ماڵپەری بەهەشت

بەشە سەرەکیەکان
پرسیار و وەڵامی شەرعی
ئاماری ماڵپەڕ




ڕێکلام

پرسیاری ژمارە ٥٥٢:دەوترێت ناوەكانى خوات لەبەربێت بە تەواوەتى، دەچیتە بەهەشتەوە، ئایا وایە؟

وەڵام:بسم الله الرحمن الرحیم
سوپاس و ستایش بۆ خواى گەورە وە درودو سڵاو لە سەر گیانى پێغەمبەرى خوا وە لەسەر خێزان و كەس وكارى ئیماندارو هاوەڵان و شوێن كەوتوانى تا رۆژى دوایى.
پێغەمبەرى خوا (صلى الله علیه وسلم) فەرمویەتى: ((إن لله تسعة وتسعين إسماً أو مئة إلا واحدة من أحصاها دخل الجنة)) واتە خواى گەورە نەوەدو نۆ ناوى هەیە (سەد یەك كەم)، هەركەسێك (إحصاء)ى بكات دەچێتە بەهەشتەوە، زانایان لە شەرحى ئەو حەدیثەدا دەفەرموون (من أحصاها) تەنها ئەوە نییە كە هەمووى كۆبكاتەوەو بیژمێرێت یان بینوسێتەوەو ئەزبەرى بكات، (إحصاء) بەوە دەبێت كە ناوە پیرۆزەكانى خواى پەروەردگار بزانیت وە تێى بگەیت كە ماناى چيیە، وە چ سیفەتێكیش لە هەریەكێك لەو ناوانەدا وەردەگیرێت (هەر ناوێك بەڵگەیە لەسەر چ سیفەتێك) وە ئیمانت بە سیفەتەكەش هەبێت وەكو خۆى بە بێ گۆڕانكارى و تەحریف و تەشبیه و تەمثیل وە بەگوێرەى هەریەكێك لەو سیفەتانە و ناوەڕۆكەكەى هەستیت بە پەرستنى خواى پەروەردگار، كاتێك كە هەست دەكەیت خواى پەروەردگار (السمیع)ە، (المجیب)ە، ئەوە تەنها هاوار بكەیتە خواو داوا لە خوا بكەیت چونكە تەنها ئەو بیسەرەو وەڵامت دەداتەوە، وە كە هەست دەكەیت خواى پەروەردگار (العفو) یان (الغفور)ە، ئەوا هیواى ڕەحمەتى خواى پەروەردگار زۆر بكەیت، كە هەست دەكەیت خواى پەروەردگار (القوي)، (العزیز)ە لە توِرەیى خواى پەروەردگار بترسیت و خۆتى لێبپارێزێت، كەواتە هەستیت بە پەرستن بە گوێرەى ماناو داواكارى ناوە پیرۆزەكانى خواى پەروەردگار، ئەوە لە خۆتدا بڕازێنیتەوەو بهێنیتە جێ، ئەوەیە كە پێغەمبەرى خوا (صلى الله علیه وسلم) فەرمویەتى هەركەسێك بیانژمێرێت دەچێتە بەهەشتەوە، بەڵام (بۆ نمونە) كەسێكى خورافى و گۆڕپەرست و شەخس پەرست هەر نەوەدو نۆ ناوەكە ئەزبەربكات، بەڵام لە جیاتى ئەوەى هاوار بكاتە (السمیع)و (المجیب)، هاوار بكاتە شێخێك یان مردوویەك وە بڵێت من نەوەدو نۆ ناوەكەى خوام ئەزبەركردووە، چیت ئەزبەركردووە تۆ لە كاتێكدا ئیمانت پێى نییە لە حەقیقەتدا و كردەوەشى پێناكەیت، تۆ هاوار ناكەیتە (السمیع)و (المجیب)، هاوار دەكەیتە مردویەك یان هاوار دەكەیتە دروستكراوێك، كەواتە دەبێت تێبگەین كە ئەم فەرمودە پیرۆزە ماناى ئەوەیە كە مرۆڤ دەبێت لە ناوەكانى خوا تێبگات وە ئیمانى بە سیفاتەكانیش هەبێت كە ئەو ناوانە بەڵگەن لەسەریان بە بێ گۆڕانكارى وە هەروەها بە گوێرەى ناوەڕۆكەكەى و داخوازى ئەو ناوانەش هەوڵدەیت پەرستشى خوا بكەیت.
لە لایەن بەڕێز [مامۆستا عبداللطيف] ه وه وەڵام دراوەتەوە


www.ba8.org

بینێرە بۆ هاوڕێکەت
چاپکردن
ستایڵ
  • قەبارەی فۆنت
    • گەورەکردن:
    • zoomin
    • بچوک کردنەوە:
    • zoomout
  • جۆری فۆنت
    • ههەڵبژاردن:
  • ڕەنگی فۆنت
    • هەڵبژاردن:
  • بنەڕەتی کردنەوە
    • بنەرەتی
ڕێکلام