ماڵپەری بەهەشت

بەشە سەرەکیەکان
پرسیار و وەڵامی شەرعی
ئاماری ماڵپەڕ




ڕێکلام
چۆن تەوبە بكەم؟بەشى دووەم

برای خۆشەویستم، خوشكى بەڕێزم
وەكو بتەوێ پێم بڵێی: بەڵێ، نەفسم ئەیەوێ بگەڕێتەوە بۆ لای پەروەردگارەكەی، ئەیەوێ پەشیمان بێتەوە لە خراپیەكەى، نەفسم دڵنیا بووە لەوەى سەرفرازی لە شوێن كەوتنی هەواو ئارەزوەكان و ئەنجامدانی كارە حەرامەكاندا نیە.. بەڵام لەگەڵ ئەوەشدا نازانم چۆن توبە بكەم؟ لە كوێوە یەكەم هەنگاو بنێم؟
منیش ئەڵێم: خوای مەزن چاكەى بۆ هەر بەندەیەكی خۆی بوێت، هۆكارەكانی بەدەستهێنانی بۆ ئاسان دەكات و یارمەتی دەدات، جا منیش باسی هەندێك لەو شتانە دەكەم كە یارمەتیت دەدەن و هاوكاریت دەكەن لە بۆ تەوبە كردن و گەڕانەوە:
[دووەم: موحاسەبەكردنی نەفس]
چونكە موحاسەبەی نەفس هاندەرە بۆ پەلەكردن بۆ كاری خێر، هاوكارە بۆ ڕوبەروبونەوەى تاوان، یارمەتیدەرە بۆ گەیشتنە ئەوەى لەدەست چووە، پلەیەكە مرۆڤ وا لێدەكات بزانێت چی بۆ هەیە و چی لەسەرە. هاویاری مرۆڤە بۆ تەوبەكردن و بەردەوام بوون لەسەر تەوبەكردنەكەی.
یادی نەفسی خۆت بخەرەوە و ئامۆژگاری بكە و سەرزەنشتی بكە و بیترسێنە: پێی بڵێ: ئەى نەفس! بگەڕێوە پێش ئەوەى بمری؛ چونكە مردن لە ناكاو دێ، مردنی ئەم و ئەوى یاد بهێنەوە.. نازانی مردن مەوعیدی تۆیە؟! گۆڕ ماڵی تۆیە؟! خۆڵ فەرشی ژێرتە؟! كرمەكانی زەوى دەبنە ئاشنات؟! ناترسی فریشتەى گیانكێشان یەخەت پێبگرێ و تۆش لەسەر تاوانكردن بەردەوامی -پەنا بەخوا-؟! لەوكاتەدا پەشیمانی دادت ئەدات؟! گریان و دڵتەنگیت لێوەردەگیرێ؟؟! تیابچیت ئەى نەفس پشت لە ئاخیرەت دەكەیت لە كاتێكدا ئەو ڕوی لە تۆیە و بەرەو تۆ دێت؟! ڕوو لە دونیا دەكەیت لە كاتێكدا ئەو پشتی لە تۆیە؟!

www.ba8.org

بینێرە بۆ هاوڕێکەت
چاپکردن
ستایڵ
  • قەبارەی فۆنت
    • گەورەکردن:
    • zoomin
    • بچوک کردنەوە:
    • zoomout
  • جۆری فۆنت
    • ههەڵبژاردن:
  • ڕەنگی فۆنت
    • هەڵبژاردن:
  • بنەڕەتی کردنەوە
    • بنەرەتی
ڕێکلام