ماڵپەری بەهەشت

بەشە سەرەکیەکان
پرسیار و وەڵامی شەرعی
ئاماری ماڵپەڕ




ڕێکلام
پاداشت و گەورەیى دەست نوێژ


بسْمِ اللَّهِ الرَّحْمَنِ الرَّحيمِ
الحَمْدُ لِلَّهِ نَسْتَعِينُهُ وَنَسْتَغْفِرُهُ وَنَعُوذُ بِهِ مِنْ شُرُوڕ أَنْفُسِنا مَنْ يَهْدِ اللَّهُ فَلاَ مُضِلَّ لَهُ وَمَنْ يُضْلِلْ فَلا هادِيَ لَهُ وأشْهَدُ أنْ لا إِلهَ إِلاَّ اللَّهُ وأشْهَدُ أَنَّ مُحَمَّداً عَبْدُهُ وَرَسُولُهُ. أَمَّا بَعْدُ...
موسڵمانى خۆشەویست: دەست نوێژ بەخشندەیی ونیعمەتى خواى پەروەردگارە بەسەر ئەم ئوممەتەوە، وە بەئەنجامدانى چەندین چاكەو خێریان دەستگیرۆ ئەبێت و چەندین تاوانیشیان ئەسڕدرێتەوە و پلە شیان پێى بەرزئەبێتەوە، ئوممەتى پێغەمبەر محمد(صلى الله عليه وسلم) لەرۆژى دوایدا بەشوێنەوارى دەست نوێژ ئەناسرێنەوە، وە پێغەمبەر(صلى الله عليه وسلم) فەرموویەتى: هیچ كەسێك بەردەوام نابێت لەسەر دەست نوێژ مەگەر باوەردار، وە شەیتان لەباوەڕدارێك نزیك نابێتەوە كە دەست نوێژى هەبێت، وە دەست نوێژ: مەرجێكى سەرەكییە بۆقەبوڵ بوونى نوێژ، وە پێغەمبەرى خوا(صلى الله عليه وسلم) فەرموویەتى: (لا يَقْبَلُ اللهُ صلاةً بغير طُهُورٍ)رواه مسلم (534) واتە: پەروەردگار نوێژى هیچ موسڵمانێك قەبوڵ ناكات ئەگەر بەدەست نوێژەوە نەبێت، فەزڵ وگەورەیى دەست نوێژ زۆرە لەوانە:

[یەكەم: هۆكارێكە بۆلێخۆش بوونى تاوان]
1. پێغەمبەرى خوا (صلى الله عليه وسلم) فەرموویەتى: (من توضأ نحو وضوئي هذا ثم صلى ركعتين لا يحدث فيهما نفسه غفر له ما تقدم من ذنبه) شرح النووي على مسلم (3/108).
واتە: هەر كەسێك دەست نوێژ بشۆرێت وەك ئەم دەست نوێژە پاشان دوو ڕكات نوێژ بكات وئاگاى لەنوێژەكەى بێت بەدڵ، ئەوا پەروەردگار لەتاوانەكانى پێشووى خۆش ئەبێت.
ئیمامى النووی (رەحمەتى خواى لێبێ). ئەفەرمووێت: مەبەست لەتاوانى بچوكە نەك تاوانى گەوەرە.

2. پێغەمبەرى خوا (صلى الله عليه وسلم) فەرموویەتى: (مَنْ تَوَضَّأَ فَأحْسَن الوَضُوء ثُم قامَ فَصَلى رَكْعَتَيِن يُحْسنُ فيهما الذكر والخشوع ثُم استغفر اللهَ عَز وَجَل غفرله)صحيح الجامع لشيخ الألباني (رحمه الله)(3398).
واتە: هەر كەسێك بەچاكى دەست نوێژ بشۆرێت، پاشان دووڕكات نوێژ بكات، بەمەرجێك زیكرەكانى بەجوانى تێدا بخوێنێ و مل كەچ بێت لەبەرامبەر خواى پەروەردگار، وە داواى لێخۆش بوون بكات لەخوا، ئەوا پەروەردگار لێى خۆش ئەبێت.
3. پێغەمبەرى خوا(صلى الله عليه وسلم) فەرموویەتى: (الوضوء يكفر ما قبله)صحيح الجامع (7156) لشيخ الألباني (رحمه الله)
واتە: دەست نوێژ شۆرین هۆكارە بۆلێخۆش بوونى تاوانى پێشوو.
4. پێغەمبەرى خوا(صلى الله عليه وسلم) فەرموویەتى::(من توضأ فأحسن الوضوء ثم صلى ركعتين يقبل عليهما بقلبه و وجهه وجبت له الجنة)صحيح الجامع (6166) لشيخ الألباني (رحمه الله)
واتە: هەر كەسێك بەچاكى دەست نوێژ بشۆرێت، پاشان دوو ڕكات (سوننەتى دەست نوێژ)بكات(بەدڵ وبەلاشە)ئاگاى لەنوێژەكە بێت، ئەوا بەهەشتى بۆ واجب ئەبێت.
5. پێغەمبەرى خوا(صلى الله عليه وسلم) فەرموویەتى: (ما من عبد يذنب ذنبا فيتوضأ فيحسن الطهور ثم يقوم فيصلي ركعتين ثم يستغفر الله بذلك الذنب إلا غفر الله له) صحيح الجامع (5738) لشيخ الألباني (رحمه الله)
واتە: هیچ بەندەیەك نییە كەتاوان ئەنجام بدات، پاشان دەست نوێژ بەچاكى بشۆرێت و دوو ڕكات نوێژبكات وە داواى لێخۆش بوون لە خواى پەروەردگارى بكات ئیلا پەروەردگار لەو كەسە خۆش ئەبێت.

