یەكەم: پێناسەی نوێژ
 نوێژ لە ڕووی زمانیەوە واتە دوعا.
 نوێژ لە ڕووی زاراوەی شەرعیەوە بریتیە لە پەرستشێك بۆ خوا كە پێك هاتووە لە چەند گوفتار و كردارێكی تایبەت،كەبە الله أكبر دەست پێ دەكات و بە سەلام دانەوە كۆتایی پێ دەهێنرێت.

 دووەم: گرنگی و فەزڵی نــوێـژ
1.    نوێژ گرنگترین پایەی ئیسلامە لە دوای شایەتومان.
2.    خوای گەورە لەهەموو حاڵەتێكدا هەر فەرمانی بە ئەنجامدانی نوێژ كردووە, لە سەفەر و شوێنی خۆت ولەكاتی شەڕ و ئاشتی و لەكاتی نەخۆشی ولەشساغیشدا.
3.    نوێژ دوا وەسیەتی پێغەمبەری خوایە صلى الله علیه وسلم بۆ ئوممەتەكەی.
4.    نوێژ لە شەریعەتی هەموو پێغەمبەرانە.
5.    نوێژ هەرەكۆڵەكەی دینە و بەو نەبێ ڕاناوەستێ.
6.    نوێژ رێگری دەكات لە خراپە وفاحیشە.
7.    نوێژ سڕەرەوەی تاوان و گوناهەكانە.
8.    زۆر نوێژكردن دەبێتە هۆی ئەوەی لەگەڵ پێغەمبەری خوادا صلى الله علیه وسلم بیت لە بەهەشتدا.