واتە: خودایە نێوان خۆم و ھەڵە و تاوانەکانم دوور بخەرەوە، ھەروەکو چۆن نێوان ڕۆژ ھەڵات و ڕۆژ ئاوات دوورخستۆتەوە، خودایە پاکم بکەرەوە لە گوناھەکانم، ھەر وەکو چۆن پۆشاکی سپی لە چڵک و پیسی پاک دەبێتەوە، خودایە لە ھەڵە و تاوانەکانم بمشۆ بە بەفر و ئاو و تەرزە.

واتە: خودایە پاکی و بێگەردی و سوپاس و ستایش بۆ تۆیە، ھەروەھا ناوەکانت زۆر پیرۆز و گەورەن، بەرز و بڵندە گەورەیت، ھیچ پەرستراوێکیش نییە، کە شایستەی پەرستن بێت، جگە لە تۆ.

واتە: من ڕومکردە ئەو زاتەی، کە ئاسمانەکان و زەوی بەدی ھێناوە، لەھەموو ھاوەڵ بۆ دانان و کارێکی پڕ و پوچ و بەتاڵیش لامدا و ڕووم تەنیا لە تەوحید و یەک خودا پەرستی کرد، من لەو کەسانەش نیم، کە ھاوبەشی بۆ دابنێم، بەڕاستی نوێژ و (پەرستش و قوربانی و حەج) و ژیان و مردنم ھەمووی ھەر بۆ خودای پەروەردگاری جیھانیانە، خودایە تۆی پادشایت و ھیچ پەرستراوێک نییە، کە شایەنی پەرستن بێت، جگە لە تۆ نەبێت، خودایە تۆ پەروەردگارمیت و منیش بەندەی تۆم، دان دەنێم بەوەی، کە من ستەمم لە خۆم کردووە و کەسێکی تاوانبارم، کەواتە خودایە لە گشت تاوانەکانم خۆش ببە، چونکە بەڕاستی ھیچ کەسێک لە تاوانەکان خۆش نابێت، جگە لە تۆ نەبێت، ڕێنومونیم بکە بۆ جوانترینی ڕەوشتەکان، ھیچ یەکێکیش ڕێنمونی ناکات بۆ باشترینی ڕەوشتەکان، جگە لە تۆ نەبێت، کارە خراپەکانم لێ دوور بخەرەوە، ھیچ کەسێکیش کارە خراپەکانم لێ دوور ناخاتەوە، جگە لە تۆ نەبێت، من لە پێناوتدام و وەڵامت دەدەمەوە و گوێڕایەڵتم و شوێن ئاینەکەشت دەکەوم، خێر و چاکە بەدەستی تۆیە و خراپەش نادرێتە پاڵ تۆ ، من پشت و پەنام بە تۆیە و بۆ لای تۆش دەگەڕێمەوە, پاکی و بێگەردی و بەرز و بڵندی بۆ تۆیە، داوای لێخۆشبوونت لێدەکەم و بۆلاتیش دەگەڕێمەوە.

واتە: خودایە پەروەردگاری جیبرائیل و میکائیل و ئیسرافیل، بەدیھێنەری ئاسمانەکان و زەوی، زانا بە نھێنی و ئاشکراکان، تۆ فەرمان و حوکم دەکەیت لە نێوان بەندەکانتدا لەو شتانەی کەوا جیاوازییان تێدا ھەیە، ڕێنموونیم بکە بۆ ئەو ڕاستییەی، کە خەڵکی جیاوازییان تێدا ھەیە بە فەزڵ ئاسانکاری خۆت، بەڕاستی ھەرکەسێک تۆ بتەوێت ڕێنموونی دەکەیت بۆ ڕێگای ڕاستی خۆت.

واتە: بەڕاستی خودا لە ھەموو گەورەیک گەورەترە، خودا لە ھەموو گەورەیەک گەورەترە، خودا لە ھەموو گەورەیەک گەورەترە، سوپاس و ستایشی زۆریش بۆ ئەوە، سوپاس و ستایشی زۆریش بۆ ئەوە، سوپاس و ستایشی زۆریش بۆ ئەوە، پاکی و بێگەردی بۆ ئەوە لە بەیانیان و ئێواراندا. پەنا دەگرم بە خودا لە شەیتان، ھەروەھا لە خۆ بەگەورە زانین و ھۆندراوەی خراپ و شێتبوون.

واتە: خودایە سوپاس و ستایش بۆ تۆ، تۆی ڕوناکی ئاسمانەکان و زەوی و ئەوەیش، کە تێیاندایە، سوپاس و ستایش بۆ تۆ و تۆی ھەڵسوڕێنەری ئاسمانەکان و زەوی و ئەوەیش، کە تێیاندایە، سوپاس و ستایش بۆ تۆ و تۆی پەروەردگاری ئاسمانەکان و زەوی و ئەوەیش، کە تێیادایە، سوپاس و ستایش بۆ تۆ و بۆ تۆیە سامانی ئاسمانەکان و زەوی و ئەوەیش، کە تێیاندایە، سوپاس ستایش بۆ تۆو تۆی پادشای ئاسمانەکان و زەوی، سوپاس و ستایش بۆ تۆ، خودایە تۆ ڕاستیت و بەڵێنەکانت ڕاستن و گوتەکانت ڕاستن و گەیشتن پێت ڕاستە و بەھەشت ڕاستەء دۆزەخ ڕاستە و پێغەمبەران ڕاستن و محمد () ڕاستە و ڕۆژی دوایش ڕاستە، خودایە ملکەچی تۆبووم و پشتم بە تۆ بەست و باوەڕم پێت ھێنا و بۆ لای تۆ گەڕامەوە و بە پشتیوانی تۆ بەرپەرچی دوژمنانم دەدەمەوە و حوکمەکانیش دێنمەوە بۆلای تۆ، لێم خۆش ببە لەو گوناھانەی، کە لە پێشوودا کردوومە و ئەوانەشی، کە لە داھاتوودا دەیکەم و ئەوانەشی، کە بە نھێنی و بە ئاشکرا کردوومە، تۆ پێشخەریت و تۆ دواخەریت و ھیچ پەرسراوێکیش نییە کە شایستەی پەرستن بێت جگە لە تۆ نەبێت، تۆ پەرستراومیت و ھیچ پەرسراوێک نییە، کە شایستەی پەرستن بێت جگە لە تۆ.