ماڵپەری بەهەشت

بەشە سەرەکیەکان
پرسیار و وەڵامی شەرعی
ئاماری ماڵپەڕ




ڕێکلام
ئامۆژگارییەك بۆخوشكانى موسوڵمان

بسم الله الرحمن الرحيم
ئەى خوشكى ژیرى سەنگین: ئایا بیرت كردۆتەوە لەدروستكردنت وەتۆلەدڵۆپەیەك دروست بویت؟، پاشان بویتە هەڵواسراوێك بەدیوارى ڕەحما، پاشان بویت بەپارچە خوێنێك، پاشان بویت بە ئێسقان و پاشان گۆشت كرا بەئێسقانەكەتا،پاشان خواكردیتیە بونەوەرێكى تر،؟ئەو خوایە گەورەو بەرزو بێ نیازە كەباشترینى دروستكراوەكانە.
ئایادەزانى بەچى سەرپێچى پەروەردگارت ئەكەى؟ تۆسەرپێچى ئەكەى بەو نیعمەتەى كەڕژاندویەتى بەسەرتا،بەگوێت وچاوو هەموو ئەندامەكانت وەسەرپێچى ئەكەى لەسەر زەوى و ژێر ئاسمان و لەموڵكى ئەوا، ئەویش لێت نزیكە بەئاشكراو نهێنیت ئەزانێ، جاچاكەو خێرى خوا بۆتۆ دادەبەزێ وەخراپەى تۆش بۆئەو بەرزدەبێتەوە، ئاى چەندە بێ نیازو پاكە خواى لێ بوردەو لەسەرخۆ.
ئایا ئەزانى كەتۆ گەشتێك ئەكەى بێ گەڕانەوە؟
جائایا هیچت ئامادەكردووەو خۆت بۆ ئەو سەفەرە ڕێك خستووە؟
ئایا لەم دونیا لەناوچووە توێشووى كردەوەى چاكت كردووە بۆئەوەى دڵت بداتەوە لەتەنهاییت لەقەبر؟
تەمەنت چەندە؟چەند دەژیت؟ ئایا نازانى بۆهەموو سەرەتایەك كۆتاییەك هەیە؟ وەكۆتاییش بەهەشت یان ئاگرە،ئایا ئەو كاتەت بەسەر هاتووە لەكۆتا سەعاتى ژیانت، كاتى دوور كەوتنەوەت لەئەهل و كەس و كارت وەدوور كەوتنەوەت لەخۆشەویستان وهاوەڵانت ئەویش مردنە كەسەكەرات و حاڵەتى بێ هۆشى لەگەڵدایە لەگەڵ توندى گیان كێشان و ناڕەحەتى یەكەى ئەویش مردنە... ئەویش مردنە وەدواى جێ هێتنى گیانت هەڵدەگیرێیت لەسەرشانى پیاوان بۆكوێ؟بۆماڵ وجێگاكەت، بۆئەوەى كەپێشت خستووە لەژیانى دونیات بۆكوێ؟ بۆقەبر...بۆیەكەم مەنزڵگەى ڕۆژى دوایى بۆ باخچەیەك لەباخچەكانى بەهەشت یا بۆ چاڵێك لەچاڵەكانى دۆزەخ؟
ئایائەزانى كەقەبر هەیە؟ ئایا چویتەتەناوقەبر؟ تاریكیەكەى و تەنهایى یەكەى، و تەسكى یەكەى، پرسیارى دوو مەلائیكەكە؟ئایا یەكەم شەوى قەبرت بینیوە؟ئەو ڕۆژەى كەدەخرێیتە قەبرەكەت بەتەنهایى، خێزان و مناڵەكانت جێت ئەهێڵن، هەموو شتێك لەم دونیایە بەجێت دەهێڵى ئیللا كردەوەكەت نەبێ ؟ ئایا قیامەتت بینیوە؟ ئەوڕۆژەى كەخەڵك ئەوەستێ بۆ پەروەردگارى جیهانیان، ئەو ڕۆژەى مناڵى ساوا سەرى سپى دەكات بەئەندازەى پەنجا هەزار ساڵ؟ ئایا بڵاوكردنەوەو دابەشكردنى كتێبەكانت بینیوە؟ وەدانانى پردى سیراط لەسەر پشتى جەهەننەم؟ ڕۆشتنى خۆت بەسەر یدا؟ ئایا دانانى تەرازووەكانت بینیوە بۆ حیساب و پاداشت؟ ئایا خۆت ئامادەكردووە بۆوەستان لەبەردەم گەورەو بەدەسەڵاتى ئاسمانەكان و زەوى بۆئەوەى پرسیارت لێ بكات و پاداشتت بداتەوە لەسەر كردەوەكانت ئەگەر چاك بوو بەچاك وەئەگەر خراپ بوو بەخراپ؟ ئەو ڕۆژەى كەخوا قسەت لەگەڵ دەكات لەنێوان تۆو ئەودا وەرگێڕێك نى یە.
وەئەنجامیش: بۆبەهەشت یان ئاگرە.بەهەشتێك پانى یەكەى ئاسمانەكان و زەوى یە تیایدایە هیچ چاوێك نەیبینیوە، وەهیچ گوێ یەك نەیبیستووە، وەبەدڵى هیچ كەسێكدا نەهاتووە، یان ئاگرێكى گەرم كەبەدبەختى و سزاى تێدایە.
خوشكى خۆم: دەستپێشخەرى بكە بەتەوبەى ڕاست وەتوێشوو زۆر بكە بەلەخوا ترسان چونكە باشترین توێشووە. وەبزانە خوا بەتەوبەى بەندەكەى دڵخۆشە، جاچاوەڕێ ى چیت؟

www.ba8.org

بینێرە بۆ هاوڕێکەت
چاپکردن
ستایڵ
  • قەبارەی فۆنت
    • گەورەکردن:
    • zoomin
    • بچوک کردنەوە:
    • zoomout
  • جۆری فۆنت
    • ههەڵبژاردن:
  • ڕەنگی فۆنت
    • هەڵبژاردن:
  • بنەڕەتی کردنەوە
    • بنەرەتی
ڕێکلام