یەكەم: ژمارەی سوجدەكان
سوجدەی سەهو دوو سوجدەیە والمناوی وشمس الدین حەتتابیش لە البساگی یەوە یەكدەنگیان لەسەری گێڕاوەتەوە.
دووەم: چۆنێتی سوجدەی سەهو
سوجدەی سەهو هەروەكو سوجدەی ناو نوێژە لەڕووی شێواز و زیكرەوە و ئەمەش لای شافعیەكان و حەنبەلیەكان دەقی لەسەر هاتووە و وتەی ابن باز و ابن عوسەیمینشە.
سێ یەم: تەحیات لەدوای دوو سوجدەكەی سەهو
تەحیات خوێندن دوای بردنی هەردوو سوجدەی سەهوو نییە و ئەمەش مەزهەبی شافعیەكان و وتەیەكیشە لا ی مالیكیەكان و حەنبەلیەكان و وتەی پەسەندكراوی ابن تیمیە و ابن باز و ابن عوسەیمینە.
چوارەم: سەلامدانەوە دوای سوجدەی سەهو
سەلام دانەوە لە سوجدەی سەهو شەرعیە ورێگەپێدراوە و ئەمەش بە یەكدەنگی هەرچوار مەزهەبە فیقهیەكە.
پێنجەم: وتنی الله أكبر بۆ سوجدەی سەهو
وتنی الله أكبر بۆ سوجدەی سەهو وە بەرزبوونەوە لێی شەرعیە و رێگەپێدراوە و نەوەوی و ابن رجب یەكدەنگیان لەسەری هێناوە.
شەشەم: شوێنی سوجدەی سەهو پێش سەلام دانەوەیە یان پاش سەلام دانەوە؟
زانایان لەسەر ئەو بابەتە راجیاوازن بۆ دوو بۆچوون:
بۆچوونی یەكەم: ئەگەر بەهۆی كەمكردنەوە سوجدەی سەهوی برد ئەوا پێش سەلام دانەوە دەیبات و ئەگەر بەهۆی زیادەكردنەوە بووبێت ئەوا دوای سەلام دانەوە دەیبات و ئەمەش مەشهورە لای مالیكیەكان و وتەیەكیشە لای شافعیەكان و ریوایەتێكیشە لای ئەحمەد و وتەی ابن المونزیر و وتەی پەسەندكراوی ابن تیمیە و ابن عوسەیمینە.
بۆچوونی دووەم: شوێنی سوجدەی سەهو بریتیە لە پێش سەلام دانەوە, مەگەر پێش تەواوكردنی نوێژەكەی سەلامی دابێتەوە یان لەسەر گومانی زۆری بونیادی نابێت و ئەمەش مەزهەبی حەنبەلیەكان و وتەی ابن بازە.
