پێشەوا و زانای گەورە و پایەدار: الشيخ مـحمد بن صالـح العُثيمين رحمهُ الله
وەرگێڕانی :محمد عبد الرحمن لطیف / وتارخوێنی مزگەوتی (شێخ إبراهیم) / كەلار
بەڕاستی لەبەرچاوگرتنی عەدل و دادوەری و پێدانی حەق و ماف بە هەموو خاوەن مافەكان ـ بەبێ زیادەڕەوی و بەبێ كەموكوڕی ـ بەشێكە لە جوانیەكانی شەریعەتی خوای گەورە ، خوای گەورە فەرمانی كردووە بە دادوەری و چاكەكاری و بەخشین بەو كەسانەی كە نزیك و خزمن ، وە پێغەمبەرانی خوا نێردراون و كتێبەكانی دابەزێنراون بە مەبەستی جێگیركردن و بەرقەراركردنی عەدل و دادوەری و كاروبارەكانی دونیا و قیامەتیش لەسەر ئەوە ڕاگیراون .