ماڵپەری بەهەشت

بەشە سەرەکیەکان
پرسیار و وەڵامی شەرعی
ئاماری ماڵپەڕ




ڕێکلام
پارە دان بۆ سەرفترە دروست نییە و دەبێت تەنها خواردن بدرێت نەك پارە

سوپاس و ستایش بۆ ئەو خوایەی كە زەكاتی سەرفترەی واجب كردووە لە سەر موسوڵمانان لە مانگی ڕەمەزانی پیرۆزدا، وە صەڵات و سەلامی لە سەر ئەو پێغەمبەرە خۆشەویستە بێت (صلى الله عليه وسلم) كە چۆنێتی سەرفترە دانی بۆ ئوممەتەكەی ڕوون كردووەتەوە بە جوانترین شێواز.
سەرفترە دان لە سەردەمی پێغەمبەردا (صلى الله عليه وسلم) بە خواردن و قوتی ئەو سەردەمە دراوە نەك بە پارە، وە لە مەزهەبی ئیمامی (شافعی)دا پەیڕەوی سوننەتی پێغەمبەر (صلى الله عليه وسلم) كراوە تیایدا و دەبێت تەنها خوارن بدرێت بە سەرفترە و پارە نابێت و دروست نییە.
بەڵگە و دەلیل لە سەر ئەمە:
عن أبي سعيد الـخدري (رضي الله عنه) قال: ((كنا نُخڕج إذ كان فينا رسول الله (صلى الله عليه وسلم) زكاةَ الفطر عن كل صغير وكبير حر أو مملوك: صاعاً من طعام أو صاعاً من أقط أو صاعاً من شعير أو صاعاً من تـمر أو صاعاً من زبيب)) صحيح البخاري رقم: (1508) وصحيح مسلم رقم: (985) واللفظ له، ولفظ البخاري: ((كنا نعطيها فـي زمان النبـي   صلى الله عليه وسلم)).
وقال النووي فـي ((شرح صحيح مسلم)): (ولـم يجز عامة الفقهاء إخراج القيمة وأجازه أبو حنيفة …) (7 / 60 ـ 61)، وقال فـي ((الـمجموع)): (وقال الشافعي والأصحاب لا يُجزىءُ  إخراج القيمة، وبه قال الـجمهور، وجوزها أبو حنيفة) (6 / 111)، وقال الإمام مالك: (لا يُعطي غير الطعام) [الـمدونة: (1 / 358)] ، وقيل للإمام أحمد: قومٌ يقولون: فلان كان يأخذ بالقيمة ؟ فقال: يَدَعونَ قول رسول الله (صلى الله عليه وسلم) ويقولون قال فلان !!! قال ابن عمر: ((فرض رسول الله (صلى الله عليه وسلم) زكاة الفطر …)) وقال تعالـى: [وَأَطِيعُواْ اللّهَ وَأَطِيعُواْ الرَّسُولَ] وهؤلاء يردُّون السنن بقال فلان قال فلان !!! [الـمغني: (2 / 661] .
وە ئەوانەی كە دەڵێن: ئێمە لە سەرفترەداندا خۆمان تەقلیدی مەزهەبی (أبو حنيفة) دەكەین !!!
لە ڕاستیدا فەتواكەیان (دوو ڕەگە) و مولەفەقە ! چونكە (سەری) فەتواكەیان لە مەزهەبی (شافعی) وە وەرگرتووە و (بـنـە)كەشیان لە مەزهەبی (أبو حنيفة)وە وەرگرتووە !!!
چونكە لە مەزهەبی (شافعی)دا پارە دان دروست نییە و دەبێت (صاعێك = چوار گوێـل) گەنم بدرێت بە سەرفترە.
بەڵام لە مەزهەبی (أبو حنيفة)دا پارە دان دروستە و دەبێت (نیو صاع = دوو گوێـل) گەنم بدرێت بە سەرفترە.
