هەندێ كەس بە ئەنقەست هەوڵدەدات بۆ دروست كردنی خەونێك كە نەیبینیوە، بۆ بەدەست خستنی چاكەیەك یان بۆ باسكردنی‌و ناودەركردنی لەناو خەڵكیدا یان بۆ ڕاكێشانی قازانجێكی دونیای یان بۆ ترساندنی كەسێك كە دوژمنایەتی هەیە لەگەڵیدا، یان بۆ شتی تر.
وە زۆرێك لە خەڵكانی ئاسایی باوەڕو قەناعەتێكی بێ ئەندازەیان بە خەون هەیە‌و دڵیان زۆر پێوەی پەیوەستەو زۆر هۆگرن بۆی، بۆیە بەو درۆودەلەسانەش تێدەكەون‌و هەڵدەخەڵەتێن.
هەرەِشەی سەخت‌وگران كراوە لەكەسێ كە خەون بە درۆ باسكات .
هەروەك پێغەمبەرەوە صلى الله عليه وسلم دەفەرموێ: « إِنَّ مِنْ أَعْظَمِ الْفِرَى أَنْ يَدَّعِيَ الرَّجُلُ إِلَى غَيْرِ أَبِيهِ أَوْ يُرِيَ عَيْنَهُ مَا لَمْ تَرَ أَوْ يَقُولُ عَلَى رَسُولِ اللَّهِ صَلَّى اللَّهُ عَلَيْهِ وَسَلَّمَ مَا لَمْ يَقُلْ ». رواه البخاري انظر الفتح 6/540 واتە: « گەورە ترین درۆ هەڵبەستن ئەوەیە: پیاوێك بە ناوی باوكێكی ترەوە بانگ بكرێ جگە لەباوكی خۆی، یان خەونێك بگێڕێتەوە كە بە چاو نەیبینی بێ، یان بڵێ پێغەمبەر صلى الله عليه وسلم وای وتووەو نەی فەرموو بێ »
وەهەروەها دەفەرموێ :-« مَنْ تَحَلَّمَ بِحُلْمٍ لَمْ يَرَهُ كُلِّفَ أَنْ يَعْقِدَ بَيْنَ شَعِيرَتَيْنِ وَلَنْ يَفْعَلَ ». رواه البخاري انظر الفتح 12/427
واتە: « هەركەسێ خەونێ بگێڕێتەوە كە نەبینی بێ، ئەوا لە قیامەت دا داوای لێ ئەكرێ دوو دەنكە جۆ پێكەوە گرێ بدات، وە ناشتوانێ »
بەیەكەوە بەستنی دوو دەنكە جۆ كارێكی مەحاڵە‌و ئەستەمە، بۆیە سزاكەی بەگوێرەی كردارەكەیەتی.