[دوەەم: هۆكارێكە بۆ ناسینەوەى باوەرِدار لەرِۆژى دواییدا]
1. پێغەمبەرى خوا(صلى الله عليه وسلم) فەرموویەتى:(إن أُمتي يُدعَون يوم القيامة غراً محجلين من آثار الوضوء)البخاري(136)
واتە: لەڕۆژى دواییدا ئوممەتى من ئەناسرێنەوە بەشوێنەوارى دەست نوێژ، (بە شێوەى ناوچاوان و دەست و قاچەكانى ئەسپ).
2. ووترا بە پێغەمبەرى خوا (صلى الله عليه وسلم) چۆن خە ڵكى ئومەتەكەت ئەناسیتەوە لەكاتێكدا نەیانت بینیوە؟ پێغەمبەرى خوا (صلى الله عليه وسلم) فەرمووى: (غر محجلون من آثار الوضوء)صحيح الترغيب (178) لشيخ الألباني (رحمه الله)
واتە: بە شوێنەوارى دەست نوێژەكانیان نورانییەو ئەدرەوشێتەوە.

[سێ یەم: نیوەى ئیمانە]
1.پێغەمبەرى خوا(صلى الله عليه وسلم) فەرموویەتى: (الطهورشطرالإيمان)مسلم (533)
واتە: پاك وخاوێنى ودەست نوێژ شۆرین نیوەى ئیمانە
زانای خۆشەویست: (محمد بن صالح العثيمين) (رەحمەتى خواى لێبێ) لەڕاڤەى ئەم فەرموودەیەدا ئەفەرمووێت: پاك وخاوێنى ودەست نوێژ نیوەى ئیمانە، نیوەكەى ترى ئیمان بریتییە لە خۆڕازاندنەوە بەڕەوشتى جوان و كردەوەى چاك وباش. بڕوانە: پەرتووكى (شرح رياض الصالحين) (3/151).
[چوارەم: رِێگایەكە بەرەو بەهەشت:]
1. پێغەمبەرى خوا (صلى الله عليه وسلم) فەرموویەتى: هەر كەسێك بەچاكى دەست نوێژ بشۆرێت، پاشان بڵێت:(أشهد أن لا إله إلا الله وحده لا شريك له و أن محمدا عبده و رسوله، اللهم اجعلني من التوابين و اجعلني من المتطهرين) صحيح الجامع (6167) لشيخ الألباني (رحمه الله)
ئەوا هەشت دەرگاكەى بەهەشتى بۆ ئەكرێتەوە لە هەركامیانەوە بیەوەێت ئەچێتەژوورەوە.

