ماڵپەری بەهەشت

بەشە سەرەکیەکان
پرسیار و وەڵامی شەرعی
ئاماری ماڵپەڕ




ڕێکلام
چۆن تەوبە بكەم؟بەشى چوارەم

برای خۆشەویستم، خوشكى بەڕێزم
وەكو بتەوێ پێم بڵێی: بەڵێ، نەفسم ئەیەوێ بگەڕێتەوە بۆ لای پەروەردگارەكەی، ئەیەوێ پەشیمان بێتەوە لە خراپیەكەى، نەفسم دڵنیا بووە لەوەى سەرفرازی لە شوێن كەوتنی هەواو ئارەزوەكان و ئەنجامدانی كارە حەرامەكاندا نیە.. بەڵام لەگەڵ ئەوەشدا نازانم چۆن توبە بكەم؟ لە كوێوە یەكەم هەنگاو بنێم؟
منیش ئەڵێم: خوای مەزن چاكەى بۆ هەر بەندەیەكی خۆی بوێت، هۆكارەكانی بەدەستهێنانی بۆ ئاسان دەكات و یارمەتی دەدات، جا منیش باسی هەندێك لەو شتانە دەكەم كە یارمەتیت دەدەن و هاوكاریت دەكەن لە بۆ تەوبە كردن و گەڕانەوە:
[چوارەم: واز لە برادەری خراپ بهێنه]
چونكە تەبیعەتت شت لەوان دەدزێت، بشزانە ئەوان دەستبەردارت نابن و وازت لێناهێنن، بەتایبەت ئەوان شەیتانیان لەپشتەوەیە، زۆر بە توندی و گەرمی هانیان دەدەن لە بۆ خراپەكاری و تاوان، پاڵیان پێوە دەنێن و ڕایان دەكێشن و پەلە كێشیان دەكەن، ئاوها بەدبەختن بە دەست شەیتانەكانەوە -وەك خوای زانا لە قورئاندا باسی لێوە كردوە-.
هەورەها ئەگەر توانیت ژمارە مۆبایلەكەت بگۆڕی بیگۆڕە، ئەگەر توانیت ناونیشانی ماڵەكەت بگۆڕی بیگۆڕە، تەنانەت -ئەگەر توانیت- ئەو ڕێگایەش بگۆڕی كە پێشتر پێیدا هاتوچۆت دەكرد، زۆر چاكە..، كە وات كرد دڵنیابە پشت بەخوا ڕزگارت دەبێت لە شەیتانە مرۆییەكان.
[چیرۆكێكت بۆ ده گێرِمەوە بە هیوای پەند لێوەرگرتنی] :*
گەنجێك تەوبە دەكات و ڕێگای ڕاست دەگرێتە بەر، دەست دەكات بە نوێژكردن، ڕۆژوی سوننەتگرتن، تەنانەت دەست دەكات بە لەبەركردنی قورئان.. كە خۆی ئەبینێ لەم ژیانە پڕ تام و چێژە، لەم دونیا پڕ خۆشیە، هەندێك برادەری پێشوی خۆی بیر كەوتەوە كە هێشتا لە گێژاوی بێ ئاگایی و دونیای ئارەزوو بازیدا دەتلێنەوە، حەزی كرد لەوەى خۆی پێی گەیشتووە بەهرەمەندیان بكات، ئەوانیش سواری ئەم كەشتیە ڕزگاركەرە ببن، ئەوانیش بێنە ڕیزی تۆبەكارانەوە. ڕۆیشت سەردانی كردن، بەس شەلڵا نەڕۆشتایە..
ئەمەش ئامۆژگاریمانە بۆ هەموو ئەوانەى تازە تەوبەیان كردوە، تازە ئیلتیزامیان وەرگرتووە، با هەرگیز بە تەنها سەردانی هاوڕێ خراپە كۆنەكانی خۆیان نەكەن، بایەكێك ببەن لەگەڵ خۆیان كە هاوكاریان بێ و كار ئاسانیان بۆ بكا، نەوەك تیا بچن، چونكە زۆری لە زیرەكی ئەباتەوە.
