ماڵپەری بەهەشت

بەشە سەرەکیەکان
پرسیار و وەڵامی شەرعی
ئاماری ماڵپەڕ




ڕێکلام
لە گرنگترین دروشمەكانى جەژنى خۆشەویستى

1- دەرخستى گەشى دڵخۆشى لە جەژنەدا، هەروەكو لە جەژنە گرنگەكانى تردا ئەیانكرد.
2- گۆڕینەوەى گوڵى سوور، ئەویش وەك دەربڕینێك بۆ ئەو خۆشەویستى یەى كەخۆشەویستى یەكى خواهى بووە لاى بت پەرستەكان ووە وەك (العشاق) شەیدا بونێك لاى گاورەكان.
3- بەخشینى كارتى پیرۆزبایى تێیدا، وە لە هەندێكیاندا وێنەى (كیوبید) هەیە كە منداڵێكە دوو باڵى هەیە كە كەوانێك و (نشاب)ێكى هەڵگرتووە، ئەو منداڵە خواى خۆشەویستى بووە لاى بت پەرستى ڕۆمان - خواى گەورە زۆر بەرزتر و پاكترە لە گومڕایى ئەوان.
4- گۆڕینەوەى وشەى خۆشەویستى و عیشق و دڵدارى لەو كارتى پیرۆزبایى یانەدا كە لە نێوانى خۆیاندا ئەیانگۆڕیەوە وەك هۆنراوە یان پارچە پەخشان یان ڕستەى كورت، وە لە هەندێك لە كارتەكاندا وێنەى پێكەناوى و قسەى گاڵتەجاڕى هەبووە وە لە زۆربەیاندا ئەم دەربڕینە هەبووە (ببە بە ڤالەنتاین) ئەمە وەك چەمیكێكى گاورى خۆى ئەنوێنێ دواى گۆڕانی لە چەمێكى بت پەرستى یەوە.
5- لە زۆربەى هەرێمەكانى گاورەكاندا ئاهەنگى ڕۆژانە ساز دەكرێت وە شەوەكەش بە ئاهەنگ و تێكەڵى و سەما كردنەوە ئەمێننەوە وە زۆربەیان دیارى بۆ یەكتر ئەنێرن وەك: گوڵ و بخچەى چوكلێت بۆ هاوسەرەكانیان و هاوڕێكانیان و ئەوانەى خۆشیان ئەوێن.
وە بەڕوانین بۆ ئەوانەى لە پێشەوە خرانە ڕوو لە چەند شتێكى ئەفسانە لە بارەى ئەم جەژنە بت پەرستیانەیەوە ئەم شتانەمان بۆ ڕوون دەبێتەوە:
یەكەم: ئەم جەژنە لە بنچینەدا باوەڕێكى بت پەرستى بوون لاى ڕۆمانەكان، كە بەو جەژنە خۆشەویستى یەكى خواهى دەرئەبڕن بۆ ئەو بتەى كە لەبرى خواى گەورە پەرستویانە، كەواتە هەركەسێك ئاهەنگ بگێڕێت بە بۆنەى ئەم جەژنەوە، ئەوە ئاهەنگ دەگێڕێت بە بۆنەیەكى هاوبەش پەیدا كردنەوە كە تێیدا بتەكانى تێدا بە گەورە دانراوە، خواى گەورە ئەفەرموێ:{ إِنَّهُ مَن يُشْرِكْ بِاللّهِ فَقَدْ حَرَّمَ اللّهُ عَلَيهِ الْجَنَّةَ وَمَأْوَاهُ النَّارُ وَمَا لِلظَّالِمِينَ مِنْ أَنصَارٍ} (72) سورة المائدة.
دووەم: سەرهەڵدانى ئەم جەژنە لاى ڕۆمانى یەكان پەیوەستە بە چەند ئەفسانەو شتێكى پڕۆپوچەوە كە هیچ هۆشێكى هاوسەنگ پێی ڕازى نابێت، ئەمەسەرەڕاى هۆش و عەقڵى موسڵمان كە بڕواى بەخواى گەورە و نێردراوەكانى (علیهم السلام) هەیە.
ئایا لە هۆشیارى كەسێكى هاوسەنگدا جێی ئەبێتەوە كە گورگێكى مێینە شیرى دابێ بە دامەزرێنەرى شارى (ڕۆما) وە هێزو بیركردنەوەى قوڵى پێ بەخشیبێ ؟ هەروەك لە ئەفسانەى ئەم جەژنەدا دەرئەكەوێ كە دژ ئەوەستێ لەگەڵ بیروباوەڕی مەسڵماندا، چوونكە هێزو بیركدنەوەى بە هێز لە لایەن خواى گەورەوە ئەبەخشرێ نەك شیرى گورگ، بەهەمان شێوە ئەفسانەى ئەوەى كە بتەكانیان ئەیانپارێزێت لە هەموو زیانێك وە مەڕو ماڵاتەكانیان لە گورگ ئەپارێزێت.
سێ یەم: لە بێ ڕەزاترین دروشمەكانى ئەم جەژنە لاى ڕۆمانەكان بریتى بووە لە سەربڕینى سەگێك و چتورێك (بزنێكت)، وە چەور كردنى دوو لاو بە خوێنى ئەو دوو سەربڕاوە و پاشان شۆردنى خوێنەكە بە شیر...هتد هیچ سروشتێكى ڕاست و هۆشێكى دروست پێی ڕازى نابێت.