بۆیە ئەوانەی كە دەڵێن ئێمە خۆمان تەقلیدی مەزهەبی (أبو حنيفة) دەكەین لە پارەداندا دەبێت بڵێن پارەی (نیو صاع = دوو گوێـل) گەنم بدرێت بە سەرفترە !!! كە چی دەبینین وا ناڵێن !!!
وە لە ڕاستیدا مەزهەبی (شافعی) لە پێویست كردنی خواردن و لە بە ناڕەوا زانینی پارەداندا مەزهەبێكی موافیق و گونجاوە لە گەڵ سوننەتی پێغەمبەردا (صلى الله عليه وسلم)، بە بەڵگەی ئەو فەرموودەیەی كە لە سەرەوە باسكرا، بەڵام بۆ دانی بڕی (صاعێك = چوار گوێـل) گەنم بۆ سەری نەفەرێك لە گەڵ سوننەتدا موافیق و گونجاو نییە !
وە مەزهەبی (أبو حنيفة) یش سەبارەت بە دانی بـڕی (نیو صاع = دوو گوێـل) گەنم بۆ سەری نەفەرێك موافیق و گونجاوە لە گەڵ سوننەتی پێغەمبەردا (صلى الله عليه وسلم)، بە بەڵگەی ئەو فەرموودەیەی كە لە خوارەوە باس دەكرێت، بەڵام سەبارەت بە ڕەوا زانینی پارەدان لە جیاتی خواردندا لە گەڵ سوننەتدا موافیق و گونجاو نییە !
 عن عروة بن الزبير: " أن أسماء بنت أبي بكر كانت تخرج على عهد رسول الله (صلى الله عليه وسلم) عن أهلها – الـحر منهم والمملوك – مدين من حنطة أو صاعا من تـمر بالـمد أو بالصاع الذي يقتاتون به ". 
واتە: ئەسمائی كچی أبو بكر لە سەردەمی پێغەمبەری خوادا (صلى الله عليه وسلم) سەرفترەی دەردەكرد لە جیاتی كەسوكاری ـ بە ئازاد و بەندەكانەوە ـ دوو گوێـل لە گەنم یان چوار گوێل لە خورما.
جا لێرەدا پێویستە لە سەر موسڵمانان شوێن سوننەتی پێغەمبەر بكەون (صلى الله عليه وسلم) و ئەو مەزهەبەیش كە موافیق و گونجاوە لە گەڵ سوننەتی پێغەمبەردا (صلى الله عليه وسلم) ئەوە هەڵبژێرن، وە نابێت بە ویست و كەیفی خۆمان تەقلید بكەین و بە پێچەوانەی سوننەتی پێغەمبەر (صلى الله عليه وسلم) كرادار و پەرستن بكەین !!!
بۆیە دروست نییە سەرفترە بە پارە بدرێت، وە هەر كەسێك پارە بدات ئەوا سەرفترە دانی لە سەر نەكەتووە و قەرزار دەبێت هەتا خواردن دەدات بۆ زەكاتی سەرفترە وەك چۆن لە سەردەمی پێغەمبەردا (صلى الله عليه وسلم) سەرفترە بە خواردن دراوە، وە خوای گەورە دەفەرموێت:
[لَقَدْ كَانَ لَكُمْ فِي رَسُولِ اللَّهِ أُسْوَةٌ حَسَنَةٌ …] ، وە پێغەمبەریـش (صلى الله عليه وسلم) دەفەرموێــــت:  ((مَنْ عَمِلَ عَمَلاً ليسَ عليهِ أَمرُنا فهو رد))
واتە: هەر كەسێك هەر كردەوەیەك بكات، فەرمانی ئێمەی لەسەر نەبێت ئەوا ڕەد دەكرێتەوە و لێی قەبوڵ ناكرێت.
