كۆكردنەوە ، وئامادەكردنی: أبو مسلم مجدی بن عبدالوهاب الأحمد 
وەرگێڕانی: دایكی سوننە 
پێداچوونەوەی: مامۆستا عدنان بارام
خوێنەری بەڕێز ئەم نوسراوەی بەر دەستت نامیلكەیەكی بچوكە لە شێواز وقەبارەیدا ، بەڵام گەورە وگرانە لە ناوەڕۆك وواتایدا ، بۆ گوێ ڕایەڵان موژدە وهۆكاری جێگیر بوون و بەردەوامیە ، وە بۆ جگە لەوانیش یاد خستنەوە ، و ڕاچەڵكێنەر و سەرزنشتكارە ، نووسەر تێیدا بانگەشە بۆ ئەوە دەكات كە ئافرەتان پابەند بن بە باڵاپۆشی شەرعیەوە ، لە موسڵمانێكی ئامۆژگاری كار وخەم خۆر و بە غەیرە لە سەر شكاندنی سنور و قەدەغە كراوەكانی خوای پەروەردگار ، دەست پێكردن وسەرەتای نووسینەكەی لە سەر بنەوای باوەڕ بوونە بە خوای پەروەردگار و ڕۆژی دوای ، تیایدا هەندێك هۆكاری خستوەتە ڕوو كە ڕێگرن لەوەی كە ئافرەتان پابەند بن بە پۆشاكی شەرعیانەوە ، لەو هۆكارانەش : ڕۆشتن بەدوای خۆشی وچێژە كاتی وبڕاوەكانی دونیا ، ئارەزووە جۆراو جۆرەكانی ... هەروەها لەم نووسراوە یاد خستنەوەی تێدایە سەبارەت بە ڕۆژی دوای ، ئەو هەموو موحاسەبە ، وسزادانانەی كە چاوەڕێ‌ی تاوانباران دەكات ، وە بانگەشەش دەكات بۆ تەقوا و لە خوا ترسان ، و وەستان لە ئاست وسنوری هەموو فەرمان ، ونەهی لێكراوەكانی ، بەتایبەت ئەوانەی كە پەیوەستن بەو پۆشاكە شەرعییەی كە پێویستە لە سەر ئافرەتان لە كاتی لە ماڵا دەرچوونیان یان لە كاتی دەركەوتنیان وبەرچاو كەوتنی نامەحرەمان بیپۆشن .