چوارەم: پەیوەندى قەشە ڤالەنتاین بەم جەژنەوە گومانى لەسەرە لە لایەن زۆربەى سەرچاوەكانەوە و بە نادڵنیایى ناوى بردووە، بەلاى گاورەكانەوە باشتر لایان وایە كە ئەم جەژنە بدەنە دواوە كە تێیدا چاو لە بت پەرستەكان كراوە، ئەى بەلاى ئێمەى موسڵمانەوە چۆنە؟ كە ئێمە فەرمانمان پێ كراوە جیاواز بین لەگەڵ گاورەكان و بت پەرستەكانى پێش ئەوان.
پێنجەم: ئەم جەژنە لەلایەن پیاوانى ئایینى گاورەكانەوە پوچەڵ كراوەتەوە لە ئیتالیادا كە سەرچاوەكەى ڕێڕەوى كاسۆلیكە، بە هۆى بڵاوبونەوەى ئاكارى نەخوازراو و كاریگەر لەسەر هۆشى لاوە كچ و كوڕەكان بە هۆى ئەم جەژنەوە، كەواتە موسڵمانان لە خەڵكى تر لە پێشترن بۆ ئەوەى لێ ی دوور بكەونەوە و ووریاى بن، وەهەستان بە فەرمان بە چاكەو و ڕێگرى لە خراپە لە بەرامبەریدا.
* لەوانەیە یەكێك بڵێت: بۆچى ئێمەى موسڵمان ئاهەنگ نەگێڕین بۆ ئەم جەژنە؟
* وەڵام دانەوەى ئەم پرسیارە لە چەند ڕوویەكەوە دەبێت:
ڕووى یەكەم: جەژنەكان لە ئایینى پیرۆزى ئیسلامدا دیارى كراون و نەگۆڕن، ڕێگە نادرێ بە زیادكردنى یا كەمكردنى، ئەوەى بەندایەتى ئێمەى موسڵمانە واتە بڕیارى لەسەر دراوەو خواى گەورە و پێغەمبەرەكەى (صلى الله علیه وسلم) وەك دین بۆ ئێمەیان داناوە.
ڕووى دووەم: ئاهەنگ گێران بەبۆنەى جەژنى خۆشەویستى یەوە خۆ چواندنە بە ڕۆمانى یە بت پەرستەكان، پاشان بە گاورەكان لەو شتانەى كە شوێنى كەوتون و لە ئاینى خۆشیان نى یە.
پێغەمەبریش (صلى الله علیه وسلم) فەرموویەتى: (من تشبه بقوم فهو منهم) واتە: هەركەسێك خۆى بە هەر كۆمەڵێك بچوێنێت ئەوە لەوانە.أخرجه أحمد 2/50 وأبو داود (4021).
ڕووى سێ یەم: مەبەست لە جەژنى خۆشەویستى لەم سەردەمەدا و بڵاوكردنەوەى خۆشەویستى لە نێو خەڵكى دا بە گشتى بە باوەڕدارو بێ باوەڕەوە، گومان لەوەدا نى یە كە خۆشەویستى بێ باوەڕان قەدەغەیە، خواى گەورە دەفەرموێ: {لَا تَجِدُ قَوْمًا يُؤْمِنُونَ بِاللَّهِ وَالْيَوْمِ الْآخِرِ يُوَادُّونَ مَنْ حَادَّ اللَّهَ وَرَسُولَهُ وَلَوْ كَانُوا آبَاءهُمْ أَوْ أَبْنَاءهُمْ أَوْ إِخْوَانَهُمْ أَوْ عَشِيرَتَهُمْ أُوْلَئِكَ كَتَبَ فِي قُلُوبِهِمُ الْإِيمَانَ وَأَيَّدَهُم بِرُوحٍ مِّنْهُ وَيُدْخِلُهُمْ جَنَّاتٍ تَجْرِي مِن تَحْتِهَا الْأَنْهَارُ خَالِدِينَ فِيهَا رَضِيَ اللَّهُ عَنْهُمْ وَرَضُوا عَنْهُ أُوْلَئِكَ حِزْبُ اللَّهِ أَلَا إِنَّ حِزْبَ اللَّهِ هُمُ الْمُفْلِحُونَ} (22) سورة المجادلة.
زانایان ئەفەرموون: (خواى گەورە موسڵمانێك نى یە خۆشەویستى بێ باوەڕ لە دڵیدا بێت، وە هەركەسێك دڵی بەلاى كافردا بڕوات موسڵمان نى یە، وە خۆ چواندنیش لە ڕووكەشدا گومانى خۆشەویستى لێ دەكرێت بەوەش قەدەغە ئەبێت.)خواى گەورەش زاناترە.

www.ba8.org

بینێرە بۆ هاوڕێکەت
چاپکردن
ستایڵ
  • قەبارەی فۆنت
    • گەورەکردن:
    • zoomin
    • بچوک کردنەوە:
    • zoomout
  • جۆری فۆنت
    • ههەڵبژاردن:
  • ڕەنگی فۆنت
    • هەڵبژاردن:
  • بنەڕەتی کردنەوە
    • بنەرەتی
ڕێکلام