو ڕوتى یەیە، كە لە كەنار دەریاو ئاهەنگەكان و، لە كۆبونەوەكان و كۆڕ و شەقامەكان و هاوینەهەوارەكان، سەرنجی چاوی پیاوان ڕادەكێشێ... كە ئافرەتان جلیان لەبەرە و ڕوتیشن.
خواردنێكی موباح.. زەمینەیەكی كراوە.. جەستەكە لە هەمو شوێنێك لەبەر دەمیەتی، بە وتەیەكی شیرین یان بەڵێنێكی درۆ، ئەو جەستەیە لەوانەیە ببێتە موڵكی ئەو پیاوە. ئافرەتەكەش فریو و چەواشە دەكرێ، نەفسەكەی دەكەوێتە ژێر دەسەڵاتی پیاوەكە، پاشان ژیانەكەی، وەك كچێكی شەریف كۆتایی دێت و سەرەتای ژیانى وەكو كچی شەوانی دەست پێدەكات!! جا قەیرانى هاوسەرگرتن لە كۆمەڵگەدا بەو شێوەیە دەمێنێتەوە. جا مادام ڕوتی شتێكی باوە! هەمو قەدەغەكراوێكێش ئارەزوكراوە و خەڵكی دوای دەكەوێ.
هەمو شتێكی كەم نرخ لە كاتی دەست بەسەراگرتنى دا بایەخەكەی كەم دەبێتەوە! گەر كچ خۆی پۆشتە كات -یان بە عیبارەتێكی ورد تر- گەر بە حیجاب خۆی پارێزگار بكات، ئەوا كوڕ ئاواتەخوازی دەبێ و پەلەی هێنانی دەكات..
(ماری ودالن)، كە بە پەروەردەیەكی ڕۆژئاوایی گۆش كراوە، وتەكەى چەند جوانە كە لە كتێبەكەی (فن العلاقات الجنسية‌)دا گوتویەتی:
((كچان شوێنەوارێكی مەعنەوی گەورە هەڵدەگرن، كە پەیوەندی بە سیرەی گەنجانەوە هەیە، ئەوەندە بەسە، كە پۆشاكەكەی فەرامۆش بكا و گرنگی پێ نەدات، یان لە پەخشان كردنی قژی زیادەڕۆیی بكات، ئەو شوێنە بەدەر بخات كە پێویستە بشاررێتەوە و چاوەكان نەیبینن، وا دەكات گەنجان بە چاوێكی دیاریكراوەوە بڕواننە ئەو.
ئافرەت بە جوڵە و ڕوانینەكانى و هەڵس و كەوتی، دەتوانێ سەرنجی تەماشاكەر بۆ خۆی ڕابكێشێ و چەند بیرۆكەیەكی لەلا دروست بكات، كە بەرەو كرداری ناشیرینی ببات. لەوانەیە بگوترێ: پێویستە پیاوان ئارەزوەكانیان كپ بكەن، بێگومان ئەوە لەسەریان پێویستە، ئێمە گازاندە لێ كردنیان كەم ناكەینەوە، بەڵكو ئەوان شایستەی گازاندەی زۆرن، بەڵام ئەو كچەی تەڵە بۆ ڕێگای گەنجان دادەنێتەوە، كچێكی تاوانبارە!! لەسەر ئافرەتە ببێتە مسۆگەری پاراستنى داوێنى پیاوان، نەك هۆیەك بێت بۆ ڕوخاندنی! هەروەها لە باری دایە بیپارێزێ وەك ئەوەی كە دەیپارێزێ.
گەر كچ هێزی خۆی ناسی، گەر سیرەیەكی عاقڵانە و خۆ بەكەم نواندنی ئەنجام دا، ئەوە دەتوانێ پیاو لە هەمو بیرۆكەیەكی پیس و خراپ دور بخاتەوە!!))
لە كاریگەریە ترسناكەكانی (تبرج) لە ڕوی تەندروستى یەوە ئەوەیە، دەبێتە هۆی نەزۆكی ئافرەتان. لەم دوایى یەدا لە (صوفیا) پایتەختی بولغاریا، لەگەڵ قوتابى یەك دانیشتم، كە لەوێ دەیخوێند، ئافرەتێكی بولغاری كردۆتە هاوسەر كە دكتۆرەیە، دەربارەی منداڵەكانی پرسیارم لێكرد، قوتابى یەكە گوتی: خێزانەكەم بە هۆی لەبەر كردنی تەنورەی كورت دوچاری نەزۆكی بوە، لە ئاكامی سەرما بون بۆتە هۆی زیان گەیاندن بە منداڵدانی. جا ئەویش دەربارەی قەدەغەكردنی پۆشینی تەنورەی كورتی نوسی، كە كچانی هاوڕەگەزی لەم جلە ئاگادار دەكاتەوە.
