چپەكردنی دووكەس گەر سێیەم ئامادەبێ
بەروار: 2012/04/23سەردارن: 2273نوسەر: باوکی فیردەوس سەنگاوی

ئەمەش یەكێكە لە بەڵاو نەهامەتی‌و نەگبەتیەكانی كۆڕ‌و مەجلیسەكان، یەكێكە لە ڕێگاو ڕێچكەو هەنگاوەكانی شەیتان بۆ دروست كردنی تەفرەقەو لێك جیاكردنەوەی موسڵمانان‌و پڕكردنی دڵ‌و دەرونیان بەخشم قین بەرامبەر بەیەكتر .
وە پێغەمبەر صلى الله عليه وسلم حیكمەت‌و هۆكاری حەرامێتی ئەم كارەی بۆمان ڕوون كردۆتەوەو دەفەرموێ: « إِذَا كُنْتُمْ ثَلاَثَةً، فَلاَ يَتَنَاجى رَجُلاَنٍ دُونَ الآخَرِ حَتَّى تَخْتَلِطُوا بِالنَّاسِ أَجْلَ أَنْ يُحْزِنَهُ ». رواه البخاري انظر فتح الباري 11/83 واتە: « ئەگەر هاتوو سێ كەس بەیەكەوەبوون با دوانتان پێكەوە چپە نەكات‌و سێیەم وەلانێن، هەتاوەكو تێكەڵی خەڵكی تردەبن، چونكە ئەوكارە كەسی سێیەم غەمبار دەكات »
بەهەمان شێوە ئەگەر چواركەس بوون نابێ سیانیان چپە بكەن پێكەوە‌و چوارەم وەلانرێ.
بەهەمان شێوە دروست نیە‌و حەرامە ئەگەر دووكەس پێكەوە قسە بكەن بەزمانێك كەسی سێیەم تێنەگات‌و لێی حاڵی نەبێ.
گومانی تیدانیە كە چپە كردنی دووكەس جۆرێك لە بێڕێزی نواندنە بەرامبەر كەسی سێیەم‌و بەسوك تەماشا كردنییەتی، یان گومانی خراپ لە دڵی كەسی سێیەم دا دروست دەبێ وەكو گومانی ئەوە ببات كە ئەمان دەیانەوێ‌ خراپەیەك وكارێكی ناڕەوای بەرامبەر بكەن و شتی لەوجۆرە .

بابەتەکانی تر