ئامادەكردنی: دایكی ئالا‌ء

لەچاكەی خوای گەورە بۆ نەوەی ئادەم و ڕێزلێنانی ئەوەیە كەهاوسەرگیری بۆ داناون و كردوویەتی بەبەخشینێك بەسەر بەندەكانییەوە: {ۆوَلَقَدْ أَرْسَلْنَا رُسُلاً مِّن قَبْلِكَ وَجَعَلْنَا لَهُمْ أَزْوَاجًا وَذُرِّيَّةً} (سورە الرعد:38).
واتە: لەپێش تۆوە ئەی موحەممەد (صلى الله علیه وسلم) چەندەها پێغەمبەرمان ناردووە وەخێزان و نەوەیشمان پێ‌ بەخشیون.
ئەم شتەی لەبواری بەخشش دەرخستنی فەزڵ و چاكەی خوای گەورە بەسەریانەوە باس كردووە.. ئیسلام هاوسەرگیری پێ‌ خۆشەو هانی خەڵكی دەدات لەسەری و بەیەكێك لەنیشانەكانی خوای داناوە: {وَمِنْ آيَاتِهِ أَنْ خَلَقَ لَكُم مِّنْ أَنفُسِكُمْ أَزْوَاجًا لِّتَسْكُنُوا إِلَيْهَا وَجَعَلَ بَيْنَكُم مَّوَدَّةً وَرَحْمَةً إِنَّ فِي ذَلِكَ لَآيَاتٍ لِّقَوْمٍ يَتَفَكَّرُونَ} (سورە الروم: 21).
واتە: یەكێك لەنیشانەكانی خوای گەورە ئەوەیە كەلەخۆتان ئافرەتی بۆ دروست كردوون (مەبەست حەوایە كەلەپەراسووی ئادەم دروست كراوە) بۆ ئەوەی ببن بەهۆی پشوو و ئارامی بۆ پیاوان، وەسۆزو بەزەیی و خۆشەویستی خستۆتە نێوانتانەوە، بەڕاستی لەم شتەدا چەندەها نیشانەی گەورەیی خوای گەورەی تێدایە بۆ كەسانێك كەبیربكەنەوە.