سەردانی كردن بە مەبەستی هیدایەتدانیان، بەڵام ئەم هاوڕێ خراپانە، دەستیان كردە هێرشكردن، هەر كەسە و تیرێكی تێدەگرت، تەعلیقیان لێدەدا و ئەوسایان بیر دەهێنایەوە، فلانە ڕۆژ و فیسانە ڕۆژت لە بیر نایە؟! ئاوها و ئاوهات لەگەڵمان نەكرد...؟! بە دەنگی بەرز و بە قاقا پێدەكەنین، ئەویش لایان هەستا، بەڵام دوای چی؟! ئەوەى هەندێك شتیان لە دەرونیا دروستكرد، دیسانەوە كێشمەكێشی دەرونی لە ناخیەوە دەستی پێكرد.
دوای چەند ڕۆژێك هاتن بۆلای و وتیان: ئەمانەوێ سەفەرێك بكەین بۆ ئەم نزیكانە بە مەبەستی كڕینی ئۆتۆمبیلێك، جا حەز ئەكەین یەكێكمان لەگەڵ بێت خوامان یاد بخاتەوە و پێش نوێژیمان بۆ بكات و فێری قەێر و جەمعمان بكات.
ببینە شەیتان و دار و دەستەكەى چۆن ئەیەوێت لە دەرگای خێرەوە توشی شەڕت بكات؟!
ئەوەبوو شەیتان سەفەركردنی لاخۆش و جوان كردەوە، بۆیە ڕازی بوو، بەڵام شەلڵا ڕازی نەبوایە، هەزار خۆزگە ڕازی نەبوایە..
ئەو شوێنەى ئەوان بۆی چون بە ئاشكرا سەرپێچی خوای مەزنی تێدا ئەكرا، لەوێ ئوتێلێكی خۆشیان بە كرێ گرت و وتیان تۆ لێرە بمێنەوە و خۆیان ڕۆیشتن دەستیان كرد بە پیلان گێڕان كەوا چۆن بیگێڕنەوە بۆ ڕێگای گەندەڵی و چەوتی و سەرپێچی خۆیان.
ئەو شەوەیان لە نێو گۆرانی و عارەق خواردن و ئافرەتی داوێن پیسدا بردە سەر، ئەو هەژارەش لەوێ چاوەڕێی دەكردن.
ڕۆیشتن لەگەڵ یەكێك لەو داوێن پیسانەدا ڕێككەوتن لەسەر هەرچیەك دەیەوێت، پارەى چەند بار پێدەدەن، بەس بتوانێت ئەو هاوڕێیەیان لە خشتە بەرێت و كاری خراپەى لەگەڵدا بكات.
الله أكبر.. ئەو ڕۆیشت هیدایەتیان بدات ڕێی خوایان نیشان بدات، بەڵام ئەمان نەخێر، ئەیانەوێ ئەوەى بەسەر بهێنن.. سەری لە زینا كردنەوە دەربكەن، تەنانەت ماڵی خۆشیان لەو پێناوەدا دەبەخشن، بڕوانە هاوڕێی خراپ چۆنە!؟ بردیان بۆلای، ئەویش كاسێتێك گۆرانی و عارەقی لەگەڵ خۆی برد.
جا عارەقیش عەقڵ ناهێلێ، گۆرانیش بەریدی زینایە.
هەردوولا تەنیا كەوتن. هیچ كوڕ و كچێكیش تەنیا ناكەون مەگەر شەیتان سێیەمیانە.
بەردەوام هەر فریوی دەدا، هەتا پەرداخێك عارەقی بەخۆرددا، پاشان یەكێكی تر و پاشان یەكێكی تریش، پاشان حەرامەكەش ڕویدا و زینای لەگەڵ كرد -خوا پەنابدات-.
بە چەند ساتێكی كەم ئەو بینایەی كە ماوەیەكە شەكەت بووە تا دروستی كردوە، بەڵام بەدەستی خۆی ڕوخانی.
پاشان خەوتن.. هەر بەو حاڵە و بەو سەرخۆشیەوە -خوا پەنابدات-.
كە بەیانی بوویەوە شەیتانە مرۆییەكان -هاوڕێ خراپەكانی- زوو هاتن و دایان لە دەرگا. قاقای پێكەنینیشیان ئەو ناوەى داگرتبوو.
ئەو داوێن پیسە زیناكارە دەرگاكەى بۆ كردنەوە.
وتیان: ها چیتكرد؟! دەنگوباس؟! مژدەى چیت پێیە؟!!
