ماڵپەری بەهەشت

بەشە سەرەکیەکان
پرسیار و وەڵامی شەرعی
ئاماری ماڵپەڕ




ڕێکلام
چۆن تەوبە بكەم؟بەشى یەكەم

برای خۆشەویستم، خوشكى بەڕێزم
وەكو بتەوێ پێم بڵێی: بەڵێ، نەفسم ئەیەوێ بگەڕێتەوە بۆ لای پەروەردگارەكەی، ئەیەوێ پەشیمان بێتەوە لە خراپیەكەى، نەفسم دڵنیا بووە لەوەى سەرفرازی لە شوێن كەوتنی هەواو ئارەزوەكان و ئەنجامدانی كارە حەرامەكاندا نیە.. بەڵام لەگەڵ ئەوەشدا نازانم چۆن توبە بكەم؟ لە كوێوە یەكەم هەنگاو بنێم؟
منیش ئەڵێم: خوای مەزن چاكەى بۆ هەر بەندەیەكی خۆی بوێت، هۆكارەكانی بەدەستهێنانی بۆ ئاسان دەكات و یارمەتی دەدات، جا منیش باسی هەندێك لەو شتانە دەكەم كە یارمەتیت دەدەن و هاوكاریت دەكەن لە بۆ تەوبە كردن و گەڕانەوە:
[یەكەم: ئیخلاص بوون بۆخوا، یانی ساغكردنەوەى نیەت، و پاككردنەوەى دڵ] :
بەڕاستی ئیخلاص بە سودترین دەرمانە نەك بۆ تەوبەكردن بەڵكو بۆ هەرچی دەرد هەیە، تەنانەت مەرجە لە هەرچی كار و كردەوەیەك ئەنجامی دەدەی هەبێت، وەگەرنا لێت وەرناگیرێت، هەر لە وتنی لا إله إلا الله وە هەتا لابردنی ئازارێك لەسەر ڕێگا پێویستە ئیخلاص لە هەمویدا هەبێت، وەگەرنا دەرێتەوە بەسەر خاوەنەكەیدا، ماڵی خراپیش سەر بە صاحیبەكەیەتی.
بەڵێ ئەگەر مرۆڤ نیەتی بۆ خوا ساغبكاتەوە و دڵی پاكبكاتەوە و ڕاستبكات لە تەوبە كردنەكەی، ئەوە پەروەردگار یارمەتی دەدات و كارئاسانی بۆ دەكات، و هەموو ئەو بەربەست و ڕێگرانەى دێنە ڕێى تەوبەكردنەكەى بۆی ئاسان دەكات و لای دەبات، كارئاسانی وای بۆ دەكات بە خەیاڵیشیدا نەهاتبێت، چونكە هەر دڵێك كە تامی عیبادەتی چەشت، هیچ شتێك بە ئەندازەى ئەوە بەتامتر و بەچێژتر و خۆشتر و شیرینتر نیە لەلای.
مرۆڤیش هەرگیز واز لە مەحبوب ((خۆشویستراو))ێك ناهێنێت ئیللا مەگەر بۆ یەكێكی لەو مەحبوبتر نەبێت.
خوای مەزنیش لە بارەى یوسفەوە علیە السلام دەفەرموێ: [كَذَلِكَ لِنَصْرِفَ عَنْهُ السُّوءَ وَالْفَحْشَاءَ إِنَّهُ مِنْ عِبَادِنَا الْمُخْلَصِينَ ] [یوسف:24] .
واتە: ئا بەو شێوەیەمان كرد بۆ ئەوەى هەرچی تاوان و خراپەیە لێی بە دوورخەینەوە، بەڕاستی ئەو یوسفە لە بەندە ساغ و پاك و هەڵبژێراوەكانی ئێمە بوو.
بەڕاستی هەر كەس موخلیس و ساغ نەبێتەوە لە بۆ خوا، شەیتان دەبێتە فەرمانڕەوای دڵی، پڕی دەبێت لە خراپە و گەندەڵی.
