ئامادەكردنی: ناصر بن عبد الله بن دخیل الفُهید
وەرگێڕانى: مامۆستا محمد عبد الرحمن لطيف
لەم كتێبە بچووكەدا هەندێك لەو كردەوە چاك و زیكرانەی كە موسڵمان لە هەموو كاتێكدا پێویستی پێیەتی كۆكردووەتەوە ، وە تەنها فەرموودە (صەحیح و حەسەن)ـەكانم تێدا باسكردووە بە پێی ئەو (تەخریج)ـەی كە لە كۆتایی هەموو فەرموودەیەكدا روون كراوەتەوە .
وە لەبەر ئەوەی كە دونیا كێڵگەی دواڕۆژە و دروێنە كردنی بەروبوومەكانیشی لە ڕۆژی قیامەتدایە ئەوا حەق وایە ئیماندار كاتەكانی بەكاربێنێت لەوەی كە سوودی بۆی هەیە لە دونیا و دواڕۆژدا ، وە سوور بێت لەسەر كۆكردنەوەی چاكە و حەسەناتێكی زۆر زۆر لە چەندین كرداری چاكەی زۆردا لە وتە و كردەوەكان لەگەڵ ئامادەیی دڵ و هەست كردن بە گەورەیی خوای پاك و بەرز و پایەدار بۆ ئەوەی پێی بەختەوەر ببێت لە ڕۆژی قیامەتدا و تەرازووەكەیی پێ قورس ببێت .