ماڵپەری بەهەشت

بەشە سەرەکیەکان
پرسیار و وەڵامی شەرعی
ئاماری ماڵپەڕ




ڕێکلام
مەترسی كێشەی جنسی

ئیسلام گرنگى یەكی زۆری بە كێشەی جنسی داوە و تایبەتىیەكی بۆ داناوە، ئەویش بە چاودێری كردنىیەتی، وەك لە كتێبى(ژن ومێردی ئیسلامی بەختەوەر)هەندێكی لێ باس كرا، ئەوەش دیارە لەبەر گرنگی پێدان و مەترسىیەكەیەتی.
بە بۆنەی ئەم ناونیشانەوە، پێویستە ئاماژە بەوە بكەین، یەكەم تاوان لەسەر زەوى ڕویدا، هۆیەكەى جنس بوە!!
لە تەفسیری ابن كثير هاتوە: ئادەم هەر منداڵێكی لە دایك بوبێ كوڕ و كچی پێكەوە لە دایك بون، جا كوڕی ئەم سكەیان كچی سكەكەی تری دەكردە هاوسەری خۆی، كوڕی سكەكەی تر كچی ئەم سكەی دەكردە هاوسەر، تا ئەو كاتەی دو كوڕی لە دایك بو كە ناویان هابیل و قابیل بو.
قابیل خاوەنی بێستانێك بو، هابیلیش خاوەنی مەڕ بو. قابیل گەورەترینیان بو، كە خوشكێكی هەبو لە خوشكی هابیل جوانتر بو، هابیل داوای خواستنى خوشكی قابیلی كرد، قابیل رازی نەبو و گوتی: ئەوە خوشكمە و لەگەڵ من لە دایك بوە و لە خوشكی تۆ باشترە، من شایستەترم بیكەمە هاوسەرى خۆم!.
باوكیشی فەرمانی پێ دا، كە خوشكەكەی بدات بە هابیل، بەڵام ڕازی نەبو، جا هەردوكیان قوربانیێكیان بۆ خوای گەورە سەربڕی، تاوەكو بزانرێ كامەیان شایستەترن بە كچەكە، لەو كاتەدا حەزرەتی ئادەم عليه السلام لە لایان نەبو، جا ئاگرێك هات و قوربانى یەكەی هابیلی خوارد و وازی لە قوربانىیەكەی قابیل هێنا، قابیل توڕە بو، گوتی: دەتكوژم بۆ ئەوەی خوشكەكەی من نەكەیە هاوسەری خۆت!!..أ.هـ. [بە كورتی ئیبن جریر گێرِاویەتەوە.]
خـوای گەورە دەفەرموێ: [ زُيِّنَ لِلنَّاسِ حُبُّ الشَّهَوَاتِ مِنْ النِّسَاءِ وَالْبَنِينَ وَالْقَنَاطِيرِ الْمُقَنْطَرَةِ مِنْ الذَّهَبِ وَالْفِضَّةِ وَالْخَيْلِ الْمُسَوَّمَةِ وَالأَنْعَامِ وَالْحَرْثِ] .آل عمران:14
واتە: خۆشەویستی ئارەزوەكانى نەفسانى بۆ خەڵك رازاوەتەوە كە بریتىیە لە ژنان،(1) منداڵ، كیسەى زێڕ وزیو، ئەسپى خۆشڕەنگ و نیشانەدار و مەڕ و ماڵات و كشتوكاڵ.
پێغەمبەر صلى الله عليه وسلم دەفەرموێ: ((أكثر ما يدخل الناس الجنة تقوى الله وحسن الخلق، وأكثر ما يدخل النار: الفم والفرج)). رواه الترمذي (حديث حسن)
واتە: ئەوەی كە بە زۆری خەڵك دەباتە نێو بەهەشتەوە، لە خوا ترسان و رەوشت باشى یە، زۆربەی ئەوەش خەڵكی دەباتە نێو ئاگری دۆزەخەوە: زمان و داوێنە.
هەروەها دەفەرموێ: ((من وقاه الله شرّ ما بين لحييه وشرّ ما بين رجليه دخل الجنة)). رواه الترمذي وابن حبان (حديث صحيح)
واتە: هەركەسێ خوای گەورە لە خراپەی زمانی و داوێنی(2) بپارێزێ ئەوا دەچێتە بەهەشتەوە.
پێغەمبەرصلى الله عليه وسلم دەفەرموێ: ((إثنان يدخلان الجنة: من حفظ ما بين لحييه ورجليه دخل الجنة)). رواه الخرائطي (حديث صحيح