(2) لە خراپترین زیانەكانی (تبرج)، وروژاندنی گەنج و لاوە و هاندانیانە بۆ دەستدرێژی كردنە سەر ئافرەتی دەرخەری جوانى و ڕازاوە، بۆ بەڵگەی ئەمەش نمونەیەك دێنینەوە:
گەنجێكی خەڵكی لادێ شەوێك لە سینەما لەگەڵ هاوسەرە سفورەكەی دێتە دەرەوە، كە لە بەردەم خەڵكىدا شانازی پێوە دەكرد! جا ئۆتۆمبیلێك بەكرێ دەگرێت بۆ ئەوەی بیان گەیەنێتەوە گوندەكەی، لە ڕێگا شەیتان چوە ناو عەقڵی شۆفێرەكە و، بەهۆی دەرخستنی دیمەنی جوانى و ڕازاوەیی ژنەكە، یاری بە عەقڵى یەوە كرد، جا وای پیشان دا كە ئۆتۆمبیلەكە شتێكی خراپ بوە، ئۆتۆمبیلەكەی وەستاند و هاتەخوار بۆ چاككردنەوەی، لە كۆتایی داوای لە پیاوەكە كرد لە ئۆتۆمبیلەكە بێتەخوار بۆ ئەوەی لە دواوە كەمێك پاڵ بە ئۆتۆمبیلەكەوە بنێت، جا شۆفێرەكە یەكسەر ئۆتۆمبیلەكەی لێ خوڕى و ئافرەتەكەی فڕاند، مێردی ژنەكەش هەرچەندە داوای فریاكەوتنی كرد، بەڵام هیچ كەسێك بە هاوارى یەوە نەهات.. جا گومانی خراپی لێ بكە و لە هەواڵەكەش مەپرسە كە چی ڕویدا! [وَمَا ظَلَمَهُمُ اللَّهُ وَلَكِنْ أَنْفُسَهُمْ يَظْلِمُونَ] .
جارێك بە یەكێك لە ئافرەتە ناسیاوەكانم گوت، خۆی پۆشتە بكات و جوانى و ڕازاوەیی خۆی دەرنەخات، ئەویش وەڵامی دامەوە، كە من كۆنەپەرستم! منیش پێم گوت: بەڵكو تۆ كۆنەپەرستی، كە لاسایی ئافرەتە هەمەجى یەكان دەكەیتەوە بەوەى، خۆت روت كردۆتەوە، هێشتاكەش هەندێكیان لە هەندێ وڵاتی ئەفریقی ماون، كە تەنها پاش و پێشیان دادەپۆشن!
گەر پێشكەوتن بە ڕوتی بێت، دەبوایە بزن و مەیمون لە پێشەوەى پێشكەوتن بان.
(3) مامۆستا مەودودی لە كتێبەكەی (الحجاب) دا گوتویەتی: لەوانەیە ئافرەت زمانی بێ دەنگ بێ، بەڵام جوڵانەوەی تری شوێنی ئەو دەگرێتەوە، كە دەنگەكەی كار لە گوێی بیسەر دەكات، ئەمەش لە بابی نیەتی پیسەوەیە، كە ئیسلام قەدەغەی دەكات بە فەرمودەی خوای گەورە: [وَلاَ يَضْرِبْنَ بِأَرْجُلِهِنَّ لِيُعْلَمَ مَا يُخْفِينَ مِنْ زِينَتِهِنَّ] .النور: 31.
(4) (تبرج) ئەوەیە؛ ئافرەت ئەو رازاوەیى و جوانیەی خۆی بەدەر بخات، كە پێویستە لەسەری دایپۆشێ، چونكە ئەو جوانى و رازاوەیىیە ئارەزوی پیاو دەبزوێنێ.. (فتح البیان) لەو كاتەی (غلیوم) ئیـمبراتۆری ئەڵمانیا سەردانی توركیای كرد، ئەندامانی كۆمەڵەی (الاتحاد والترقی) حەزیان كرد شارستانیەتی خۆیان پیشان بدەن، بۆیە دەستیان كرد بە هێنانەدەری هەندێك لە قوتابی كچ، كە (متبرج) بون، چەپكە گوڵیان پێشكەش كرد، ئەویش سەری سوڕما لەوەی بینى، بە بەرپرسیارانی گوت: (ئاواتەخواز بوم لە توركیا بەرگی حیشمەت و حیجاب ببینم بە حوكمی ئاینی ئیسلامیتان، كەچی ئەو (تبرج)ە دەبینم، كە ئێمە لە ئەوروپا پێوەى گرفتارین، كە بەرەو لەنێو بردنی خێزان و تێكدانی نیشتمان و منداڵ پەرتەوازە كردن دەبات!!).
(5) إبن عبد البر گوتویەتی: (مەبەستی پێغەمبەرصلى الله عليه وسلم ئەوەیە كە ئەو ئافرەتانەی پۆشاكی تەنك لەبەر دەكەن لەشیان تێدا دیارە، ئەوانە بەناو پۆشتەن، لە ڕاستیش دا ڕوتن).

www.ba8.org

بینێرە بۆ هاوڕێکەت
چاپکردن
ستایڵ
  • قەبارەی فۆنت
    • گەورەکردن:
    • zoomin
    • بچوک کردنەوە:
    • zoomout
  • جۆری فۆنت
    • ههەڵبژاردن:
  • ڕەنگی فۆنت
    • هەڵبژاردن:
  • بنەڕەتی کردنەوە
    • بنەرەتی
ڕێکلام