ئەویش وتی: مژدەتان لێبیت، هەموو شتێكی كرد، عارەقی خوارد، پاشان زینای كرد و پاشان خەوت.. ئەوەتا بە ڕوتی لە نێو جێگاكەی خەوتوە.
ئەوانیش ڕۆیشتن بۆلای بە پێكەنین و تانە و تەعلیق وەشاندنەوە، بۆ ئەوەى بیداری بكەنەوە لە جێگاكەى خۆی.
بیداریان كردەوە.. فلان كەس.. فلان كەس..؟؟!
وەڵامی نەدایەوە..!
دیسانەوە بانگیان لێكردەوە.. فلان كەس.. فلان كەس..!
ئەم لایان پێكرد.. ئەو لایان پێكرد.. هەڵیان گەڕانەوە.. نەخێر سودی نییە و وەڵام ناداتەوە...
تەماشای ئەم موسیبەتە بكە..:
عارەقی خواردوە و زینای كردوە و خەوتوە و هەر ئەو شەوە مردوە لەسەر جێگەكەى..إِنَّا لِله وَإِنَّا إِلَيْهِ رَاجِعُون..
ئەمانە چ برادەرێكن.. بۆ مەگەر نەڕۆیشت هیدایەتیان بدات..؟!
هەر بۆیە پێغەمبەری خوا صلى الله علیه وآله وسلم دەفەرموێت:((المَرْأُ عَلَى دِينِ خَلِيلِهِ؛ فَلْيَنْظُرْ أَحَدُكُمْ مَنْ يُخَالِلُ))رواه أحمد و الحاكم أبو داود والترمذي وحسنه وصححه الحاكم و الذهبي و النووي، وجود إسناده شعيب الأرناؤوط وحسنه الألباني
واتە: مرۆڤ لەسەر دینی هاوڕێكەیەتی، جا بۆیە ووریا بن بزانن هاوڕێیەتی كێ دەكەن.
كە ئەڵێم برادەری خراپ هەموان بیریان بۆ ئەو هاوڕێ و برادەرانە ئەڕوات كە بەرەو عارەق خواردن و جگەرە كێشان و مادە هۆشبەرەكان و داوێن پیسی و باقی تاوانە مەعروفەكانی تر مرۆڤ ڕادەكێشن.
بەڵێ بێگومان ئەمانە برداەری خراپن و زۆریش خراپن و سەری موسڵمان لەو موسیبەتە گەورانەوە دەردەكەن، بەڵام برادەری خراپتر هەیە وەكو ئەمان بەڵكو -بەخوا- لەمانە خراپتریشن، ئەوانەش بریتین لەو كەسانەى كە بیر و بۆچوون و عەقیدەیان گەنیوە، پڕ مێشكیان لە شوبهەیە.
جا ئەێڵی كردنی تاوان یان شوبهە و بیروبۆچونە یان شەهوەت و هەوا و ئارەزوە، جا ئەوەیان كە لەبەر شوبهە و عەقیدەیە زۆر خراپترە لەوەیان كە لەسەر شەهوەت و هەوا و ئارەزوە، تەنانەت كەمتر ئومێدی تەوبەكردنی لێدەكرێت، درەنگتر و گرانتریش تەوبە دەكات. هەر بۆیە ئەبێت زۆرتر خۆپارێزی لە كۆمەڵی یەكەمیان بكرێت تا كۆمەڵی دووەمیان، ئەمەش بەبێ بەكەم تەماشاكردنی كۆمەڵی دووەم، چونكە دووەمیشیان بەریدی یەكەمیانە.
================
* خالد ڕاشد لە شریتی ((أحوال الغارقین))دا باسی دەكات، ئەڵێ: پێم گەیشتوە...

www.ba8.org

بینێرە بۆ هاوڕێکەت
چاپکردن
ستایڵ
  • قەبارەی فۆنت
    • گەورەکردن:
    • zoomin
    • بچوک کردنەوە:
    • zoomout
  • جۆری فۆنت
    • ههەڵبژاردن:
  • ڕەنگی فۆنت
    • هەڵبژاردن:
  • بنەڕەتی کردنەوە
    • بنەرەتی
ڕێکلام