نووسینی:  مامۆستا محمد عبد الرحمن لطیف 
چەندین فەرموودەی زۆرمان پێگەشتووە لە پێغەمبەری خواوە (صلى الله علیه وسلم) ، هەموویان ئەوە دووپات دەكەنەوە كە :
 گەڕانەوە بۆ لای زانایان() پارێزەرە لە تیاچوون و گومڕابوون ، چونكە زانایان میراتگری ڕاستەقینەی پێغەمبەرانـی خوان (علیهم الصلاەُ والسلام) ، هەروەكو پێغەمبەر (صلى الله علیه وسلم) فەرموویەتی :  "إنَّ العلماءَ ورثةُ الأنبياء ، وإنَّ الأنبياءَ لـمْ يورِّثوا ديناراً ولا درهماً ، وإنَّما ورَّثوا العلمَ ، فمن أخذه أخذ بحظ وافر".
واتە : زانایان میراتگری پێغەمبەرانن ، وە پێغەمبەران دینار و درهەمیان بە میرات بە جێ‌نەهێشتووە ، بەڵكو (علم و زانست)یان بە میرات بە جێ‌نەهێشتووە ، جا هەر كەسێك ئەو (علم و زانست)ـە ببات ئەوا بەشێكی زۆر لە خێری بۆ خۆی بردووە .