2. پێغەمبەر(صلى الله عليه وسلم) لەنوێژى بەیانیدا بەبیلالى فەرموو: (يا بلال حدثني بأرجى عمل عملته في الإسلام فإني سمعت دف نعليك بين يدي في الجنة، قال ماعملت عملا أرجى عندي أني لم أتطهر طهورا في ساعة ليل أو نهار إلا صليت بذلك الطهور)البخاري (1149).
واتە: ئەى بیلال پێم بڵێ بەو كردەوانەى كردوتە لەئیسلامدا وەئومێدت پێی هەبێت چونكە گوێم لەخشەى نەعلەكانت بوو لە بەهەشتدا، بیلال فەرمووى كردەوەیەكى وام نەكردوە، بەڵام هەركات لەشەودا یان لەڕۆژدا دەست نوێژم شۆردبێت ئەوا نوێژم كردووە بەو دەست نوێژەوە.
[پێنجەم:پلەى پێ بەرز دەبێتەوە:]
1. پێغەمبەرى خوا (صلى الله عليه وسلم) فەرموویەتى: (ألا أدلكم على ما يمحو الله به الخطايا ويرفع به الدرجات؟ قالوا بلى يارسول الله قال: إسباغ الوضوء على المكاره) مسلم (586).
واتە: كارێكتان پێ ڕابگەیەنم كە تاوانەكانتان لاببات (تاوانى بچووك)، و پلەتان بەرز بكاتەوە؟ ووتیان: بەڵێ ئەى پێغەمبەرى خوا (صلى الله عليه وسلم) ئەویش فەرمووى: دەست نوێژ شۆرین لەكاتى ناڕەحەتیدا.
2. پێغەمبەرى خوا(صلى الله عليه وسلم) فەرموویەتى: (ألا أدلكم على ما يكفر الله به من الخطايا ويزيد في الحسنات؟ إسباغ الوضوء على لمكاره)صحيح الجامع(2617) لشيخ الألباني (رحمه الله)
واتە: پێتان ڕابگەیەنم بەشتێك كە تاوانەكانتان لاببات وكردەوەكانتان زیادبكات؟ دەست نوێژ شۆرین لەكاتى ناڕەحەتیدا.
لەكۆتایدا... باوەڕدارى خۆشەویست ئەمە گوڵبژێرێك بوو لە فەزڵ وگەورەیى دەست نوێژ داواكارم لە خواى پەروەردگار لە تاوانەكانى من و ئێوەش خۆش بێت، وە لەبەهەشتە پڕنازو نیعمەتەكەیدا كۆمان بكاتەوە،
ئەم دیاریەش لە پێغەمبەرى خواوە (صلى الله عليه وسلم) بۆ ئومەتەكەى:
(إذا توضأ العبد المؤمن فتمضمض خرجت الخطايا من فيه، فإذا استنثر خرجت الخطايا من أنفه، فإذا غسل وجهه خرجت الخطايا من وجهه حتى تخرج من تحت أشفارعينيه، فإذا غسل يديه خرجت الخطايا من يديه حتى تخرج من تحت أضفار يديه، فإذا مسح برأسه خرجت الخطايا من رأسه حتى تخرج من أذنيه، فإذا غسل رجليه خرجت الخطايا من رجليه حتى تخرج من تحت أضفار رجليه).صحيح الجامع (449).
واتە: ئەگەر بەندەیەكى باوەڕدار دەست نوێژ بشۆرێت: كاتێك ئاو لە دەمى ڕابدات هەرتاوانێك كە بەدەمى كردبێتى لەگەڵ ئەو ئاوەدا ئەڕوات، وەئەگەر ئاوى لەلوتى ڕادا هەر تاوانێك كەبەلوتى كردبێتى لەگەڵ ئەو ئاوەدا ئەڕوات، وەئەگەر دەم وچاویشى شۆرى هەر تاوانێك كە بەچاوى كردبێتى لەژێر برۆكانیەوە ئەرئەچێت، وە ئەگەر دەستەكانیشى شۆرى هەر تاوانێك كە بەدەستى كردبێتى لەگەڵ ئەو ئاوەدا ئەڕوات كە لەژێر ئانیشكێوە ئەڕوات، وەئەگەر مەسحى سەرى كرد ئەو تاوانەى كەبەسەرى كردبێتى لەگەڵ ئەو ئاوەدا ئەڕوات كە مەسحى گوێچكەكانى پێدەكات، وەئەگەر پێیەكانیشى شۆرى ئەو تاوانانەى كە بەپێى كردویەتى لەگەڵ ئەو ئاوەدا ئەڕوات كەلە ژێر پێیەكانیەوە دەرئەچێت.
وآخر دعوانا أن الحمدلله رب العالمين
والصلاة والسلام على نبينا محمد وعلى آله وصحبه أجمعين

www.ba8.org

بینێرە بۆ هاوڕێکەت
چاپکردن
ستایڵ
  • قەبارەی فۆنت
    • گەورەکردن:
    • zoomin
    • بچوک کردنەوە:
    • zoomout
  • جۆری فۆنت
    • ههەڵبژاردن:
  • ڕەنگی فۆنت
    • هەڵبژاردن:
  • بنەڕەتی کردنەوە
    • بنەرەتی
ڕێکلام