وەرگێڕانی بەدەستكاریەوە: دایكی سوننە
پێداچوونەوەی: مامۆستا عدنان بارام كەلاری
خوشكە ژیرەكەم : زۆرن ئەو ووتە و باسانەی كە ئاراستەی تۆی بەڕێز دەكرێن ، و بەر گوێت دەكەون ، جارێك لەبواری بیروباوەڕ، و جارێكی تر لە بواری پەروەردەدا ، یان لەبورای مافی ژن و مێردایەتی ، ... هتد ، بەڵام من ئەم جارەیان بەهۆی هاتنی مانگی پیرۆزی ڕەمەزان ـ لەم نامیلكەدا ـ دەمەوێت چەند ووتە و ئامۆژگاریەكت پێشكەش بكەم ... ووتە و ئامۆژگاریەكان ووتەی كەسێكی دڵسۆزە بەرامبەر بە خوشكی خۆی و كەسێك كە لەدواڕۆژی بەرامبەرەكەی دەترسێت و هەموو خێر و چاكە و خۆشیەكی بۆ دەوێ‌، بۆیە داواكارم بەگوێ‌ دڵ گوێبیستیان بێت و لە ژیانی ڕۆژانەتدا پیادەیان بكەیت و ڕەچاویان بكەی ، بۆ ئەوەی بەهۆیانەوە ـ بە ویست و پشتیوانی خوای پەروەردگار ـ سەركەوتوو و سەرفرازی دونیا و دواڕۆژ بێت .