وە هەروەها صەحابە پایە بەرزەكانی پێغەمبەر (صلى الله عليه وسلم) بۆ زەكاتی سەرفترە تەنها خواردنیان دەدا و بەس وەك (أبو سعید الـخدری رضي الله عنه) كە فەرموویەتی: ((كُنَّا نُعطيها في زمن النبي (صلى الله عليه وسلم) صاعاً من طعام …))، وە (حُذيفة بن الیمان رضي الله عنه) كە فەرموویەتی:(كُلُّ عبادةٍ لَمْ يّتَعَّبَدْها أصحابُ مُحَمَّدٍ (صلى الله عليه وسلم) فلا تَعَّبَدوها، عليكم بالعتيق، فإنَّ الأول لَمْ يَدَعْ لِلْآخَڕ مَقالاً) واتە: هەر جۆرە عیبادەت و پەرستنێك ئەصحابەكانی مُحَمَّدٍ (صلى الله عليه وسلم) نەیان كردبێت ئەوا ئێوەیش مەیكەن، وە دەست بە ڕێباز و ئاینی پێشینانەوە بگرن، چونكە ئەوانەی پێشین هیچیان بۆ دوای خۆیان نەهێشتووە باسیان نەكردبێت،وە ئیمامی (مالك) كە مامۆستای ئیمامی (شافعی) بووە ـ ڕەحمەتی خوایان لێبێت ـ دەفەرموێت: (وما لـم يَكُن يومئذٍ ديناً فلا يكونُ اليومَ ديناً) واتە: ئەوەی لە سەردەمی پێغەمبەردا (صلى الله عليه وسلم) دین نەبووبێت ئەوا ئەمڕۆیش نابێت بە دین.
جا سەرفترە دان بە پارە لەسەردەمی پێغەمبەر (صلى الله عليه وسلم) و صەحابەدا دین نەبووە، بووەیە دوای ئەوانیش نابێت بە دین، وە ئەگەر سەرفترە دان بە پارە دروست بووایە ئەوا پێغەمبەری خوا (صلى الله عليه وسلم) نەیدەشاردەوە و باسی دەكرد و ڕوونی دەكردەوە بۆ ئوممەتەكەی، چونكە خوای گەورە دەفەرموێت: [وَمَا أَرْسَلْنَا مِن رَّسُولٍ إِلاَّ بِلِسَانِ قَوْمِهِ لِيُبَيِّنَ لَهُمْ ] [سورة إبراهيم: 4] ، وە هەروەها ئەگەر پارە دان دروست بووایە ئەوا صەحابە كاریان پێدەكرد و بۆمانیان دەگێڕایەوە، بەڵام هیچ صەحابییەك بە پارە سەرفترەی نەداوە و باسیشی نەكردووە هەر وەك چۆن لەو فەرموودانی كە لە پێشدا باس كران ئەم ڕاستییەمان بۆ دەردەكەوێت.
وە ئەگەر كەسێكی ـ پابەد نەبوو بە سوننەتی پێغەمبەرەوە (صلى الله عليه وسلم) ـ بڵێت: ڕاستە لە سەردەمی پێغەمبەردا (صلى الله عليه وسلم) خواردن دراوە نەك پارە، بەڵام ئێستا پارە باشترە بۆ هەژارەكان !!!
ئەوا لە وەڵامیدا دەڵێین: سەرەتا بزانە كە (زەكاتی سەرفترە) دان عیبادەتە، وە عیبادەتیش دەبێت بە پێی سوننەتی پێغەمبەر (صلى الله عليه وسلم) وە كرداری صەحابەكان بكرێت بۆ ئەوەی خوای گەورە قەبوڵی بكات نەك بە پێی هەواو ئارەزووی خەڵك و بۆچوونی هەندێك لە زانایان كە پێچەوانەی سوننەتی پێغەمبەر (صلى الله عليه وسلم) و كرداری هەموو صەحابەكانە.
ئەنجا: ئایە لە سەردەمی پێغەمبەردا (صلى الله عليه وسلم) فەقیر و هەژار زۆر تر نەبووە و ئەوانیش پێویستیان بە پارە نەبووە ؟؟؟!!!!
ئەی باشە پارە بۆ ئەوان باشتر نەبوو لە خواردن ؟ بۆ ئەوەی بتوانن بە ویست و كەیفی خۆیان پێداوستیەكانیان دابین بكەن بەو پارەیە ؟؟؟ بەڵام صەحابە پابەندی سوننەت بوون و مەصڵەحەت چی و شوێن كەوتەی بۆچوون و هەواو ئارەزووی كەس نەبوون.
