بەشی یەكەم : پێناسەی سوجدەی سەهو وە حوكمەكەی ولەسەر كێ واجبە
بەروار: 2022/09/16سەردارن: 48نوسەر: دامەزراوەى (الدُّرر السَّنية) ، وەرگێڕانی : ستافی ماڵپەڕى بەهەشت

یەكەم: پێناسەی سوجدەی سەهو
سوجدەی سەهو: گوزارشتە لە دوو سوجدە كە نوێژخوێن دەیانبات لەپێناو پڕكردنەوەی ئەو ناتەواویەی كە روویداوە لەنوێژەكەیدا بەهۆی سەهوكردنەوە.

دووەم: حوكمی سوجدەی سەهو
سوجدەی سەهو بەشێوەیەكی گشتی واجبە و ئەوەش صحیحە لای حەنەفیەكان و حەنبەلیەكان  و وتەیەكیشە لای مالیكیەكان و وتەی سەوری و ابن المونزیر وابن حەزم و وتەی پەسەندكراوی ابن تیمیە وابن باز و ابن عوسەیمینە.
پێشەوا ابن رجب دەڵێت: پێشەوا ئەحمەد واجبی كردووە لەكاتێكدا ئەگەر كەسێك شتێكی ئەنجام دابێت لەنوێژەكەیدا كە ئەگەر بەئەنقەست بێت نوێژەكە بەتاڵ دەكاتەوە , بەڵام ئەگەر نوێژەكە بەتاڵ نەكاتەوە ئەوا واجب نییە وەكو نەكردنی سوننەتەكان و زیادەكردنی زیكرێك جگە لەشوێنی خۆی جگە لەسەلام دانەوە. (فتح الباری 515/6).

سێ یەم: كێ‌ بۆ سەهو سوجدە دەبات
سوجدەی سەهو بۆ ئیمامە و ئەو كەسەشی كەبەتەنها نوێژ دەكات و إسحاقی كوڕی راهەوی وابن روشد و ابن قدامە ونەوەوی یەكدەنگیان لەسەری هێناوە.

چوارەم: سوجدەی سەهو بۆ كەسی واسواس
ئەو كەسەی كە واسواس و ڕارایە بۆ خۆی ئەوا بەهۆی وەسوەسەوە سوجدەی سەهو نابات و ئەمەش بە یەكدەنگی هەرچوار مەزهەبە فیقهیەكە.