وەرگێڕانی: پشتیوان حسن
خوێنەری بەڕێز! زۆرجار گوێمان لە ووشەی (بردنەوە یان سەركەوتن) دەبێت و دەوترێت: فڵان خەڵاتێكی بردەوە, فڵان ئۆتۆمبیلێكی سفری بردەوە, فڵان كاسەكەی بردەوە, فڵان مەدالیاكەی بردەوە, فیسار بەپلەی یەكەم دەرچوو, یان فڵانە هەڵبژاردە و تیم لەهەڵبژاردەكەی بەرانبەری بردەوە بەگۆڵێك یان زیاتر, یان فڵان وەرزشەوان و یاریزانی بۆكسینگ بەلێدانێكی وا لێهاتووانە لەبەرانبەرەكەی بردەوە .... بەم شێوەیە ئەم ووشەیە زۆر دەدرێت بەگوێماندا كەپەیوەستە بە خەڵات وبردنەوە دونیاییەكانەوە, بەڵام كەمێكمان بەچاوی دڵی لەم ووشەیە ووردبۆتەوەو تێفكریوە لێی, و بەهیمەت وتوانستی خۆی ڕێگەی سەفەری سەركەوتن وبردنەوەی هەرەگەورەی گرتۆتەبەر كەهیچ دۆڕانێكی لەپاشەوە نیە, وە ئارەزوومەندی ئاسوودەیی وبەختەوەری نەبڕاوەیە كە هیچ ناسۆری و خەم وخەفەتێكی لەپاشەوە نایە.