ماڵپەری بەهەشت

بەشە سەرەکیەکان
پرسیار و وەڵامی شەرعی
ئاماری ماڵپەڕ




ڕێکلام
گەنج و بەستنى پەیوەندى خۆشەویستى

بسم الله الرحمن الرحيم
سەرەتاى بەستنى زۆربەى پەیوەندیەكان لە هاوڕێیەتیەوە دەست پێ دەكات !!! سەرەتا خۆى بە هاوڕێی دادەنێ ودڵسۆزى و وەفادارى خۆى بۆ دەنوێنێ دواجار گۆڕینەوەى ژمارەى مۆبایل دواتر گفتوگۆكردن لەگەڵ یەكدا !! ئەم قسە دەیكەم لەخۆمەوە هەڵى نابەستم، چونكە ئەوەم بەچاوى خۆم دیوە سەرەتا بەناوى هاوڕێیەتى بەیەكەوە بون و دواتر پەیوەندى خۆشەویستى بەناو هاوڕێیەتیان بەستوە !!!
بۆیە دەڵێم: كچى بەڕێز كە سومعەتى خۆت و خێزانەكەت بەدەست تۆوەیە چۆن بڕوا بە كەسێك دەكەى كەتا دوێنێ هاوڕێت بوو وشەى وەفادارى هاوڕێی بۆت باس دەكرد ئێستا داواى پەیوەندى خۆشەویستیت لێ دەكا ؟! چۆن ئەمینى لەسەرى كاتێك ئەو كەسە ئامادە بوو خیانەت لە وشەى هاوڕێیەتى بكات ؟! چۆن ئامادە نابێ جارێكى تر خیانەتت لێ نەكا ؟!!!
هەمیشە ئەو كوڕانەى سەرەتا بەناو هاوڕێیەتیەوە نزیك دەبنەوە، دواجار سەردەكێشێ بۆ پەیوەندى خۆشەویستى چونكە هەندێك كوڕانى تەڵەكەباز خۆیان دەزانن چۆن تیرەكەیان دەوەشێنن و بە ناوى هاوڕێتیەوە مەبەستى خۆیان دەپێكن و باسى وەفادارى و خیانەت نەكردنى خۆشەویستان دەكات و پاكى خۆى باس دەكاو مرۆڤ نابێ درۆ بكا و گاڵتە بەناموسى خەڵك بكات و خۆمان دایك و خوشكمان هەیە ئالەم جۆرە قسانە دەكات وەكو لەبیرى كچەكە گومانى چاك دروست بكات ئینجا پێى دەڵێ من تۆم دەوێ و نیازم پاكەو ئەمەوێ بتهێنم !!! هەزاران قسەى بریقەدارى تر تاڕازى دەكا !!!
بەڕاستى حەیفە ناو و سومعەت و چارەنووسى خۆت بدەیتە دەست كەسێكەوە وەكو خۆى چارەنوسى خۆى نازانێ تۆ چوزانى ڕاستت لە گەڵ دەكا یان درۆ سەرەڕاى ئەوەى كە هەموو پەیوەندیەك پێش زەواج دروست نیە و تاوانە، لەوانەیە بڵێى بەقسەكەیەوە دیارە ڕاستگۆیە !! دەى وانیە چەندان كوڕ بەقسەى مۆمیاكراو كە ناخیان پێچەوانە بوە و بەو جۆرە قسانە خۆیان بەڕاستگۆ دەرخستوە !! كەچى فریوى كچانیان داوە !!! یان ناترسى لەخوا لەكاتێكدا وشەى سۆزدارى خۆشەویستى لەگەڵ كوڕێكدا دەگۆڕێتەوە، (ملك الموت) بێت و گیانت بكێشى ئەو كات لەبەرامبەر خوا چى دەڵێى ؟ هەروەكو خوداى گەورە دەفەرموێ: [ فَإِذَا جَاء أَجَلُهُمْ لاَ يَسْتَأْخِرُونَ سَاعَةً وَلاَ يَسْتَقْدِمُونَ ] (سورة الأعراف: 34)، واتە: هەریەكێكتان كە مردن ڕێگەى پێ بگرێ ئەوا یەك سەعات پێش و پاش ناخرێ.
یاخود گوناهو تاوان نیە دایك و باوكت ئاگایان لەهیچ نیە تۆ لەپشتەوە سەریان دەبڕى و ناموسیان لەكەدار دەكەى ؟!! بەڕاستى جێگەى داخە كچان بە چەندها كاتژمێر و بەمۆبایل لەگەڵ هاوسۆزەكانیان قسە دەكەن بێ ئەوەى ئاگایان لەو كاتە بەنرخە بێ كە بۆچى و لەبەر چ شتى خراپ بەفیڕۆى دەدەن !!!
پێغەمبەر صلى الله عليه وسلم: " نِعْمَتَانِ مَغْبُونٌ فِيهِمَا كَثِيرٌ مِنَ النَّاسِ، الصِّحَّةُ وَالْفَرَاغُ "، واتە: دوو نیعمەتى خوا هەیە زۆربەى خەڵك لێى بێ ئلگان ئەویش تەندروستى و دەس بەتاڵیە.
بەڕاستى كات زۆر گرنگە ئەگەر ناتوانى لەشتى باش بەكارى بێنى لەشتى خراپ بەكارى مەهێنە بۆ پشت بەو خوایەت نابەستى كە تۆى لە نەبونەوە هێناوەتە بوون و زەوى و ئاسمان ئەوەى لەناویدایە بەتواناى خۆى دروستى كردووە ئایا ناتوانى كەسێ بۆ تۆ بنێرێ بەدڵى تۆ بێ ؟!!
بەڕاستى زۆرم پێ سەیرە خودا ئەقڵى پێداوین و كەچى خۆمان ئەدەینە دەست هەوا و ئارەزوەكانمان. ئەى نازانى یەكەم شت كە بەچاك و خراپ شایەتیت لەسەر دەدا ئەو زەوییە كە لەسەرى سەرپێچى خودا دەكەى ؟! ئەى چى دەڵێى لەكاتێكدا تۆ بەناوى دڵداریەوە لەگەڵ كوڕدا بەچەندین كاتژمێر دادەنیشى و قسەى سۆزدارى دەكەى ؟!!
ئەمەش بەزۆرى لەزانكۆ و پەیمانگاكاندا ڕوو دەدات كە ئەبنە جێى توانج وقسەى خەڵك، و لەوانەشە گەنجێك بكەوێتە ژێر كاریگەرى تۆ، وە ئەویش هەوڵ بدا ئەو كارە خراپە ئەنجام بدات بەهۆى لاسایى كردنى بۆ تۆ، بەڕاستى هەركەس چاولێكەر بێت لە كەسێكەوە بەچاك یان خراپ بۆ ئەو كەسە دەنوسرێ لەلاى خودا دەبا تۆ لەو كەسانە نەبی كەبڵاوكەرەوەى خراپەن.

www.ba8.org

بینێرە بۆ هاوڕێکەت
چاپکردن
ستایڵ
  • قەبارەی فۆنت
    • گەورەکردن:
    • zoomin
    • بچوک کردنەوە:
    • zoomout
  • جۆری فۆنت
    • ههەڵبژاردن:
  • ڕەنگی فۆنت
    • هەڵبژاردن:
  • بنەڕەتی کردنەوە
    • بنەرەتی
ڕێکلام