بانگەوازێك لەدڵەوە.... پێـش پەشیمانی
بەروار: 2012/06/06سەردارن: 4026نوسەر: ستافی ماڵپەڕ

بانگەوازێك بۆ لێپرسینەوە لەگەڵ خۆدا, ڕۆژگارەكان تێدەپەڕن وپەڕەكان دەپێچرێنەوەو ساڵەكانیش یەك لەدوای یەك دێن, هەموو یەكێك لەئێمە دەتوانێت لێپرسینەوە لەگەڵ خۆیدا بكات پێش ئەوەی لێپرسینەوەی لەگەڵدا بكرێت وكات لەساڵە تێپەڕبووەكانی تەمەنی ببردایە بۆ ئامۆژگاری وپەندو چاودێری خودا بەسەریەوە, ئەوە ڕۆژگارە ڕادەكات وبەوشێوەیە دەڕوات بەبێ‌ ئەوەی هەستی پێبكەین مەگەر لەسەرەتای ساڵەوە نەبێت یان سەرەتای مانگ یان جەژن.
وە پرسیاری هەرە گرنگ ئەوەیە كە چیمان ئامادەكردووە بۆ گەشتی كۆتایی؟ چیمان پێش خستووە بۆخۆمان بۆئەوەی بیبینینەوە لای خوا بەباشترین پاداشت وباشترین ئومێد؟ ئەبێ‌ چی لەپەڕەكانی ژیانمان تۆماركرابێ‌؟ چ توێشوویەكمان ئامادەكردووە بۆ ئەو گۆڕەی كە دوانشینگەمانە ....؟
ئایا لەبیری دواڕۆژداین؟ ئایا شتێكمان لە قورئان خوێندووە؟ ئایا خوومان گرتووە بە خوێندنی ویردوزیكرەكانی دوای نوێژەكان؟ وەیاخود لەنوێژدا خشوعمان هەیە؟ داوای بەهەشتمان كردووە؟ پەنامان گرتووە لەئاگر؟ ئایا داوای لێخۆشبوون دەكەین ڕۆژانە لەتاوانەكانمان؟ چونكە هەموو ڕۆژێك تاوان دەكەین بەڵام هەموو ڕۆژێك داوای لێخۆشبوون دەكەین؟
ئایا دووركەوتوینەتەوە لەهەموو ئەوشتانەی كە خوا تووڕەدەكات؟ ئایا بیرمان كردۆتەوە لە وازهێنان ودوورگرتن لەهاوڕێی خراپ؟ ئایا دڵەكانمان پاك كردۆتەوە لە ڕق وكینەو حەسوودی وكیبر وزمانیشمان لەغەیبەت وفیتنەیی ودرۆ؟ ئایا وازمان هێناوە لەسەیركردنی نامەحرەم وئەوشتەی خوا تووڕە دەكات؟ وەیاخود وازمان هێناوە لە گوێگرتن لەگۆرانی ومۆسیقاو ئەو شتەی خوا حەرامی كردووە؟ ئایا فەرمانمان بەچاكەكردووەو نەهیش لە خراپە؟ ئایا شتەبەنرخ وخۆشەویستەكانمان بەخشیوە لەپێناو سەرخستنی دینی خوا وبڵاوكردنەوەی؟ وە ئایا....ئایا....ئایا....؟
بەڕێزان ئەمانەوچەندینی تر كۆمەڵە پرسیارێكی هەنووكەیین هەموومان دەگرێتەوە -تەنانەت تۆیش كە ئێستا دەیخوێنیتەوە-, ئەم پرسیارانە وەكو پرسیارەكانی تر نیـن چونكە بەبەڵێ‌ ونەخێر وەڵام نادرێنەوە, بەڵكو وەڵامەكانیان بریتیە لە كردەوە, جا پێوستە لەسەر هەموومان ڕۆڵی پاك كردنەوەی دەروون وگوفتارو ڕەفتاری خۆمان و نزیكەكانمان و خەڵكی تر ببینین بەو شێوەیە كۆمەڵگە پاك وئاسوودە دەبێت گەر دەتەوێت.