واتە: دو شت هەن دەبنە مایەی چونە بەهەشت: هەركەسێ زمان و داوێنی لە گوناهـ و تاوان بپارێزێ، دەچێتە بەهەشتەوە.
هەروەها فەرمویەتی: ((اللهم إني أعوذ بك من شر سمعي، ومن شر بصري، ومن شر لساني، ومن شر قلبي، ومن شر منيّي!)). رواه أبو داود (حديث صحيح)
واتە: خوایە من پەنا دەگرم بە تۆ، لە خراپەكاری گوێ و چاو و زمان و دڵم و، لە خراپەكاری داوێنم.
=========================
(1) لەم ئایەتەدا خوای گەورە ئافرەتى بە سەروی ئارەزوەكان(الشهوات) داناوە، لەبەر ئەوەی لە هەمو لایەكەوە پێشڕەوی دڵی پیاوان دەكەن.. یەكێك لە ئافرەتە صاڵحەكان دەیگوت: لە بەدبەختیمان ئەوەیە كە خوای گەورە لە پێشەوەی ئارەزوەكانی داناوین، پاشان ئەم ئایەتەی دەخوێندەوە.
(2) یەكەم خوێن لەسەر زەوی رێژرا، خوێنی یەكێك لە كوڕەكانی ئادەم بو بە هۆی پێشبڕكێ كردن لەسەر ئافرەت، وەك لە پێشەوە باسمان كرد، نامۆش نى یە گەر پێغەمبەری خواصلى الله عليه وسلم رزگار بون لە ئاگر بۆ كەسێك مسۆگەر بكات، كە زمان و داوێنی بپارێزێت، لەو كەسانەش دەبێت، كە لە پێشەوە دەبن لە چونە بەهەشت.
لەبەر ئەوەیە پاكخویى كردن و بە پاك راگرتن و ئاراستەكردنی غەریزەی جنسی، بۆ رێگای راست و دروست و شەرعی بە گرنگترین شوێن و پایە دادەنرێت، چونكە سەلامەتی و هەستانەوەی ئوممەت لەسەر ئەمە رادەوەستێ!
هەر بە بۆنەی قسە كردن لەسەر مەترسی كێشەی جنسی، باش وایە باسی ئەوە بكەین، كە بزاڤی چاكسازی ئایینی (اللوثري) لە ئەوروپا لە گرنگترین هۆیەكانی چارەسەركردنی ئەم كێشەیە، وەك كە (مارتن لوثر) سەرۆكی ئەم چاكسازىیە ئاشكرای كرد، كە بە پێی ئەوەی لە كتێبی (حياتنا الجنسية)ی دكتۆر (فریدریك كهن) هاتوە، گوتویەتی: (هەر كەسێك دەیەوێ بە زۆرە ملێ گەرمایی جنسی كپ بكاتەوە، بە كەسێك دەچی كە بێ هەستە و دەیەوێ قەناعەتمان پێ بكات سروشت پێچەوانەی ئەو شتەیە، كە ئێمە دەیناسین، نە ئاگر شت دەسوتێنێ و نە ئاویش شت تەڕ دەكات و، نەپیاویش دەخوا و دەخواتەوە!!)
لۆپهر بە قسەكانی بەرپەرچی تێگەیشتنەكانی رەوشتی كەنیسە دەداتەوە، كە بەسەر خەڵكی داسەپاندوە، ئەویش بریتىیە لەو رەبەنىیەی خۆیان دایان هێناوە، ئەو قسەیەی دەڵێ:
جنس خودی خۆی شتێكی پیسە، ئافرەت دروستكراوێكی شەیتانی پیسە، پێویستە خۆی لێ دور بخرێتەوە، هاوسەرگرتن(زواج)یش پێویستى یەكی غەریزەیی-ئاژەڵی-یە بۆ گشتی، بەڵام كەسی بەختەوەری تەقوادار ئەو كەسەیە، كە ژن نەهێنێ.

www.ba8.org

بینێرە بۆ هاوڕێکەت
چاپکردن
ستایڵ
  • قەبارەی فۆنت
    • گەورەکردن:
    • zoomin
    • بچوک کردنەوە:
    • zoomout
  • جۆری فۆنت
    • ههەڵبژاردن:
  • ڕەنگی فۆنت
    • هەڵبژاردن:
  • بنەڕەتی کردنەوە
    • بنەرەتی
ڕێکلام