كۆكردنەوەو ئامادەكردنی: صــــلاح گەرمیانی
پێداچونەوەی: مامۆستا صلاح الدین عبدالكریم
ئیماندارانی خۆشەویست: لای هەموومان ڕوون وئاشكرایە كە ئایینی پیرۆزی ئیسلام لە باشترین وپاكترین وڕاسترین ئایینەكانە لە نێوان هەموو ئاینەكانی تر كە ئێستا هەیە وخەڵك پیادەی دەكەن، ئەمەش بۆ ئەوە دەگەڕێتەوە كە دانەری ئەم بەرنامە جوانە خوای گەورەو میهرەبانە كە خۆی مرۆڤی دروست كردووە وهەرخۆیشی دەزانێت كە چی بەرنامەیەك بەكەڵكی دێت وچی بەرنامەیەش بەكەڵكی نایەت،  لەبەر ئەوەیە كەخوای پەروەردگار ئیسلامی وەك ئایین وبەرنامە بۆ ئێمەی مرۆڤـ لەسەرانسەری جیهان داناوە تاكاری پێ‌ بكەین و بەهۆیەوە لە دنیاو دواڕۆژدا بەختەوەرو ئاسودە بین، وە تەنها بە ئیسلام ڕازییە كە ئێمە پیادەی بكەین وەك بەرنامە.