كۆكردنەوە و ئامادەكردنی: مامۆستا : محمد عبد الرحمن لطیف

سوپاس و ستایش بۆ پەروەردگارى هەموو جیهان ، كە ڕازى بووە ئیسلام ئاینمان بێت ، وە كردوومانێتى بە یەك كۆمەڵ لە سەر ڕێگا ڕاستەكەى ، وە فەرمانى پێ كردوین كە براى خۆشەویستى یەكتر بین ، وە قەدەغەى كردوین لە پارچەپارچەگەرێتى و جیاوازى لە دیندا ، وە صەڵات و سەڵامى خواى گەورە لە سەر پێغەمبەرە دەست پاكەكەى بێت ، كەوا بە جێى هێشتووین لە سەر ڕێـگا و بەرنامەیەكى ئاشكراى ڕوون كە هیچ كەسێك لە دواى ئەو لێى لا نادات تەنها كەسێكى بە هیلاكداچوو نەبێت ، وە لە سەر بنەماڵە پاكەكەى و هاوەڵە پێشینە سەرەتاكانى و شوێن كەوتوانیان بە چاكە تا رۆژى قیامەت .