دانانی: محمد بن أحمد العماري/ ئەندامی بانگەواز و ڕێنمایی كردن لە شاری مەككەی پیرۆز
وەرگێڕانی: محمد عبد الرحمن لطیف/ وتارخوێنی مزگەوتی (شێخ إبراهیم) / كەلار
خوێنەری بەڕێز :
وەك دانەری ئەم كتێبە لە پێشەكییەكەیدا باسیكردووە دووژمنی مرۆڤەكان لە شەیتانەكان و جنۆكە یاخیبووەكان زۆرن ، هەروەها لە ژیانی مرۆڤەكاندا شتانێكی تریش هەن كە دەبنە هۆكاری ناڕەحەتی و خەمۆكیبوون و بێزاری و دڵەڕاوكێ و ترس و سامناكی و زیان و زەرەر پێگەیاندنیان كە لە زۆریاندا هەژمار ناكرێن ، بەڵام لەگەڵ ئەمانەشدا خوای گەورە هەندێك زیكر و دوعاچارە و پەناپێگرتە و ڕێوشوێن و كرداری داناوە كە دەبنە مایەی پاراستنی مرۆڤەكان لە هەموو ئەو شتانەی كە باسكران ، بەڵكو سەرەڕای ئەوەی كە هۆكاری پاراستنی مرۆڤەكانن دەشبنە مایەی دڵ ئارامی و مێشك فراوانی و بارسووكی و ئاسوودەیی و بەختەوەری دونـیـا و قیامەتیان .