یەكەم: گومان لە ژمارەی ركاتەكان
زانایان راجیاوازن سەبارەت بەنوێژخوێنێك كەبە گومان بێت دەربارەی ژمارەی ركاتەكان, وەكو ئەوەی دوودڵ بێت لە نوێژێكی چوار ركاتی بەوەی كە سێی كردووە یان چوار, دوو بۆچوون هەیە:
بۆچوونی یەكەم: ئەگەر نوێژخوێن بە گومان بوو لە نوێژی چوار ركاتی بەوەی كە سێی كردووە یان چوار ئەوا یەك ركاتی تر دەكات و سوجدەی سەهو دەبات و كار بە گومانە زۆرەكەی ناكات وئەمەش مەزهەبی زۆرینەیە: مالیكیەكان وشافعیەكان و حەنبەلیەكان.
بۆچوونی دووەم: ئەگەر نوێژخوێن بە گومان بوو لە نوێژی چوار ركاتی بەوەی كە سێی كردووە یان چوار ئەوا بیردەكاتەوە بە مێشكی خۆی دەگەڕێت بۆ دۆزینەوەی راستیەكە ویەكلاییكردنەوەی, خۆ ئەگەر بۆی دەركەوت و زانی ئەوا كاری پێ دەكات, ئەگەرنا ئەوا كار بە یەقین و دڵنیایی دەكات كە كەمەكەیە ( واتە سێ ركات) وئەمەش مەزهەبی حەنەفیەكان و وتەی پەسەندكراوی شەوكانی وابن عوسەیمینە.
دووەم: ئەگەر دوای سەلام دانەوە كەوتە گومانەوە و دوودڵ بوو
بەگومان بوون دوای سەلام دانەوە هیچ كاریگەری نابێت لەسەر نوێژەكە وئەمەش مەزهەبی زۆرینەیە: حەنەفیەكان و شافعیەكان (مشهور) و حەنبەلیەكان و وتەیەكیشە لای مالیكیەكان.
