لەم بارەیەوە خوای گەورە دەفەرمووێ :‏ [وَلَا تَجَسَّسُوا]الحجرات: ١٢‏‎

واتە: « بەدوای عەیب‌و عاری یەكتردا مەگەڕێن‌و جاسوسی‌و سیخوڕی ‏بەسەریەكتریەوە مەكەن ».‏
‏«عبدالله»ی كوڕی«عباس» لە پێغەمبەرەوە‏ صلى الله عليه وسلم‏ دەیگێرێتەوە كە ‏فەرموویەتی:‏‏‏« مَنْ تَسَمَّعَ حَدِيثَ قَوْمٍ, وَهُمْ لَهُ كَارِهُونَ, صُبَّ فِي أُذُنَيْهِ اَلْآنُكُ يَوْمَ ‏اَلْقِيَامَةِ ».‏‏ واتە: «هەركەسێ گوێ بگرێ‌ لە قسەی كۆمەڵێك كە پێیان ناخۆش بێ ‏گوێ لە قسەكەیان بگیرێ، ئەوا قوڕقۆشمی تواوە دەكرێتە گوێیەكانی لە ڕۆژی ‏قیامەتدا »(1‏ ‏).‏
جا ئەگەر گوێگرەكە قسەو باسەكەیانی گێڕایەوەو گەیاندیە شوێنێكی تر بۆ ‏ئەوەی دووچاری زەرەرو زیانیان بكات، لەكاتێكدا ئەوان ئاگایان لە گوێ‌ گرتنی ‏ئەم نەبوو بێ‌و نەیان زانی بێ كە ئەم كەسە گوێبیستی قسەكانیان بووە، ئەوا ‏ئەم گوێ‌گرە سەرەڕای ئەوەی تاوانی سیخوڕی كردنەكەی لەسەرە، تاوانی ‏قسەهێنان‌و بردنەكەشی لەگەردنە‌و، دەچێتە ژێر ئەو فەرموودەوە كە ‏پێغەمبەر صلى الله عليه وسلم‏‏ دەفەرموێ :‏ ‏‏« لَا يَدْخُلُ الْجَنَّةَ قَتَّاتٌ ».‏ ‏ واتە: « ئەو كەسەی دوو زمانی بكات لە نێوان خەڵكی دا‌و قسەكانیان ‏بگوازێتەوە بە مەبەستی تێكدانی نێوانیان، ئەوا ناچێتە بەهەشتەوە »(‏2 ‏).‏
===========================
1- رواه الطبراني في الكبير 11/248-249 وهو في صحيح الجامع 6004 والآنك هو الرصاص المذاب.‏
2- رواه البخاري فتح 10/472 والقتات الذي يستمع إلى حديث القوم وهم لا يشعرون به.‏