نووسینی زانای فەموودەناسی سەردەم پێشەوا شێخ : ( محمد ناصرالدین الالبانی )
وەرگێڕانی : لیژنەیەك 
بە بەشداری و سەرپەرشتیكردنی: عدنان بارام كەلاری
 ڕێگە وڕێباز وسوننەتی پێغەمبەر صلى الله عليه وسلم باشترین ڕێگەو ڕێباز وسوننەت بووە لەبەڕێكردنی جەنازەدا ، بە پێچەوانەی ڕێگەو ڕێباز و سوننەتی ئوممەتانی تر ، كە چاكەكاری دەگرێتە خۆ بەرامبەر بە مردووەكە ، لە مامەڵە كردن لە گەڵیدا بەوەی كە سوودی لێ‌ وەردەگرێت لە گۆڕەكەیدا ، و ڕۆژی زیندوو بوونەوەی ، لەگەڵ چاكەكاری لەگەڵ ئەهل و كەس و كاریدا ، و لەگەڵ بەرپاكردنی ئەو پەرستشانەی كە زیندوان ئەنجامی دەدەن لەكاتی مامەڵەكردنیان لەگەڵ مردووەكەدا ، لە ڕێگەو ڕێباز و سوننەتی پێغەمبەریش صلى الله عليه وسلم لە جەنازەدا بەرپاكردنی پەرستش بووە بۆ خوای پەروەردگاری بەرز و بڵندی بە باشترین شێوەی چاكەكاری لەگەڵ مردووەكەدا ، و ئامادەكردن و بەڕێخستنی بۆ لای خوای پەروەردگار لەسەر باشترین و چاكترین شێوەی ، لەگەڵ وەستانی خۆی و هاوەڵانی ڕیز لەدوای ڕیز بۆ دەربڕینی شوكر و ستایش بۆ خوای پەروەردگار ، لەگەڵ داوای لێخۆش بونیش بۆ مردووەكە ، و داوای لێخۆش بوون و بەزەیی و لێبوردن بۆ خۆیان بە ڕێكردنیان لەبەر دەستەكانی خوای پەروەردگار تاكو بە گۆڕ نانی مردووەكە ، پاشان خۆی و هاوەڵانیشی لەبەر دەستەكانیدا ڕادەوەستن ، و داوای جێگیر بوونی بۆ دەكەن كە زیاترین شوێنێكە مردووەكە پێویستی بە پاڕانەوەیان هەبێت ، پاشان هەوڵ دەدەن جار لەدوای جار سەردانی گۆڕەكەی بكەن ، سەلامی لێ‌ بكەن ، بۆی بپاڕێنەوە ، هەروەكو چۆن لە دونیادا زیندوان سەردانی هاوەڵەكانیان دەكەن .