هەربۆیە دەبینی مرۆڤ پێش ئەوەى خوا بناسێ و تامی ئیخلاصبوون بۆ خوا و عیبادەتكردن بچەشێت، شوێنكەوتنی هەوا و ئارەزو زاڵترە بەسەریدا، بەڵام هەركە تامی ئیمان و ئیخلاصی چەشت و دڵی بەهێز بوو، دەبینی ئەمجار دڵی زاڵدەبێت.
شەیخولئیسلام ئیبن تەیمیە -خوا بە ڕەحمەتیكا و پلەى بەرزكا لە بەهەشتی بەرینا- ئەفەرموێ: ((مرۆڤ هەركە موخلیص بوو بۆ خوا، خوا پاكی دەكاتەوە و هەڵیدەبژێرێت، دڵی زیندو دەكاتەوە و بۆلای خۆی ڕایدەكێشێ، لەهەر شتێكی تری دژ بەوە دووری دەخاتەوە. بە پێچەوانەى دڵێك كە بۆ خوا پاك نەبووبێتەوە، تێبینی دەكەى ئەم جۆرە دڵانە بە بەردەوامی خواست و ویست و خۆشەویستیەكی ڕەهای تێدایە، هەرچی دای بەلایدا دڵی بۆی دەڕوات، هەرچیش دڵی بۆی ڕۆشت دەستی پێوە دەگرێت، هەر وەكو چڵەدار چۆن هەر بایەك هەڵیكرد لەگەڵی دەكەوێت و باكە چۆنی بوێ ئاوها لاری دەكاتەوە، ئەمیش ئاوها، بۆیە جاری وا هەیە وێنە حەرام و غەیرە حەرامەكانیش دەیجوڵێنن، تا دەبێت بە ئەسیر و كۆیلەی..، جاری واش هەیە دەبینی ناوشۆرەت و كورسی و پلەوپایە ڕایدەكێشن، تەماشا دەكەى لە قسەی ئەمەكە توڕە دەبێت، بەڵام قسەى ئەوەكەى تری پێ خۆشە، ئەوەى ستایشی بكات لە خۆی نزیكی دەكاتەوە ئەگەریش قسەكەى ناهەق بێت، ئەوەشی سەرزەنشتی بكات دوژمنایەتی دەكات ئەگەریش قسەى هەقی كردبێت. هەندێك جاریش پارە و پوڵ سەر لە دڵ دەشێوێنن و وای لێدەكەن بیپەرستن..، جا هەر كەسێك بە خالصی بۆ خوا نەسوڵحێت و نەبێت بە بەندەى، دڵی بە تەنها ئەو خوا بێ شەریك و هاوتایە نەپەرستێت، بە شێوەیەك كە خوا خۆشەویستتر بێت لە لای لە هەرشتێكی تر و زەلیل و گەردن كەچ بێت بۆی، وەگەرنا هەموو دونیا كردویەتی بە بەندەی خۆی و شەیتانەكان زاڵبوون بەسەریدا.. هەمووی كردویەتی بە بەندەى خۆی، جا دڵ ئەگەر پاك نەبێت و بە تەنها ڕوو لەخوا نەبێت و ڕووی لە هەرچی شتی ترە وەرنەگێڕابێت ئەوە هاوبەش بِیاردەرە)).
هەروەها ئیبن قەییمی مامۆستامان و قوتابی ئەزیزى شەیخولئیسلام -ڕەحمەتی خوا لە مامۆستاكە و قوتابیەكەش ئەفەرموێ: ((ئیمانداری موخلیص، لە خۆشترین گوزەراندایە، لە باشترین حاڵ و باردایە، لە گوشادترین سینگدایە، لە ئاسودەترین دڵدایە، ئەمەش بەڕاستی بەهەشتێكی پێش وەختە پێش بەهەشتە پاش وەختەكە كە بەهەشتی ئەبەدیە))

www.ba8.org

بینێرە بۆ هاوڕێکەت
چاپکردن
ستایڵ
  • قەبارەی فۆنت
    • گەورەکردن:
    • zoomin
    • بچوک کردنەوە:
    • zoomout
  • جۆری فۆنت
    • ههەڵبژاردن:
  • ڕەنگی فۆنت
    • هەڵبژاردن:
  • بنەڕەتی کردنەوە
    • بنەرەتی
ڕێکلام