یەكەم: حوكمی نوێژ
پێنج نوێژەكە فەرزە لەسەر هەموو تاكێكی موسڵمانی پێگەیشتوو، و هەریەك لە زانایانی وەكو ابن حەزم وابن روشد ونەوەوی و ابن تیمیە یەكدەنگی زانایانیان لەوبارەیەوە گواستۆتەوە.
دووەم: حوكمی نوێژنەكەرێك كە باوەڕی بە واجبێتی نوێژ نەبێت
ئەوەی نوێژ نەكات و باوەڕی بە واجبێتی نوێژ نەبێت ئەوا كافر دەبێت، و هەریەك لە زانایانی وەكو : ابن عبدالبر و نەوەوی و ابن تیمیە یەكدەنگی زانایانیان لەوبارەیەوە گواستۆتەوە.
سێیەم: حوكمی ئەو نوێژنەكەرەی كەلەبەر تەمبەڵی وكەمتەرخەمی نایكات
ئەو كەسەی كە بەهیچ شێوەیەك نوێژ ناكات بەهۆی تەمبەڵی و گوێ پێنەدانەوە ئەوا كافر دەبێت ولەدین دەردەچێت وئەمەش مەزهەبی حەنبەلیەكانە (1)، وە بۆچوونێكیشە لای شافعیەكان و ووتەیەكیشە لای مالیكیەكان و كۆمەڵێك لە سەلەفیش ئەم قسەیەیان كردووە ، و بۆچوونی زۆرینەی فەرموودەناسانە و بۆچوونی ابن تیمیە وابن القیم و وتەی پەسەندكراوی ابن عوسەیمینیشە.
چوارەم: سزای نــوێـژنەكەر
نوێژنەكەر دەكوژرێت و ئەمەش بۆچوونی زۆرینەی زانایانە (2) لە مالیكی و شافعی و حەنبەلیەكان.
(1) مەزهەبی حەنبەلیەكان ئەوەیە كە ئەگەر كەسێك پاش ئەوەی ئیمام بانگهێشتیشی دەكات بۆ نوێژ كەچی ئەو نایەت هەتا كاتەكەی دەڕوات و كاتی نوێژی دووەم دێت ئەوا كافر دەبێت, جا ئەگەر هەموو نوێژەكان نەكات ئەوا بێگومان كافرو بێباوەڕ دەبێت.
(2) لەگەڵ راجیاوازیەك لەنێو هەڵگران وپەیڕەوكارانی ئەم مەزهەبەش بەوەی كە ئایا وەكو هەڵگەڕاوە دەكوژرێت یان وەكو حەدێك؟مالیكی و شافعیەكان لەگەڵ ئەوەدان كە وەكو حەد دەكوژرێت و حەنبەلیەكانیش لەسەر ئەوەن كە وەكو هەڵگەڕاوە وكافر دەكوژرێت.
