ئامادەكردنی: میهرەبان محمد
پێداچوونەوەی: مامۆستا محمد عبد الرحمن
    چاكێتی كچی موسڵمان گەورەترین بنەمایە بۆ پێك هێنانی كۆمەڵگایەكی چاك ، وە كچی چاكەكار هەموو لێدانێكی دڵی سۆز و بەزەیییە و لاولاوی پەیداكردنی درەوشانەوەی گەلەكەیەتی ، ئەگەر دڵی تووشی نەخۆشی تاوان بێت ئەوا لێدانی سست دەبێت و لە ئیش دەكەوێ‌ و كۆمەڵگا لەناو دەچێت و سەرناكەوێت .. وە كچی چاكەكار دەست كەوتێكی گەورەیە چونكە لە داهاتوودا دەبێتە هاوسەرێكی نموونەیی و چاك خواز ، دایك و بەخێوكەرێكی دڵسۆز بۆ نەوەكانی گەل .. وە هەموو خوڕەوشتێكی باش فێری منداڵ و خوێندكارانی دەكات.. دایك وەك قوتابخانە وایە ، ئەگەر باش و چاكەكار بێت ئەوا نەوەیەكی چاكەكار پەروەردە دەكات و بەبەرهەم دێنێت .