ماڵپەری بەهەشت

بەشە سەرەکیەکان
پرسیار و وەڵامی شەرعی
ئاماری ماڵپەڕ




ڕێکلام

پرسیاری ژمارە ٧٠٧:فەزڵ و گەورەیی قوربانی كردن چیە؟‏

وەڵام:بسم الله الرحمن الرحیم
سوپاس و ستایش بۆ خواى گەورە وە درودو سڵاو لە سەر گیانى پێغەمبەرى خوا وە لەسەر خێزان و كەس وكارى ئیماندارو هاوەڵان و شوێن كەوتوانى تا رۆژى دوایى.
هیچ جیاوازییەك نییە لە نێوان زانایاندا كە قوربانی كردن كارێكی شەرعییە و نزیك ‏بوونەوەیەكی گەورەیە لە خوای پەروەردگار، وە دروشمێكی ئاشكرای ئاینی پیرۆزی ئیسلامە، ‏بۆیە دەبینین پێغەمبەر (‏صلى الله عليه وسلم‏) و سەلەفی صاڵەحیش زۆر گرنگییان بە ئەنجامدانی قوربانی داوە بە ‏شێوەیەك ئەو فەرموودانەی كە لە بارەی ئەنجامدان و ڕونكردنەوەی ئەحكامەكانیەوە هاتووە ‏دەگەنە پلەی (التواتر الـمعنوي) چونكە زۆر زۆرن(1)، وە پێغەمبەر (‏صلى الله عليه وسلم‏) لە سەفەریشدا قوربانی ‏ئەنجامداوە (2) وەك چۆن كاتێك لە ماڵدا بووبێت، وە ئەمانەیش هەموو بەڵگەن لە سەر گەورەیی ‏و فەزڵی ئەم كارە پیرۆزە.‏
--------------------------------------------
(1) انظر كتاب الأضاحي من الكتب الستة وغيرها من مصادر السنة النبوية.
[بیرخستنەوەیەك:] هەندێك لە موسڵمانان پرسیاری ئەوە دەكەن لەبەر چی هیچ فەرموودەیەك لە بارەی فەزڵ و گەورەیی قوربانی باس ناكرێت؟ ؟؟؟!!!‏
لە وەڵامدا دەڵێم: لە بەر ئەوەی هیچ فەرموودەیەك لەو فەرموودانەی كە لەم بارەیەوە هاتوون (صحیح) نین و هەموویان ‏‏(ضعيف) و لاوازن بەڵكو هەندێكیان (موضوع) و هەڵبەستراون، و نابێت بە هیچ شێوازێك بدرێنە پاڵ پێغەمبەری خۆشەویستمان ‏‏(‏صلى الله عليه وسلم‏).‏
قال الإمام ابن العربـي الـمالكي: (ليس في فضل الأضحية حديث صحيحٌ، وقد روى الناس فيها عجائب لـم تصح، منها قوله صلى الله عليه وسلم: "إنَّها مطاياكم إلى الـجنة") عارضة الأحوذي: (6 / 228).
واتە: هیچ فەرموودەیەكی صەحیح نییە سەبارەت بە فەزڵی قوربانی كردن، وە خەڵكی لەم بارەیەوە شتی ‏سەیروسەمەرەیان گێڕاوەتەوە كە صەحیح نین، لەوانە فەرموودەی: "قوربانیەكانتان هەڵگرتانن بەرەو بەهەشت".‏
وە بۆ زانیاریت بڕوانە بابەتـی: (فەرموودە (ضعيف) و لاوازەكانـی بابەتی قوربانی كردن) كە بۆ كۆتایی چاپی دووەمی ‏كتێبى [چۆنێتى قوربانى كردن لەسەر دەمى پێغەمبەردا صلى الله عليه وسلم ] زیاد كراوە، لاپەڕە: (63 ـ 68).‏
(2) انظر الفتح: (10 / 8)، و " الـمجموع شرح الـمهذب ": (6 / 317).
[ئەم پرسیار و وەڵامە لە كتێبی (چۆنێتى قوربانى كردن لەسەر دەمى پێغەمبەردا صلى الله عليه وسلم) وەرگیراوە لە نوسنی مامۆستا محمد عبدالرحمن]


www.ba8.org

بینێرە بۆ هاوڕێکەت
چاپکردن
ستایڵ
  • قەبارەی فۆنت
    • گەورەکردن:
    • zoomin
    • بچوک کردنەوە:
    • zoomout
  • جۆری فۆنت
    • ههەڵبژاردن:
  • ڕەنگی فۆنت
    • هەڵبژاردن:
  • بنەڕەتی کردنەوە
    • بنەرەتی
ڕێکلام