تەفسیری قورئانی پیرۆز (زُبْدَةُ التَّفْسِيرْ) ( جوزئی عەممە )
سەردارن: 191

نوسینی: زانای پایەبەرز: د.محمد سلیمان عبدالله الاشقر
وەرگێڕانی: م. صلاح الدین عبدالكریم

حەمدو سەناو ستایش بۆ خوای گەورە كە یارمەتی دام خزمەتی قورئانە پیرۆزەكەی بكەم ئەویش بە وەرگێڕانی چەند جوزئێك لە تەفسیری(زبدە التفسیر) ی زانای پایەبەرز (د.محمد سلیمان عبدالله الاشقر) كە تەفسیرێكی كورت و پوخت و پاك و پڕ مانایە كە لە(فتح القدیر) ی ئیمامی( الشوكانی) وەری گرتووەو كورتی كردۆتەوە، كە لە ڕاستیدا ئێمە لەگەڵا چەند برایەكی بەڕێزدا بە دەرس دەمانخوێند، پاشان ئەو برایانە وایان بە باش زانی كە بنوسرێتەوەو بڵاو بكرێتەوە تا سودەكەی زیاتر بێت، هەرچەندە تۆماریشیان كردووەو بە تۆماركراوی دەنگیش دەس دەكەوێت بۆیە ئەركی نوسینەوەیان گرتە ئەستۆی خۆیان‌و پێی هەستان بە تایبەت برای بەڕێزم (كاك هیشام عەبدوللەتیف) كە زۆر پێوەی ماندوو بوو خوای گەورە پاداشتی خێری هەموویان بداتەوە، منیش لەپاش پێداچونەوەو پاڵفتە كردنی هەستام بە چاپ گەیاندنی بە ئومێدی ئەوەی تەنها لەبەر ڕەزامەندی خوای گەورە بێت، ‌وە خزمەت كردنێك بێت بە قورئانە پیرۆزەكەی، وە بیكات بە توێشوی قیامەتی هەموو ئەو برایانەی كە پێوەی ماندوو بوون، وە یارمەتیمان بدات بۆ وەرگێڕانی جوزئەكانی تریش لە داهاتوویەكی نزیكدا إن شا‌ء الله.
تێبینی: وەكو خۆی تەفسیرەكەم وەرگێڕاوە، وە ئەگەر شتێكم بۆ زیاد كردبێت ئەوە بە خەتێكی تۆخی جیاواز نوسیومانە تا جیا بكرێتەوە لەگەڵ وەرگێڕانەكەدا.
 

داگرتنی کتێب