ســـــوود ‌و مەرجەكانی  هاوسەرگیری لـە ئیســــلامـــدا
سەردارن: 929

ئامادەكردنی: هیوا زیرەك
پێداچونەوەی: م.عدنان بارام / كەلاری

هاوسەرگیرى سیستەمێكى كۆمەڵایەتى توندوتۆڵە ، هەر لە دێرى زەمانەوە هەبووە لەو ڕۆژەى كە باوكە ئادەم و دایكە حەوامان خوڵقێنراون لە لایەن خواى پەروەردگارەوە ، و یەكەمین دوو هاوسەرێكن كە مێژووى مرۆڤایەتى ـ لە سەر گۆى زەوى ـ ناسیبێتیان 
خواى پەروەردگار فەرموویەتى:[ وَقُلْنَا يَا آدَمُ اسْكُنْ أَنْتَ وَزَوْجُكَ الْجَنَّةَ ] ( البقرة : 35 ) .
بەڵكو هاوسەرگیرى بنەوایەكە لە بنەواكانى دروست كراوەكانى خواى پەروەردگار ، هەروەك فەرموویەتى : [ وَمِنْ كُلِّ شَيْءٍ خَلَقْنَا زَوْجَيْنِ لَعَلَّكُمْ تَذَكَّرُونَ ] ( الذاريات : 49 ) .
كەواتە هاوسەرگیرى قەداسەت و پیرۆزیەكى بەرز و بڵندى هەیە ، بۆیە دەبێت هەموو كۆمەڵگایەكى چاك و دروست ڕەچاوى بكات و لەسەرى بڕوات .
ئاینى ئیسلامى پیرۆزیش گرێبەستى هاوسەرگیرێتى ، و خودى هاوسەرگیریەكەى لە بەڕێزترین گرێبەستەكان زانیوە ، ئەوەش لەبەر پەیوەست بوونى بە خودى مرۆڤەوە ، كە بەڕێزترین دروست كراوەكانى پەروەردگارە ، چونكە پێكەوە گرێدانى پیاو و ئافرەتە بە پەیوەندى سۆز و خۆشەویستى و ڕەحم بەیەكداهاتنەوە ، هەر ئەویشە ـ واتە : هاوسەرگیرێتى ـ هۆكارى خستنەوەى وەچە و نەوەیەك كە مرۆڤ ئاواتى ئەوەى لێبكات كە بۆخوا سوڵحاو و چاكەكاربن ، هەر ئەویشە هۆكارى پاراستنى دامێن لە خراپەكارى و بەد ڕەوشتى ... هتد .

داگرتنی کتێب