{خوای گەورە نوح پێغەمبەر - صلی الله علیه وسلم - رزگار دەكات} [وَنُوحًا إِذْ نَادَى مِنْ قَبْلُ] وه‌ نوحیش - صلی الله علیه وسلم - پێش ئه‌م پێغه‌مبه‌رانه‌ له‌ خوای گه‌وره‌ پاڕایه‌وه‌ كه‌ قه‌ومه‌كه‌ی له‌ناوبدات دواى ئه‌وه‌ى كه‌ بێئومێد بوو لێیان [فَاسْتَجَبْنَا لَهُ] وه‌ ئێمه‌ش وه‌ڵاممان دایه‌وه‌ [فَنَجَّيْنَاهُ وَأَهْلَهُ مِنَ الْكَرْبِ الْعَظِيمِ (٧٦)] وه‌ خۆی و كه‌سوكاره‌كه‌ی، واته‌: ئه‌و باوه‌ڕدارانه‌ی كه‌ شوێنی كه‌وتن له‌ناو كه‌شتیه‌كه‌یدا ڕزگارمان كردن له‌و سزا قورسه‌ كه‌ سزای كافرانمان پێدا كه‌ تۆفان و زریان و لافاوه‌كه‌ بوو.