یەکەم: قەزا کردنەوەی ئیعتیکافی سوننەت:
گەر کەسێک بێ ئەوەی نەزری کردبێت ئیعتیکافی بکات ، ودواتر گەر ئیعتیکافەکەی هەڵوەشاندەوە دوای چوونە نێویەوە ؛ ئەوا باش وایە قەزای بکاتەوە بەڵام واجب نی یە ، ئەوەش مەزهەبی شافعی ، وحەنبەلیەکانە ، وبۆچوونێکیشە لای حەنەفیەکان.
دووەم: قەزا کردنەوەی ئیعتیکافی کەسێک نەزری کردبێت ئیعتیکاف بکات:
هەرکەسێک نەزر بکات لەسەر خۆی ئیعتیکاف بکات ، پاشان ئیعتیکافەکەی هەڵوەشاندەوە ، یاخود بەتاڵی کردوە ، ئەوا پێویستە لەسەری قەزای بکاتەوە ، هەریەک لە: ابنُ رُشدٍ، والزُّرقاني، وابنُ قاسمٍ کۆدەنگی زانایانیان لەم بارەیەوە نەقڵ کردووە.
سێیەم: قەزا کردنەوەی ئیعتیکافی واجب لەبری مردوو:
هەرکەسێک بمرێت ونەزری کردبێت لەسەر خۆی ئیعتیکاف بکات وئیعتیکافی نەکردبێت پێش مردنی ؛ زانایان جیاوازن لەبارەی ئەوەی ئایا باش وایە ئەو ئیعتیکافەی بۆ قەزا بکرێتەوە یاخود نا ودوو بۆچوونیان هەیە:
بۆچوونی یەکەم : سوننەت و باش نی یە کەس وکارەکەی بۆی قەزا بکەنەوە ، وخواردن لەبری دەدرێت گەر وەسیەتی کردبێت ، ئەوەش مەزهەبی جمهوری زانایانە لە: حەنەفی ، ومالکی ، شافعیەکان.
بۆچوونی دووەم : باش وایە کەس وکارەکەی ئەو ئیعتیکافەی بۆ بگرنەوە ، ئەوەش بۆچوونی حەنبەلیەکانە ،وقسەی شافعیەکانیشە ، و ابنُ عُثَيمين ئەم بۆچوونەی هەڵبژاردووە.
