واتە: خودایە پەروەردگاری حەوت ئاسمانەکان و پەروەردگاری عەرشی گەورە، پشتیوانم ببە لە دژی فڵانی کوڕی فڵان و دار و دەستەو کۆمەڵەکەی لە دروستکراوەکانت، لەوەی کە یەکێکیان زاڵ ببێت بە سەرمدا و ئازارم بدات، یان زیادە ڕەوی بکات بەرامبەرم، بەڕاستی بەھێز دەبێت ئەوەی کە پەنات پێ بگرێت، گەورە و پیرۆزە ستایش کردن لە سەرت و ھیچ پەرستراوێکیش نییە، کە شایستەی پەرستن بێت، جگە لە تۆ.

واتە: خودا گەورەتر و بەھێزترە لە ھەموو دروست کراوەکانی، خودا بەھێزترە لەوەی کە من لێی دەترسم و سڵی لێ دەکەم، پەنا دەگرم بەو خودایەی کە ھیچ پەرستراوێک نییە شاییستەی پەرستن بێت جگە لەو، کە ڕاگیر کاری ھەر حەوت ئاسمانەکانە تا نەکەون بە زەویدا بە ڕێ پێدان و ئیزنی خۆی، لە زەرەر و زیانی بەندەکەت فڵانە کەس، ھەروەھا دەستە و شوێنکەوتوان و کۆمەڵەکەی لە جنۆکە و مرۆڤ، خودایە ببە بە پارێزەرم لە شەڕ و خراپەیان، ستایشت پیرۆز و گەورەیە و بە ھێزیشە ئەوەی کە پشت بە تۆ ببەستێت و پیت و بەرەکەتی ناوەکانیشت زۆر و گەورەیە و ھیچ پەرستراوێکیش نییە، کە شایستەی پەرستن بێت، جگە لە تۆ.