وە ڕەحمەتی خوا لە زانایان بێت بە ڕاستی ئەوان بۆ خوا صوڵحاو بوون، و ئەوان بە ڕاستی شوێنكەوتەی سوننەتی پێغەمبەر بوون(صلى الله عليه وسلم) بۆیە دەبینین فەرمان بە موسڵمانان دەكەن كەوا شوێن سوننەتی پێغەمبەر (صلى الله عليه وسلم) بكەون و تەقلیدی هیچ زانایەك نەكرێت ئەگەر پێچەوانەی سوننەت بوو.
هەردوو ئیمامی (شافعی) و (أبو حنيفة) یش فەرموویانە: (إذا صَـحَّ الـحديثُ فهـو مذهبـي)، وە ئیمامی (أبو حنيفة) فەرموویەتی: (إذا قلتُ قولاً يُخالفُ كتاب الله تعالى وخبـر الرسول (صلى الله عليه وسلم)، فاتركوا قولـي)، وە ئیمامی (شافعی)ش فەرموویەتی: (كلُّ ما قلتُ فكان عن النبـي (صلى الله عليه وسلم) خـلاف قولـي مـما يصح، فحديث النبـي أولـى فلا تقلدونـي)، وە ئیمامی (أحمد) فەرموویەتی: (لا تقلدنـي ولا تقل مالكاً ولا الشافعي … وخُـذْ من حيث أخذوا)، وە هەروەها ئیمامی (شافعی) فەرموویەتی:(أجمع الـمسلمون على أنَّ من استبان له سنة عن رسول الله (صلى الله عليه وسلم) لـمْ يـحل لهُ أنْ يدعـها لقول أحد).
واتە: موسڵمانان یەك دەنگن لە سەر ئەوەی هەر كەسێك سوننەتێكی بۆ ڕوون بویەوە لە پێغەمبەری خواوە صلى الله عليه وسلم ئەوا حەڵاڵ نییە بۆی وازی لێبێنێت لە بەر قسەی هیچ كەسێك.
[كورتەی ئەم بابەتەی كۆتایی ئەوەیە:]
سەرفترە نابێت بە پارە بدرێت و دروست نییە، چونكە لە سەردەمی پێغەمبەردا (صلى الله عليه وسلم)خواردن دراوە بە سەرفترە نەك پارە، " وخير الـهدي هَدي مُحمَّدٍ  صلى الله عليه وسلم " …
بیرخستنەوەیەك:
موسڵمانان زیاتر لەم خاڵانەی خوارەوەدا پێچەوانەی سوننەتی پێغەمبەر (صلى الله عليه وسلم) دەكەن لە سەرفترەداندا:
1 ـ پارە دان لە جیاتی خواردن !
2 ـ پێش خستنی سەرفترە دان زیاتر لە ڕۆژێك یان دوو ڕۆژ پێش جەژن ! یان دوا خستنی بۆ دوای جەژن !
3 ـ سەرفترەدان بە شێخ و دەروێش و مەلا و فەقێ‌ ! چونكە سەرفترە تەنها حەقی هەژارەكانە و بەس، وە تایبەت نییە بە شێخ و مەلاوە.
بۆ زانینی سەرچاوەی فەرمودەكان (كە هەموویان صحیح و وەرگیراون) ئەم كتێبە بخوێنەرەوە:
چۆنێتی ڕۆژووی پێغەمبەر صلى الله عليه وسلم:
//ba8.org/kteb-69

www.ba8.org

بینێرە بۆ هاوڕێکەت
چاپکردن
ستایڵ
  • قەبارەی فۆنت
    • گەورەکردن:
    • zoomin
    • بچوک کردنەوە:
    • zoomout
  • جۆری فۆنت
    • ههەڵبژاردن:
  • ڕەنگی فۆنت
    • هەڵبژاردن:
  • بنەڕەتی کردنەوە
    • بنەرەتی
ڕێکلام